Yesu Kilisitu walongethele vinangulo vya theho ha vulo. Wendekele ngwendi: “Munalume akathethza ishe na vaina na kulipandakana na munakathzi wendi, cho vakapwa muvila umo lika . . . Ngechi vene, vaje vanapandakana Njambi, munu kethi avangunune.” (Mateo 19:5, 6) Aha tulilongethaho vinangulo vivali vya theho.

“VANAPANDAKANA NJAMBI.” Vulo vwapwa vwa kujela. Vaka-kulyambata vaje vakathingimika eli lishiko vakakanyametha malo avo. Kuvethi kushakethzeka vingila vya kumanethelamo vulo vwavo nga kunasholoka vukalu. Chithzemo chavo chapwa chakama, cho vakalikoletha. Chithzemo cha chifwa echi “kuchethi kwonwa,” oloni chivakwatha vamanethe vukalu na kuyoya mu kwoloka na kuvwahelela mu vulo vwavo.