YOYESI YA BAKA-KILISTU
Libwaheseleni Mabezi a Kukasumuna
Mwafwa bika munapande kulibwahesela? Mabezi amo akaija mu kukasumuna, co banasa kumikwata mu cipatela. Ngeci, simbu kanda kusholoke bukalu bwa kukasumuna, lingeni mwoshe mumwasela kulibwahesela, mangana bakamisake mwamubwa. Nga mulinga ngoco, mumwesa ngweni mwamona kuyoya kupwa kwa seho, co lalo mwasingimika lishiko lya Yehova lije lyendeka ha maninga.—Bil 15:28, 29.
Bika bimwasa kulinga omwo mulibwahesela?
Lombeleni na kushulisilila mwamubwa kadi ya maninga (DPA).a Baka-kwambulula ba kumbwitika basa kwambata ei kadi kuli ndolome atala bya mabulu na kwambata kadi ya maninga ya banike (Identity Card)
Nga muli na cikute, co lombeni bakulunu fomu ya Litaba Zeama Basali Babaitwezi (S-401-SK). Ei fomu imikwasa kwangula mwamubwa byakulinga ha simbu imuli na cikute nambe ha simbu ya kupapa
Nga sakesi ibashaka kumisaka nayo itondeka kumyaka maninga nambe kukala mu cipatela ha simbu yailaha, co lekeleni cimweja bakulunu na kuleka baka-cipatela ngweni kuli Bakaleho ba Yehova bamo baija na kumimona
Bakulunu basa kumikwasa bati? Basa kumikwasa kushulisilila kadi yeni ya maninga. Nameme ngoco bakulunu kubamyangwila sakesi inapande nambe kwendeka biyongola byabo ha byuma byanapande kulyangwila munu na munu. (Lom 14:12; Gal 6:5) Nga muleka bakulunu ngweni munaliwana na bubezi buje bunasa kutonda kumyaka maninga, co basimutwiya na Komiti ya Kulizibasana na Baka-cipatela (HLC).
Komiti ya Kulizibasana na Baka-cipatela yasa kumikwasa bati? Bandolome ba mu Komiti ya Kulizibasana na Baka-cipatela banabalongesa mwakukwasela baka-cipatela na baka-mashiko bazibisise mutwamwena maninga. Basa kusimutwiya na baka-kumisaka ha bingila bimo bya kusakelamo bije kubitondeka kwaka munu maninga. Simbu imo banasa kumikwasa kuwana ndotolo uje nasa kutaba kumisaka kwesekesa nomu mumutondela.
KENGENI VIDIO YA ANGULENI SAKESI YAIBWA NGA BATONDA KUMYAKA MANINGA. KUTUNDAHO, KUMBULULENI CIHULA CINATAKO:
Bika bimunalilongesa omu mu vidio bije byasa kumikwasa kulibwahesela mabezi a kukasumuna aje atondeka kumyaka maninga?
a Cilongesa 39 mu libulu lya Likuweni Kuyoya Myaka Yoshe! casa kumikwasa kwangula mwamubwa byakulinga ha sakesi ya kwaka munu maninga.