Kaposhi ka Babele

Munima ya libazi, bana ba Nowa na banakazi babo bakitile bana babangi. Co banu batumine na kujalakana mu mitambela ya kuliseza-seza ya lifuti-libu, ngwe lika mwabalekelele Yehova.

Oloni banu bamo kubononokele Yehova. Co bendekele ngwabo: ‘Ijeni tulitungile nganda. Co tutunga kaposhi kaje kaketa na mwilu mangana batuzibuke mu kaye koshe.’

Byuma bibakele na kulinga banu byalubalesele Yehova, ngeci wayongwele kubecelesa. Kuma muzibuka mwalingilile ngoco ndi? Wabalingisile bashangumuke kwendeka bindaka bya kuliseza-seza. Balikelele kutunga mwafwa kubakele na kuziba ndaka ya umo na mukwabo. Co ije nganda ibakele na kutunga baitumbwile ngwabo Babele, kulumbununa “Kutangana.” Banu bashangumukile oni kuya na kukatunga ku mitambela yoshe ya lifuti-libu. Oloni batwaleleleleho kulinga byuma byabibi ku mitambela kubakakele. Kuma kwakele bamo baje bazemene Yehova ndi? Tuwana cikumbululo mu cilongesa cinatako.