Mushongo wa COVID Unatsii Banu ba Kutubakana 6 Milyoni—Bika Biyendeka Mbimbiliya?

Munga Itala bya Bukangule bwa Banu mu Kaye (World Health Organization) ngwayo mutunetele lya May 23, 2022, banu 6.27 milyoni banatsi ku mushongo wa COVID-19. Oloni mu muzimbu uinatuhwile lya May 5, 2022, ei munga ngwayo cisholoka ngwe banu banatsi, babangi manene kutubakana oho. Ngwayo mu mwaka wa 2020 na 2021, “banu ba kweta ku 14.9 milyoni . . . banatsi ku mushongo wa COVID-19 nambe ku mishongo yeka ya kulifwa nawo.” Kuma Mbimbiliya inendekako bimo kutalesa ku bukalu bwa cifweci ndi?

Mbimbiliya yapolofwetele ngwayo kukakala mishongo ya kulitambwisa

• Yesu wapolofwetele ngwendi kukakala mishongo yakama ya kulitambwisa ha simbu ya “matangwa a kukotoka.”—Luka 21:11; 2 Timateo 3:1.

Bupolofweto bwa Yesu buli na kulishulisilila. Nga mushaka kuzibuka byabingi, tandeni ñanda ya mutwe wa “Bika Bimwesa Ngwabyo Tuli mu ‘Matangwa a Kukotoka’?”

Mbimbiliya ituzembeleka

• ‘Njambi uje akatuzembeleka mu byuma byoshe . . . akatuzembeleka mu byeseko byetu byoshe.’—2 Kolinte 1:3, 4.

Muzimbu wa mu Mbimbiliya unazembeleka banu babangi baje banatsisa banu babazema. Zibeni byabingi mu ñanda ya mutwe wa “Bimunapande Kulinga Mangana Mulikolese mu Busiwa” nei ya “Bukwasi Kuli Baje Banatsisa.”

Mbimbiliya imwesa ngwayo mishongo ikahwa

• “Bumwene bwobe bwije, cizango cobe bacilinge hano hasi, ngwe omwo bakacilingi mwilu.”—Mateo 6:10.

Ololo “Bumwene bwa Njambi” bulingako bimo, co “Naumo wai lalo . . . akalinyenga ha kubinja.” (Mako 1:14, 15; Isaya 33:24) Kengeni vidio ya Bumwene bwa Njambi Bwapwa Buka? mangana muzibe byabingi kutalesa oku ku fulumende ya mwilu nebi biikalinga.

Tumishongangeya kulilongesa Mbimbiliya mangana mumone mubimikwasela binangulo na bikulaheso byabibwa bilimo hamolika na naanga yeni.