• Kuma Mutabesa Byuma Bimo Bimyonowese Kukabangeya Yesu Ndi?
    Kaposhi (Kaposhi ka Kukengela ka Kulilongesa)—2021 | May

    • (3) YESU KAKELE NA KUKABANGEYA BILIKA BIMO BYA CISEMWA CA BAYUNDA

      Banu babangi kubakabangeyeye Yesu mwafwa kakele na kukabangeya bilika bimo bya cisemwa cabo. Ebi byuma byasa kutanwisa bati banu bamo ano matangwa? (Taleni palagilafu 13)d

      13. Mwafwa bika banu babangi kubakulahelele Yesu?

      13 Bandongesi ba Yowano Muka-kumbwitika bakomokele omwo Yesu na bandongesi bendi kubakele na kulyumina byakulya. Yesu wabalekele ngwendi bandongesi bendi kubapandele kulyumina byakulya oku acili nabo. (Mateo 9:14-17) Bafaliseo na banu beka baje bakele na kulwisa Yesu bamupayele mwafwa kakele na kukabangeya cisemwa cabo. Balubalele omwo Yesu wakangwisile banu ha litangwa lya Sabata. (Mako 3:1-6; Yowano 9:16) Balikwisile ngwe bakele na kusingimika Sabata okuni bali na kutabesa banu balinge mingoso mu tembele ha litangwa lya Sabata. Balubalele omwo Yesu wabapayele mwafwa ya kulinga ngoco. (Mateo 21:12, 13, 15) Banu bakele na kwambulwila Yesu mu sinangonge ya mu Nazaleta balubalele omwo Yesu wendekele byakumwenako bimo bije byamwesele ngwabyo bapwile baka-kulishaka manene, co kubakele na likulahelo. (Luka 4:16, 25-30) Banu babangi kubakulahelele Yesu mwafwa kalingile byuma bibashakele ngwabo alinge.—Mateo 11:16-19.

      14. Mwafwa bika Yesu wabyanene bilika bya cisemwa bije kubyalitombwele na Bisoneka?

      14 Bisoneka byendeka bika? Yehova wahwiminine kapolofweto Isaya asoneke ngwendi: “Banu aba baija kuyehi nange banjilemesa lika na tunwa twabo, oloni bimbunge byabo bili kulyala nange. Kulemesa kwabo kunapu kwa mashiko a bunu.” (Isaya 29:13) Yesu kabiisile omwo wabyanene bilinga bya cisemwa bije kubyalitombwele na Bisoneka. Baje bamwene ngwabo kukabangeya cisemwa kwapwile kwa seho kutubakana kukabangeya Bisoneka, babyanene Yehova na Mesiya.

  • Kuma Mutabesa Byuma Bimo Bimyonowese Kukabangeya Yesu Ndi?
    Kaposhi (Kaposhi ka Kukengela ka Kulilongesa)—2021 | May

    • (4) YESU KATENGULWILE FULUMENDE

      Banu babangi kubakabangeyeye Yesu mwafwa kalikobelesele mu bupolitiki. Ebi byuma byasa kutanwisa bati banu bamo ano matangwa? (Taleni palagilafu 17)e

      17. Banu babangi basinganyekele ngwabo Mesiya a kulinga bika?

      17 Banu bamo bashakele ngwabo Yesu atengulule fulumende. Basinganyekele ngwabo Mesiya akubapatula ku ciyulo ca Baloma baje bakele na kubayandesa. Oloni mubashakele kumupwisa mwene, Yesu wabyanene. (Yowa 6:14, 15) Banu bamo kwambateselela na tupilistu basinganyekele ngwabo Yesu atengulula fulumende. Co balishoshomwenene ngwabo nga alinga ngoco, Baloma balubala na kunyeka aba bantwama ba bulombelo moko ya kuyula ibabanene. Bayunda babangi babyanene Yesu mwafwa bakele manene mbunge ku biñanda bya bupolitiki.

      18. Bupolofweto muka bwa kukundama kuli Mesiya bubombwanesele banu babangi?

      18 Bisoneka byendeka bika? Mbimbiliya yapolofwetele ngwayo Mesiya akapwa Liswalale wa nzili. Oloni yapolofwetele lalo ngwayo wapandele tahi kutsila bubi bwetu. (Isaya 53:9, 12) Co mwafwa bika Bayunda bakele na bisinganyeka bya kuhenga hali Mesiya? Mwafwa kubakele mana ku bupolofweto buje bwamwesele ngwabo bukalu bwabo bukahwa kulutwe.—Yowa 6:26, 27.