Mwasa Kubwezelela ku Kubwahelela mu Naanga Yeni

Yehova ashaka ngwendi binaanga bipwe bya kubwahelela. (Mya 127:3-5; Kwa 9:9; 11:9) Oloni simbu imo twasa kwonwa kupwa ba kubwahelela mu naanga mwafwa ya bishoti na tupenga twa bakwetu mu naanga. Bika byanapande kulinga umo na umo mu naanga mangana kukale kubwahelela?

Munalume napande kusingimika munakazi wendi (1Pi 3:7) Napande kuwana simbu yaingi ya kusikama nendi. Kapandele kusinganyeka ngwendi munakazi wendi alinga byuma byabingi, oloni napande kukandelela ku byoshe byali na kumulingila na kulingila naanga. (Kol 3:15) Napande kumumwesa cizemo na kumushangala.—Vis 31:28, 31.

Munakazi napande kuwana bingila bya mwakukwaselamo munalume wendi. (Vis 31:12) Napande kulyaka kwisi ya munalume wendi na kulikwatasana nendi. (Kol 3:18) Napande kwendeka nendi mu ngozi na kwendeka byabibwa hali ikeye.—Vis 31:26.

Bisemi banapande kuwana simbu yakukala na bana babo. (Kwi 6:6, 7) Banapande kuleka bana babo ngwabo babazema. (Mat 3:17) Nga banangula bana babo, banapande kulinga ngoco mu cizemo na kunanguka ngila yaibwa ya kunangwilamo.—Efe 6:4.

Bana banapande kwononoka bisemi babo. (Vis 23:22) Banapande kuzituka kuleka bisemi babo bisinganyeka byabo nomu mubali na kulizibila. Banapande kutambula binangulo bya bisemi babo na kubasingimika.—Vis 19:20.

KENGENI VIDIO YA LINGENI BYUMA BIJE BINENA KUBWAHELELA MU NAANGA YENI. KUTUNDAHO, KUMBULULENI CIHULA CINATAKO:

• Bika byanalingi umo na umo mangana anene kubwahelela mu naanga?