Yesu Akamanesa Bukenya

Yesu akazibisisa mwamubwa kumona banu bayanda mwafwa ya bukenya na kubalinga mwamubi. Bamukutiiye biñanda bya makuli, kumupupanga, kumunenela byeseko byabingi, kumukuta kwa kujeneka mulonga na kumutsiya mu ngila yaibi manene. Nameme kakele na mulonga, wanene “kuyoya kwendi kupwa ndando ya kupatula mangana apatule babangi.” (Mateu 20:28; Iwano 15:13) Oloni hano ha kupwa Mwene wa Bumwene bwa Njambi, ololo alinga banu boshe mwamubwa na kumanesa bukenya mu kaye koshe.—Isaya 42:3.

Mbimbiliya inendeka mubikafwila byuma mu kaye Yesu mwakalingako bimo:

• “Banu bababi kubakakalako.Ukatala haje habakele, Oloni kuukabawanaho. Oloni banu bababotsi bakaswana lifuti-libu, Co bakabwahelela manene mwafwa bakalikuwa kwoloka kwakama.”—Bisamu 37:10, 11.

Twasa kumwesa bati kukandelela ku byuma byanatulingila Yesu nebi byakatulingila? Ngila imo inapu kulilongesa bya byabingi ha “muzimbu waubwa wa Bumwene bwa Njambi,” uje wambulwile Yesu. (Luka 4:43) Tandeni ñanda ya “Bumwene bwa Njambi Bwapwa Buka?”