• Bika Bitukwasa Twangule Mwamubwa Byakulinga?
    Likuweni Kuyoya Myaka Yoshe!—Kulilongesa Mbimbiliya Kumikwasa

    • 5. Singimikeni bitakutaku bya bakweni

      Banu baliseza-seza, co banasa kwangula byuma bya kuliseza. Twasa kusingimika bati bitakutaku bya bakwetu? Tusimutwiyeniko ha byakumwenako bibali:

      Cakumwenako 1: Hamo kuli ndokazi uje washaka kulipenta, co aya ku cikungulukilo kuje kuli bandokazi baje kubesi kuzituka nga bamona munu nalipente.

      Tandeni Loma 15:1 na 1 Kolinte 10:23, 24. Kutundaho, simutwiyeni ha bihula binatako:

      • Kwesekesa nebi bisoneka bika byanasa kulinga ou ndokazi? Mulinga bati nga mukweni abyana kulinga byuma bicimitabesa citakutaku ceni?

      Cakumwenako 2: Hamo kuli ndolome uje nangula kujeneka kunwa bwala nameme azibuka ngwendi Mbimbiliya kuyabindikile kunwa bwala mu kwesekela. Co mubanamulanya ku cilika cimo, amona bandolome bakwabo bali na kunwa bwala.

      Tandeni Muka-kwambulula 7:16 na Loma 14:1, 10. Kutundaho, simutwiyeni ha bihula binatako:

      • Kwesekesa nebi bisoneka bika byanasa kulinga ou ndolome? Mulinga bati nga mukweni alinga byuma bicimibindika citakutaku ceni?

      Byuma bimikwasa mwangule mwamubwa byakulinga

      Munakazi ali na kulombela.

      1. Lombeni Yehova amikwase kwangula mwamubwa byakulinga.—Yakomba 1:5.

      Munakazi wa kulifwa ali na kutondesesa kupangesa Mbimbiliya, mabulu aje anemana ha Mbimbiliya na kompyuta.

      2. Tondeseseni mu Mbimbiliya na mu mabulu etu muwane binangulo bije bimikwasa. Lombeni lalo bukwasi ku bandolome na bandokazi.

      Ou munakazi ali na kusinganyekesesa.

      3. Lihuleni ngweni, ‘Byuma binjangula kulinga binjilingisa njikale na citakutaku ca kujela ndi? Njitanwisa bakwetu ndi?’