YOYESI YA BAKA-KILISTU

Baka-kulyambata Basa Kukanyamesa Bati Bulo Bwabo?

Abilahama na Sala banapu mwanja waubwa wa baka-kulyambata baje balizemene na kulisingimika. (Kus 12:11-13; 1 Pe 3:6) Nameme ngoco, bulo bwabo kubwapwile bwa kulumbunuka, co lalo baliwanene na byeseko byabingi. Baka-kulyambata basa kulilongesa bika ku mwanja wa Abilahama na Sala?

Waneni simbu ya kusimutwiya. Kumbululeni mwamubwa baka-limbo lyeni nameme nga banendeka majwi amabi mwafwa ya kulubala. (Kus 16:5, 6) Waneni simbu ya kukalakala hamo. Mweseni cizemo kuli baka-limbo lyeni na kubaleka ngweni mwabazema. Oloni byuma bya seho manene bimunapande kulinga binapu kutanda hamo Mbimbiliya, kulombela hamo na kulemesa hamo Yehova mangana mukolese busamba bweni nendi. (Kwa 4:12) Malo a kukanyama akana kasingimiko kuli Yehova uje washangumukile bulo.

KENGENI VIDIO YA MWASA KUKANYAMESA BATI BULO BWENI?, KUTUNDAHO, KUMBULULENI BIHULA BINATAKO:

Byuma muka bimwesa ngwabyo bulo bwa Shaan na Kiara bwashangumukile kuzeya?
Bika kwapwila kwa seho kusimutwiya byuma bili ku mbunge?
Mwanja wa Abilahama na Sala wakwasele bati Shaan na Kiara?
Shaan na Kiara balingile bika mangana bakanyamese bulo bwabo?
Mwafwa bika baje bali mu bulo kubapandele kusinganyeka ngwabo byuma byoshe byenda mwamubwa mu bulo bwabo?

Bikupulo bibanaka hamo: Bikupulo bya mu vidio ya ‘Mwasa Kukanyamesa Bati Bulo Bweni?’ Shaan na Kiara bali na kulingako byuma bimo bije bikanyamesa bulo bwabo. 1. Banatumbama ku mamaneselelo a citwamo, ou ku shongo imo mukwabo kushongo ikwabo. 2. Banalikwata ku maboko. 3. Bali na kupanga hamo mu lihya oku banabwahelela. — Mwasa kukanyamesa bulo bweni.