5. Yehova ashaka ngwendi babusamba bendi balinge bika?

Kuli byuma bitukashaka ngwetu babusamba betu balinge na bije kutwesi kushaka ngwetu balinge.

• Mukashaka ngweni babusamba beni bamilingile bika?

Tandeni 1 Yowano 5:3, na kusimutwiya ha cihula cinatako:

• Yehova ashaka ngwendi babusamba bendi balinge bika?

Nga tutengulula futisi yetu yaibi na kukala na bilinga byabibwa, co tumwesa ngwetu tuli na kwononoka Yehova. Tandeni Isaya 48:17, 18, na kusimutwiya ha cihula cinatako:

• Mwafwa bika Yehova akaleke babusamba bendi ngwendi batengulule futisi yabo yaibi?

Kutunda hamunashangumukila kulilongesa Mbimbiliya, kuma busamba bweni na Njambi buli na kukanyama ndi? Kuma mushaka kutwalelelaho kukanyamesa busamba bweni nendi ndi? Anukeni ngweni, nga muzema manene Yehova, co nendi amizema manene na kumyaka mbunge. Mwasa kumwesa bati ngweni mwazema Yehova?

1. Twasa kumwesa bati ngwetu twazema Yehova?

Tumwesa ngwetu twazema Yehova nga tumwononoka. (Tandeni 1 Yowano 5:3.) Oloni kesi kusindiya banu bamwononoke. Ashaka ngwendi munu na munu alyangwile ikeye babenya. Mwafwa bika? Yehova ashaka ngwendi ‘mumwononoke na mbunge yeni yoshe.’ (Loma 6:17) Mu endekesi ikwabo, Yehova ashaka ngwendi mumwononoke mwafwa ya kumuzema, keti kulingila lika lishiko. Mutamba 3 na 4 wa lino libulu banaubwahesela kumikwasa mangana mumwese ngweni mwazema Yehova ha kulinga byuma bimuzibisa kubwaha na kujenjuka ku byuma bije bimulubalesa.

2. Bika byasa kutulingisa kutupwile kwakukalu kumwesa ngwetu twazema Yehova?

“Tuyando twa muka-busunga twapwa twatungi.” (Myaso 34:19) Bisimbu bimo, tubaboshe kukatukaluwila kulinga byabibwa mwafwa kutwalumbunukile. Co lalo twasa kuliwana na bukalu bwa kufwa ngwe buhutu, kujeneka kutulinga mwamubwa, na bukalu bwa kuliseza-seza. Kulinga byuma byabibi kwakwasi. Ngeci, nga tuli mu bukalu, kunasa kutukaluwila kwononoka Yehova. Oloni nga twononoka Yehova, co tumwesa ngwetu twamuzema manene kutubakana cuma coshe-coshe. Co lalo tumwesa ngwetu tubakulongwa kuli ikeye. Nga mulinga ngoco, Yehova amibezikisa, co kakamiseze.—Tandeni Myaso 4:3.

4. Zibiseni Yehova kubwaha ku mbunge

Tandeni Visimo 27:11, na kusimutwiya ha bihula binatako:

• Yehova akalizibi bati nga mukala na mana na kumwononoka? Mwafwa bika?

5. Mwasa kupwa ba kulongwa kuli Yehova

VIDIO: Imaneneni Likulahelo Lyeni Nga Bamilwisa (5:09)

• Kuma bisimbu bimo kukamikaluwila kulekako bakweni bya Yehova ndi?

• Kwesekesa na vidio, bika byakwasele Grayson apwe wa kusimpa?

Nga tuzema byazema Yehova na kuzinda byazinda, co kutupwila kwakwasi kupwa ba kulongwa kuli ikeye. Tandeni Amose 5:15, na kusimutwiya ha bihula binatako:

• Kwesekesa nebi bimunalilongesa, byuma muka bimo byazema Yehova? Bika byazinda?

• Bika bimikwasa muzeme byabibwa na kuzinda byabibi?

6. Kwononoka Yehova kutukwasa

Kwononoka Yehova kwapwa kwakubwa simbu yoshe. Tandeni Isaya 48:17, 18, na kusimutwiya ha bihula binatako:

• Kuma tunapande kukulahela ngwetu Yehova azibuka byuma bitukwasa ndi? Mwafwa bika?

• Kulilongesa Mbimbiliya na kuzibuka Yehova, Njambi wa busunga, kunamikwasa bati?

SIMPI YAKAMA

Nga mwononoka Yehova na kukolesa nameme muliwana na byeseko, co mumwesa ngweni mwamuzema.

Kwitulukamo

• Bika bimunalilongesa ku mwanja wa Yombi?

• Mumwesa bati ngweni mwazema Yehova?

• Bika bimikwasa mutwaleleleho kupwa ba kulongwa kuli Yehova?

WANENI BIKWABO

Mwasa kupwa bati ba kulongwa kuli Yehova na ku cikungulukilo?

“Wapwa wa Kulongwa Kuli Baje ba Kulongwa Kuli Yobe” (16:49)

Satana nabangeya banu biñanda muka bikwabo?

“Yombi Wapwile wa Kulongwa” (Muzimbu Muka Uli mu Mbimbiliya? mutamba 6)

Banike basa kupwa bati ba kulongwa kuli Yehova?

Zibiseni Yehova Kubwaha ku Mbunge (8:16)

Babaha basa kupwa bati ba kulongwa nga bakwabo bashaka kubonowesa kupwa ba kulongwa kuli Njambi?

Byaneni Nga Bakweni Bamishongangeya Kulinga Byuma Byabibi! (3:59)

Tubaboshe tukangula byakulinga. Byuma bitwangula byasa kutukwasa nambe kutukobelesa mu bukalu. Co lalo byasa kukanyamesa busamba bwetu na Yehova nambe kubutsiya. Cakumwenako, hamo tunasa kwangula kutukala, mwakuliyoyesela, kukala mu buzike nambe kukobela mu bulo. Nga twangula mwamubwa byakulinga, co tuzibisa Yehova kubwaha ku mbunge, co lalo tupwa ba kubwahelela.

1. Mbimbiliya yasa kutukwasa bati mangana twangule mwamubwa byakulinga?

Simbu kanda mwangule byakulinga, lombeni Yehova amikwase. Co iluleni lalo biyendeka Mbimbiliya ha ñanda oyo. (Tandeni Visimo 2:3-6.) Mu byuma bimo, Yehova akatwana mashiko atunapande kukabangeya. Ngeci, nga mulyangwila kwononoka mashiko a Yehova, co mulinga mwamubwa manene.

Oloni bati nga kukwesi lishiko lya mu Mbimbiliya lije lyendeka mpundu ha ñanda imo? Yehova anga acitutwamenena ‘mu ngila mutunapande kuya.’ (Isaya 48:17) Alinga bati ngoco? Kuli binangulo byasa kutukwasa. Binangulo bya mu Mbimbiliya bimwesa biyongola bya Njambi nomu mwakalizibila. Kutanda Mbimbiliya kutukwasa tuzibuke biyongola bya Njambi. Kuzibuka mwakalizibila Yehova kutukwasa twangule mwamubwa byakulinga.

2. Bika bitunapande kwaka mu biyongola omwo twangula byakulinga?

Mbimbiliya ngwayo: “Baka-mana bakebo bazibuka kuje kubaya.” (Visimo 14:15) Ngeci, simbu kanda twangule byakulinga, tunapande kusinganyekesesa ha byuma bitushaka kulinga. Omwo mwangula byakulinga, lihuleni ngweni, ‘Binangulo muka bya mu Mbimbiliya bije byasa kunjikwasa? Byuma binjishaka kulinga binapande ndi? Bizibisa bakwetu kubabala ku mbunge nambe kubakobelesa mu bukalu ndi? Bizibisa Yehova kubwaha ndi?’—Kwituluka mu Mashiko 32:29.

Yehova ikeye asa kutukwasa tuzibuke byuma byabibwa na byuma byabibi. Nga tuzibuka mwamubwa mashiko na binangulo bya Yehova na kubikabangeya, co tukala na citakutaku ca kujela. Citakutaku capwa cuma cije cikatuleke byuma byabibwa nambe byabibi. (Loma 2:14, 15) Nga tulongesa mwamubwa citakutaku cetu, co twangula mwamubwa byakulinga.

TONDESESENI

3. Tabeseni Mbimbiliya imitwamenene

VIDIO: Tabeseni Binangulo bya mu Mbimbiliya Bimitwamenene (5:54)

• Kwesekesa nei vidio, bwana muka bwanatwana Njambi?

• Mwafwa bika Yehova natwana nzili ya kulyangwila byakulinga?

• Bika byanatwana bije bitukwasa tupangese mwamubwa nzili ya kulyangwila byakulinga?

Tandeni Efeso 5:15, 16, mangana mumone cinangulo cimo ca mu Mbimbiliya. Mwasa kupangesa bati mwamubwa simbu yeni mangana . . .

• muwane simbu ya kutanda Mbimbiliya?

• mupwe cisemi wamubwa, mwana wamubwa nambe kukala mwamubwa mu bulo?

• mukunguluke ku biwano?

4. Longeseni citakutaku ceni mangana mwangule mwamubwa byakulinga

VIDIO: “Twaleleleniho Kukala na Citakutaku ca Kujela” (5:13)

• Kwesekesa nei vidio, bika byalingile uje ndokazi mangana alongese citakutaku cendi na kwangula mwamubwa byuma bije bizibisa Yehova kubwaha ku mbunge?

Mwafwa bika kutwapandele kuleka bakwetu batwangwile byakulinga bije bitunapande kulyangwila yetu babenya? Tandeni Vahevelu 5:14, na kusimutwiya ha bihula binatako:

• Nameme kunasa kutupwila kwakwasi kuleka bakwetu batwangwile byakulinga, tunapande kuzibuka mwakwangunwina bika?

• Bika bitukwasa mangana tulongese mwamubwa citakutaku cetu na kwangula mwamubwa byakulinga?

5. Singimikeni bitakutaku bya bakweni

Banu baliseza-seza, co banasa kwangula byuma bya kuliseza. Twasa kusingimika bati bitakutaku bya bakwetu? Tusimutwiyeniko ha byakumwenako bibali:

Cakumwenako 1: Hamo kuli ndokazi uje washaka kulipenta, co aya ku cikungulukilo kuje kuli bandokazi baje kubesi kuzituka nga bamona munu nalipente.

Tandeni Loma 15:1 na 1 Kolinte 10:23, 24. Kutundaho, simutwiyeni ha bihula binatako:

• Kwesekesa nebi bisoneka bika byanasa kulinga ou ndokazi? Mulinga bati nga mukweni abyana kulinga byuma bicimitabesa citakutaku ceni?

Cakumwenako 2: Hamo kuli ndolome uje nangula kujeneka kunwa bwala nameme azibuka ngwendi Mbimbiliya kuyabindikile kunwa bwala mu kwesekela. Co mubanamulanya ku cilika cimo, amona bandolome bakwabo bali na kunwa bwala.

Tandeni Muka-kwambulula 7:16 na Loma 14:1, 10. Kutundaho, simutwiyeni ha bihula binatako:

• Kwesekesa nebi bisoneka bika byanasa kulinga ou ndolome? Mulinga bati nga mukweni alinga byuma bicimibindika citakutaku ceni?

Byuma bimikwasa mwangule mwamubwa byakulinga

1. Lombeni Yehova amikwase kwangula mwamubwa byakulinga.—Yakomba 1:5.

2. Tondeseseni mu Mbimbiliya na mu mabulu etu muwane binangulo bije bimikwasa. Lombeni lalo bukwasi ku bandolome na bandokazi.

3. Lihuleni ngweni, ‘Byuma binjangula kulinga binjilingisa njikale na citakutaku ca kujela ndi? Njitanwisa bakwetu ndi?’

SIMPI YAKAMA

Twasa kwangula mwamubwa byakulinga nga tusinganyekesesa mwalizibila Yehova ha byuma bitwangula kulinga, na kumona indi obyo byuma byasa kukwasa bakwetu nambe kubakobelesa mu bukalu.

Kwitulukamo

• Mwasa kwangula bati byuma bije bizibisa Yehova kubwaha?

• Mwasa kulongesa bati citakutaku ceni?

• Mwasa kusingimika bati bitakutaku bya bakweni?

WANENI BIKWABO

Mwasa kwangula bati byuma bije bimikwasa mukanyamese busamba bweni na Njambi?

“Anguleni Byuma Bije Bimwesa Kasingimiko Kuli Njambi” (Kaposhi ka Kukengela ka April 15, 2011)

Mu bingila muka bikwabo mwakatunangwila Yehova?

Yehova Akatwamenena Banu Bendi (9:50)

Moneni byakwasele munalume umo angule mwamubwa byakulinga nameme kwamukaluwilile kulinga ngoco.

Yehova Akana Banu Bendi Byuma Byabibwa (5:46)

Byuma muka bikwabo bitukwasa tuzibise Yehova kubwaha ku mbunge nameme nga Mbimbiliya kuyendekele byuma mpundu bitunapande kulinga?

“Kuma Simbu Yoshe Kubanga Kukale Lishiko lya mu Mbimbiliya Ndi?” (Kaposhi ka Kukengela ka December 1, 2003)