Bika Byasa Kutukwasa Kwangununa Byabibwa ku Byabibi?

Nga mushaka kuya ku mutambela uje kumuzibuka, bika bimunapande kulinga?

1. 1. Kuma mukabangeya ngila ije imusinganyeka ngweni ikeyo ndi?

2. 2. Kuma mukabangeya bakweni baje bamusinganyeka ngweni bazibuka ngila ndi?

3. 3. Kuma mupangesa GPS, mapu nambe kwihula kabusamba keni uje azibuka ngila ndi?

Nga mupangesa ngila yakulibanga nambe yamucibali muya kumo, oloni kumwete ku mutambela mpundu kumutonda kuya. Oloni nga mwangula kupangesa ngila yamucitatu mwasa kukulahela ngweni mweta ku mwela mpundu kumuli na kuya.

Buyoye bwetu bunapu ngwe bungenzi, co tushaka kwenda mwamubwa mangana tukayoye bwino kulutwe. Binangulo bitupangesa mu kwangula byakulinga bikebyo bitukwasa kuketa kutuya.

Kakangi byuma bitukangula kulinga kubyapwile manene byakama, oloni simbu imo byuma bitukangula bikakundama manene kuyoya kwetu. Bikamwesa mutwamwenamo byuma na bitwakulahela kupwa byabibwa nambe byabibi. Byuma byakama bitwangula kulinga bikundama manene buyoye bwetu na banu batwazema, co byasa kubakwasa nambe kubanenela bukalu. Ebi binambateselela byuma bya kufwa ngwe:

• Kulilala na bulo

• Kupwa ba kulongwa, bipangi, na bimbongo

• Mwakulelela bana

• Mwakuyoyela na bakwetu

Bika byasa kumikwasa kuzibuka indi bimwangula kutalesa ku byuma bili helu, bimikwasa kuyoya mwamubwa hamolika na banu bamwazema?

Cihula cakama citunapande kulihula tubaboshe eci: Bika byasa kunjikwasa kwangununa byabibwa ku byabibi na kwangula mwamubwa byakulinga?

Ei magazini ilumbununa byuma bitulingisa tukulahele biyendeka Mbimbiliya kutalesa ku byuma byabibwa nebi byabibi.