“Thingimikeni Vaishweni na Vanyokweni”

Yesu mwakele hano hathi wendekele ngwendi: “Thingimikeni vaishweni na vanyokweni.” (Kwi 20:12; Mat 15:4) Yesu wendekele awa majwi mu kushuvuluka mwafwa ‘wononokele’ vithemi vendi te achili mwanike. (Luk 2:51) Omwo Yesu wakolele, walekele Yowano ngwendi anyunge vaina hanima ya kuthsa kwendi.—Yow 19:26, 27.

Na matangwa ano, vaka-Kilisitu vavanike vakathingimika vithemi vavo mu vyendeka vyavo na mu vilinga vyavo. Vanike vanapande kuthingimika vithemi vyavo thimbu yoshe. Nameme vithemi vanakuluvala, kutwapandele kuvayengula, oloni tunapande kutwalelelaho kuvatolilila mangana tumwethe ngwetu twavathingimika. (Vit 23:22) Twatha lalo kumwetha kathingimiko ku vithemi vetu vaje vanakuluvala nga tuvakwatha na kuvanyunga mwamuvwa. (1Ti 5:8) Tuvavoshe tunapande kuthimutwiya na vithemi vetu mu ngila yaivwa, mwafwa kulinga ngocho kunapu kuvathingimika.

KENGENI VINDIYO YA TUDOLI TWA KUTHONA YA NJATHA KUTHIMUTWIYA VATI NA VITHEMI VANGE? KUTUNDOHO KUMBULULENI VIHULA VINATAKO:

• Vika kunatha kupwila kwakukalu kuthimutwiya na vithemi veni?

• Mwatha kuthingimika vati vithemi veni nga muli na kuthimutwiya navo?

  

• Vika kwapwila kwa theho kuthimutwiya na vithemi vetu? (Vit 15:22)