Kukonekela Bubi Simbu Kanda Kukale Ndando ya Kupatula

Bubi bwetu basa lika kubukonekela kwitila mu ndando ya kupatula yafwetele Yesu na maninga endi. (Efeso 1:7) Mbimbiliya ngwayo: ‘Njambi wakele na kwecelela banu na kukonekela bubi bwalingiwile kunima,’ simbu kanda Yesu ane ndando ya kupatula. (Lom 3:25) Yehova wasele bati kukonekela bubi na kupwa Njambi uje akakula mu kusungama, simbu kanda Yesu ane ndando ya kupatula?

Yehova mwabwahesele ngwendi ‘munendi’ wapandele kwakwobola banu baje bakulahela kuli ikeye, kwapwile lika ngwe ndando ya kupatula banaifwete laja. (Gene 3:15; 22:18) Njambi wazibukile ngwendi munendi ana ndando ya kupatula ha simbu yabwahesele. (Gala 4:4; Hebe 10:7-10) Yesu mwakele hano hasi, Yehova wamwanene nzili ya kukonekela bubi simbu kanda ane ndando ya kupatula. Wakele na kukonekela bubi bwa banu baje bamukulahelele mwafwa wazibukile ngwendi kutsa kwendi kupatula banu ku bubi.—Mate 9:2-6.