2. Twasa kukandelela bati kuli Yehova ha kutwana bwana bwa kuyoya?

Kushwa lika hatwashangumukilile kukala mwimo lya bananetu, Yehova natwalelelaho kutunyungilila. Njambi wahwimininine Ndabiti asoneke ngwendi: “Wanjimwene simbu kanda njisemuke.” (Myaso 139:16) Yehova wamona kuyoya kupwa kwa seho manene. (Tandeni Mateo 10:29-31.) Ngeci, Njambi kesi kuliziba bwino nga munu atsiya mukwabo nambe nga alitsiya ikeye babenya.a (Kutuuka 20:13) Co lalo Yehova kesi kuliziba bwino ku mbunge nga tulingila shakelo kwaka buyoye bwetu mu bushonde, nambe nga kutulingi byuma bije byasa kunyungilila kuyoya kwetu noku kwa bakwetu. Nga tunyungilila kuyoya kwetu noku kwa bakwetu, co tumwesa ngwetu twamona kuyoya kupwa kwa seho manene.

5. Singimikeni kuyoya kwa mbututu uje kanda asemuke

Ndabiti wamwesele ngwendi Yehova waka mbunge mbututu uje kanda asemuke hamolika na byuma byoshe bilingiwa kuli ikeye. Tandeni Myaso 139:13-17, na kusimutwiya ha cihula cinatako:

• Kuli Yehova, kuma kuyoya kwa munu kukashangumuka nga baina bemita, indi ha simbu yasemuka?

Mashiko anene Yehova kuli Baisalele anyungililile banakazi baje bakele na bikute hamolika na bimbututu baje bakele mwimo. Tandeni Kutuuka 21:22, 23, na kusimutwiya ha bihula binatako:

• Yehova wamwene bati munu watsiile mbututu uje kanda asemuke, mu kujeneka kuzibuka?

• Yehova aliziba bati nga munu atsiila shakelo mbututu uje ali mwimo?b

• Yeni mumona bati ebi biyongola bya Njambi?

Kengeni VIDIO.

VIDIO: Moneni Kuyoya Kupwa Kwa Seho Ngwe Mwamwena Njambi (5:00)

Nameme munakazi uje wamona kuyoya kupwa kwa seho nasa kuliziba ngwendi mwahi mwakulingilila kubanga atundise limo. Tandeni Isaya 41:10, na kusimutwiya ha bihula binatako:

• Nga munakazi aliziba ngwendi napande kutundisa limo, bika byasa kumukwasa mangana keti atundise limo? Mwafwa bika?