CILONGESA 34
Twasa Kumwesa Bati Ngwetu Twazema Yehova?
Kutunda hamunashangumukila kulilongesa Mbimbiliya, kuma busamba bweni na Njambi buli na kukanyama ndi? Kuma mushaka kutwalelelaho kukanyamesa busamba bweni nendi ndi? Anukeni ngweni, nga muzema manene Yehova, co nendi amizema manene na kumyaka mbunge. Mwasa kumwesa bati ngweni mwazema Yehova?
1. Twasa kumwesa bati ngwetu twazema Yehova?
Tumwesa ngwetu twazema Yehova nga tumwononoka. (Tandeni 1 Yowano 5:3.) Oloni kesi kusindiya banu bamwononoke. Ashaka ngwendi munu na munu alyangwile ikeye babenya. Mwafwa bika? Yehova ashaka ngwendi ‘mumwononoke na mbunge yeni yoshe.’ (Loma 6:17) Mu endekesi ikwabo, Yehova ashaka ngwendi mumwononoke mwafwa ya kumuzema, keti kulingila lika lishiko. Mutamba 3 na 4 wa lino libulu banaubwahesela kumikwasa mangana mumwese ngweni mwazema Yehova ha kulinga byuma bimuzibisa kubwaha na kujenjuka ku byuma bije bimulubalesa.
2. Bika byasa kutulingisa kutupwile kwakukalu kumwesa ngwetu twazema Yehova?
“Tuyando twa muka-busunga twapwa twatungi.” (Myaso 34:19) Bisimbu bimo, tubaboshe kukatukaluwila kulinga byabibwa mwafwa kutwalumbunukile. Co lalo twasa kuliwana na bukalu bwa kufwa ngwe buhutu, kujeneka kutulinga mwamubwa, na bukalu bwa kuliseza-seza. Kulinga byuma byabibi kwakwasi. Ngeci, nga tuli mu bukalu, kunasa kutukaluwila kwononoka Yehova. Oloni nga twononoka Yehova, co tumwesa ngwetu twamuzema manene kutubakana cuma coshe-coshe. Co lalo tumwesa ngwetu tubakulongwa kuli ikeye. Nga mulinga ngoco, Yehova amibezikisa, co kakamiseze.—Tandeni Myaso 4:3.
TONDESESENI
Bika bimunapande kwononokela Yehova? Co bika bimikwasa mutwaleleleho kupwa ba kulongwa kuli ikeye?
3. Kuli ñanda imo yamikundama
Mukanda wa Yombi umwesa ngwawo Satana wabangeyeye Yombi ñanda imo, hamolika na banu boshe baje bashaka kulemesa Yehova. Tandeni Yombi 1:1, 6–2:10, na kusimutwiya ha bihula binatako:
Satana wendekele ngwendi bika byalingisile Yombi ononoke Yehova?—Taleni Yombi 1:9-11.
Satana nabangeya banu ñanda muka, kwambateselela neni?—Taleni Yombi 2:4.
Tandeni Yombi 27:5b, na kusimutwiya ha cihula cinatako:
Yombi wamwesele bati ngwendi wazemene Yehova?
Yombi wamwesele ngwendi wazemene Yehova omwo watwaleleleleho kupwa wa kulongwa kuli ikeye
Nga tutwalelelaho kupwa ba kulongwa kuli Yehova, co tumwesa ngwetu twamuzema
4. Zibiseni Yehova kubwaha ku mbunge
Tandeni Visimo 27:11, na kusimutwiya ha bihula binatako:
Yehova akalizibi bati nga mukala na mana na kumwononoka? Mwafwa bika?
5. Mwasa kupwa ba kulongwa kuli Yehova
Kuzema Yehova kutulingisa tulekeko bakwetu byendi. Kupwa ba kulongwa kuli Yehova kutulingisa tumwononoke nameme nga kulinga ngoco keti kwakwasi. Kengeni VIDIO na kusimutwiya ha bihula binatako.
Kuma bisimbu bimo kukamikaluwila kulekako bakweni bya Yehova ndi?
Kwesekesa na vidio, bika byakwasele Grayson apwe wa kusimpa?
Nga tuzema byazema Yehova na kuzinda byazinda, co kutupwila kwakwasi kupwa ba kulongwa kuli ikeye. Tandeni Amose 5:15, na kusimutwiya ha bihula binatako:
Kwesekesa nebi bimunalilongesa, byuma muka bimo byazema Yehova? Bika byazinda?
Bika bimikwasa muzeme byabibwa na kuzinda byabibi?
6. Kwononoka Yehova kutukwasa
Kwononoka Yehova kwapwa kwakubwa simbu yoshe. Tandeni Isaya 48:17, 18, na kusimutwiya ha bihula binatako:
Kuma tunapande kukulahela ngwetu Yehova azibuka byuma bitukwasa ndi? Mwafwa bika?
Kulilongesa Mbimbiliya na kuzibuka Yehova, Njambi wa busunga, kunamikwasa bati?
BAMO BAKENDEKA NGWABO: “Nambe njiliyoyele kwa kujeneka Njambi, bukalu bwahi.”
Cisoneka muka cimwasa kutandela munu endeka ngoco cije cimwesa ngwaco byuma bitulinga byasa kuzibisa Yehova kubwaha ku mbunge nambe kumulubalesa?
SIMPI YAKAMA
Nga mwononoka Yehova na kukolesa nameme muliwana na byeseko, co mumwesa ngweni mwamuzema.
Kwitulukamo
Bika bimunalilongesa ku mwanja wa Yombi?
Mumwesa bati ngweni mwazema Yehova?
Bika bimikwasa mutwaleleleho kupwa ba kulongwa kuli Yehova?
WANENI BIKWABO
Mwasa kupwa bati ba kulongwa kuli Yehova na ku cikungulukilo?
Satana nabangeya banu biñanda muka bikwabo?
“Yombi Wapwile wa Kulongwa” (Muzimbu Muka Uli mu Mbimbiliya? mutamba 6)
Banike basa kupwa bati ba kulongwa kuli Yehova?
Babaha basa kupwa bati ba kulongwa nga bakwabo bashaka kubonowesa kupwa ba kulongwa kuli Njambi?
Byaneni Nga Bakweni Bamishongangeya Kulinga Byuma Byabibi! (3:59)