Kampeni ya Kuleka Banu bya Bumwene bwa Njambi mu September

Mu September tukala na cipangi cakama ca kuleka banu ngwetu bumwene bwa Njambi bukebwo lika bukamanesa bukalu bwoshe bubali na kuliwana nabwo banu. (Mat 24:14) Mwasa kukalinga bati eci cipangi? Batandeleni cisoneka cije cendeka ha bumwene bwa Njambi, co lingeni ngoco ku banu babangi mu ngonde yoshe. Nga munu namwesa kubwahelela, co musezeleni Kaposhi ka mbunga ka Na. 2 2020. Co lalo ilukile bwasi kuli baje banatambwile mwamubwa muzimbu na kushangumuka kulilongesa nabo Mbimbiliya kupangesa broshuwa ya Likuweni Kuyoya Myaka Yoshe! Baje balinga bupainiya bwakukwasa mu ngonde ya September basa kulyangwila kulinga bupainiya bwa kukwasa bwa maola 15 nambe 30.

Bumwene bwa Njambi ololo bunyongesa bifulumende bije bili na kubulwisa. (Nda 2:44; 1Kr 15:24, 25) Tupangeseni ei simbu ya kampeni mukumwesa ngwetu yetu tuli na kukundwiya Yehova na Bumwene bwendi.