MUKA-KULONDA KAVALU WA KUVENGA

“Cho kavalu mukwavo watuhukile, wapwile wa kuvenga. Uje walondeleho vamwanene ndthzili ya kunena ndthzita hano hathi, ngechi vanu valithsiye umo na mukwavo. Vamwanene moko yakama ya mukwale.”—Kujombolola 6:4.

Ou muka-kulonda kavalu emanena vindthzita. Vanamwana ndthzili ya kunena vindthzita hano ha lifuti livu. Mukemwo mu 1914, kwakele ndthzita ya kaye. Cho kwethzile lalo ndthzita ya kaye ya mu chivali ije yanyongethele vanu vavangi. Vaka-kutondethetha vamo vendekele ngwavo, kushwa mu 1914, vindthzita vinanyongetha vanu va kutuvakana 100 milyoni. Cho kwakele lalo vanu vavangi vaje vavulumukile manene.

Vindthzita vyalithala vati matangwa ano? Vindthzita vya mu matangwa a kukotoka vinapu vyavingi, cho vinanyongetha vanu vavangi manene. Nameme vimunga vya vaka-kunena kwoloka vya kufwa ngwe United Nations, kuvyathele kwimika uje muka-kulonda kavalu wa kuvenga.