CILONGESA 13

Kumwesa Bwino Seo ya Ñanda

Isaya 48:17

SIMPI YAKAMA: Kwasa baje bakutolilila bamone muibakwasela ñanda yobe mu buyoye bwabo na kubaleka mubanapande kupangesela byuma bibalilongesa.

Singanyeka ha banu baje bakutolilila. Zibuka biushakela banu batolilile ku ñanda iubaleka na bisimpi bya mu ñanda yobe bije bibakwasa.
Mu ñanda yobe yoshe, baleke byuma bibanapande kulinga. Ku mashangumukilo a ñanda yobe, munu na munu napande kumona ngwendi byuma biwendeka bimukwasa. Omwo ulumbununa simpi yakama imo na imo, mwesa lalo mubaipangesela. Keti wendeke bisimpi kwa kujeneka kumwesa mwakubipangesela.

Endeka mu cizemo omwo usimutwiya nabo mwakupangesela binangulo bya mu Mbimbiliya. Biwendeka keti bibalingise kuliziba kukala na mulonga. Oloni bakanyamese bamone ngwabo nabo bazema Yehova na kumukulaela, co balifwita kulinga byuma byabibwa.