YOYESI YA BAKA-KILISTU
Kanyameseni Likulahelo Lyeni mu Lijwi lya Njambi
Lijwi lya Njambi lyasa kutengulula buyoye bwetu. (Heb 4:12) Co nga tushaka kuwana bukwasi ku binangulo bilimo, tunapande kukulahela ngwetu lyapwa bene “lijwi lya Njambi.” (1Te 2:13) Bika bitulingisa tukulahele manene Mbimbiliya?
Tandeni mutamba umo wa mu Mbimbiliya ha litangwa na litangwa. Omwo mutanda, nangukeni bukaleho bumwesa ngwabwo Yehova ikeye babenyayo. Cakumwenako, itulukeni mu binangulo bili mu mukanda wa Visimo na kumona mubitukwasela ano matangwa.—Vis 13:20; 14:30.
Lilongeseni biñanda bimikwasa kukulahela manene Mbimbiliya. Waneni bukaleho bumwesa ngwabwo Mbimbiliya yapwa Lijwi lya Njambi. Mu Buka ya Lipatisiso ya Lipaki za Jehova, yeni ha mutamba wa “Bibele” ha mutwe wa “Iñozwi ka Kususumezwa ki Moya wa Mulimu.” Mwasa lalo kukulahela manene ngweni muzimbu uli mu Mbimbiliya kuwatengulukile nga mutanda biñanda bili ha mutamba wa Litaba Zeekelizwe A3 mu Mbimbiliya ya Toloko ya Lifasi Lelinca.
KENGENI VIDIO YA BIKA BITULINGISA TUKULAHELE . . . LIJWI LYA NJAMBI?, NA KUKUMBULULA BIHULA BINATAKO:
Bukaleho bubawanene ha cibumbe ca tembele ya ku Kanaki mu Ingito bumwesa bati ngwabwo biñanda bili mu Lijwi lya Njambi bya busunga?
Tuzibuka bati ngwetu biñanda bili mu Mbimbiliya kubyatengulukile?
Kwoboka kwa Mbimbiliya kumilingisa bati mukulahele ngweni yapwa Lijwi lya Njambi?—Tandeni Isaya 40:8.