Watchtower LAIBRALI YA HA INTANETI

Njasa Kupwa Bati Kabusamba ka Njambi?

Bikumbululo ku Bihula Bibakehula Babaha, Volyumu 2
- Kuli cuma cikwabo casa kukanyamesa busamba bweni na Njambi cije kumwapandele kwombwanesa. Ndabiti wembile ngwendi: ‘Makeleni mumone ngweni Yehova wapwa wamubwa.’ (Myaso 34:8) Ndabiti wasonekele mukanda wa Myaso 34 munima ya kuliwana na byuma bimo bya kutewesa. Ha simbu ei, wakele na kutewa Mwene Saulu uje washakele kumutsiya. Obu bwapwile bukalu bwakama. Co Ndabiti wakalishwekele mukati ka bitozi bendi Bafilisitiya. Omwo wamwene ngwendi basele kumutsiya, Ndabiti walikwisile kuzaluka, co wobokele.—1 Samwele 21:10-15.
  
  Ndabiti kalizibile ngwendi kunyanyama kwendi kukekwo kwamulingisile obokele ha cala. Co washangazalele Yehova. Ku maputukilo a mukanda wa Myaso 34, Ndabiti wasonekele ngwendi: ‘Njalombelele kuli Yehova, co wanjikumbulwile. Wanjipatwile ku byuma byoshe bije byanjizibisile lyoba.’ (Myaso 34:4) Byuma byaliwanene nabyo Ndabiti bikebyo byamulingisile ashongangeye bakwabo ngwendi ‘bamakele na kumona ngwabo Yehova wapwa wamubwa.’a

Njasa Kupwa Bati Kabusamba ka Njambi?

Bikumbululo ku Bihula Bibakehula Babaha, Volyumu 2
- a Baka-kunungulula Mbimbiliya bamo bananungulula majwi a ‘makeleni mumone’ ngwabo ‘limweneni yeni babenya’ ‘liwaneneni bukaleho’ nambe ‘byuma bimuliwana nabyo bimikwasa kumona.’—Mbimbiliya ya Contemporary English Version, ya Today’s English Version, na ya The Bible in Basic English.