Bika Biyendeka Mbimbiliya ha Banu Baje Bayoya Hamo Okuni Kubalyambatele?

Biyendeka Mbimbiliya

Mbimbiliya ngwayo Njambi ashaka ngwendi banu “bajenjuke ku bupangala.” (1 Tesalonika 4:3) Mbimbiliya muikendeka ha bupangala ikambateselela na bukoi, kulilala mu bushyamwa bumo na kulilala kwa banu kubalyambatele.

Mwafwa bika Njambi ashaka ngwendi munalume na munakazi balyambate?

Njambi ikeye wabwaesele bulo. Walingile ngoco omwo wanene Eva kuli Adama mangana apwe munakazi wendi. (Kushangumuka 2:22-24) Njambi kayongwele ngwendi munalume na munakazi bakale hamo oku kubalyambatele.
Njambi azibuka byuma byasa kukwasa banu. Njambi mwabwaesele bulo kayongwele ngwendi banu banalyambata balitepe mwafwa kulitepa kukobelesa naanga mu bukalu. Tusimutwiyeniko ha cakumwenako eci. Nga mulanda cikwata cimunapande kunungakana bakamyana mashiko amwesa mwa kulingila ngoco. Mu ngila imolika, mashiko a Njambi akakwasa binaanga bipwe bya kubwahelela. Mashiko a Njambi akakwasa baje bawonono.—Isaya 48:17, 18.

Nga mulanda cikwata cimunapande kunungakana bakamya mashiko amwesa mwakulingila ngoco. Mu ngila imolika, mashiko a Njambi akakwasa binaanga bipwe bya kubwahelela
Bukalu muka butunda mu kulilala na munu kutwalyambatele nendi? Cakumwenako, tunasa kukala na bishoti mwafwa ya limo lya kujeneka kubandamena na mishongo ikatundu mu kulinga bukwizi.
Njambi watangele banu na cashu ca kukita kwitila mu kulilala. Wamona kuyoya kupwa kwa seho, co lalo wamona cashu ca kukita kupwa bwana bwakulitila. Njambi ashaka ngwendi tusingimike obu bwana ha kwononoka mashiko anatungu a bulo.—Vahebelu 13:4.

Kuma banu baje kubalyambatele banapande kukala hamo mangana bamone indi balitombola ndi?

Baje bashaka kulyambata kubapandele kukala hamo simbu kanda balyambate mu kushaka lika kumona indi basa kulitombola. Kulinga cikumiiyo kukwasa baka-kulyambata bakanyamese bulo bwabo na kupangela hamo nga kusholoka bukalu.a Cikumiiyo cikakanyamesa bulo.—Mateu 19:6.

Baka-kulyambata basa kukanyamesa bati bulo bwabo?

Kukwakele bulo bwa kulumbunuka. Nameme ngoco, baka-kakulyambata basa kukanyamesa bulo bwabo nga bapangesa binangulo bya mu Mbimbiliya. Tusimutwiyeni hali ebi byakumwenako:

Keti mwake mbunge ku byuma bimutonda lika yeni, oloni akeni mbunge na ku byuma bibatonda baka-limbo lyeni. 1 Kolinte 7:3-5; Filipu 2:3, 4.
Limweseni cizemo na kasingimiko.—Efeso 5:25, 33.
Kaleni na endekesi yaibwa.—Visimo 12:18.
Kaleni na mbunge ya kubandamena, co pweni baka-kukonekela.—Kolose 3:13, 14.

a Taleni ñanda ya “Byuma Bikwasa Naanga Ikale Mwamubwa—Cikumiiyo.”