-
Lilongeseniko Bimo ku Mwanja wa NdanyeleKaposhi (Kaposhi ka Kukengela ka Kulilongesa)—2023 | August
-
-
6. Bika byakwasele Ndanyele apwe wa kusimpa?
6 Bika byakwasele Ndanyele apwe wa kusimpa mu kuyoya kwendi kwoshe? Twakulahela ngwetu Ndanyele walilongesele ku mwanja waubwa wa bisemi bendi. Bononokele mashiko aje anene Yehova ku Baisalele baje bapwile bisemi, co twakulahela ngwetu balongesele munabo awa mashiko. (Kwitu 6:6-9) Ndanyele kazibukile lika mashiko a mashangumukilo a kufwa ngwe Mashiko Likumi, wazibukile na byuma bikwabo byalibungilile mu mashiko bya kufwa ngwe byakulya bibapandele kulya Baisalele nebi kubapandele kulya.b (Levi 11:4-8; Ndanye 1:8, 11-13) Ndanyele wazibukile lalo biñanda bya kusañulu bya banu ba Njambi hamolika na byuma bibaliwanene nabyo mubonowele kumwononoka. (Ndanye 9:10, 11) Byuma byaliwanene nabyo Ndanyele mu kuyoya kwendi byamulingisile akulahele ngwendi nameme byuma bikaluwe bati, Yehova na tungelo bendi ba nzili bamukwasa.—Ndanye 2:19-24; 10:12, 18, 19.
-
-
Lilongeseniko Bimo ku Mwanja wa NdanyeleKaposhi (Kaposhi ka Kukengela ka Kulilongesa)—2023 | August
-
-
b Kuli byuma bitatu byasele kulingisa Ndanyele amone byakulya bya Bababiloni kupwa bya kujwala: (1) Cisholoka situ yaco yapwile ya tusitu bababindikile mu Lishiko. (Kwitu 14:7, 8) (2) Cisholoka lalo tusitu baco kubakele na kubandwekesa mwamubwa maninga. (Levi 17:10-12) (3) Kulya bije byakulya kwapwile lika ngwe mutamba wa kulemesa njambi wa makuli.—Esekeseni Valevi 7:15 na 1 Korinte 10:18, 21, 22.
-