Pangeseni Mbimbiliya Ngwe Ciponi

Ndongesi Jemusi wesekesele Mbimbiliya ku ciponi, co ikatukwasa tuzibuke mutwafwila. (Yako 1:22-25) Twasa kupangesa bati mwamubwa Mbimbiliya ngwe ciponi?

Tandeni Mbimbiliya mu kulibandeka. Nga tutala bwasi-bwasi mu ciponi, kunasa kutukaluwila kumona ha tunapande kulibwahesa. Mu ngila imolika, nga tutanda Mbimbiliya bwasi-bwasi kunasa kutukaluwila kuzibuka ha tunapande kupangela. Ngeci, tunapande kutanda Mbimbiliya mu kulibandeka mangana tunanguke ha tunapande kupangela.

Akeni mbunge ha munapande kupangela, kesi ha banapande kupangela bakweni. Simbu imo nga muli na kulikenga ha ciponi, munasa kumona baje bali kunima yeni ha ciponi. Ngeci oku kwasa kumilingisa mwake mbunge ha banapande kulibwahesa bakebo kutubakana ha munapande kulibwahesa yeni babenya. Mu ngila imolika, netu twasa kutanda Mbimbiliya mukushaka kuwana ha banapande kupangela bakwetu. Oloni kulinga ngoco, kutulingisa tujeneke kupangela ha tupenga twetu.

Pweni baka-kuzibisisa. Tunasa kuzeya nga tutala mu ciponi na kwaka lika mbunge ku byuma bije kutushaka. Ngeci, tunapande kupwa baka-kuzibisisa omwo tutanda Lijwi lya Njambi ha kujeneka kusinganyeka ngwetu tunapande kulinga byuma byabingi kutubakana byatonda Yehova ngwendi tulinge.—Yako 3:17.