Vika Viyendeka Mbimbiliya?

Kuma Njambi akakumbulula malombelo oshe ndi?

MWENDEKA NGWENI AKAKUMBULULA MALOMBELO A . . .

• Vanu voshe ndi?

• Vanu vamo ndi?

• Naumo wayi yakakumbulula ndi?

VIYENDEKA MBIMBILIYA

“Ikeye [Yehova] ali muyehi na vanu vaje voshe . . vatambeka kuli ikeye mu vuthunga.”—Myatho 145:18.

VYUMA MUKA VIKWAVO VITULILONGETHA MU MBIMBILIYA?

• Njambi kethi kukumbulula malombelo a vanu vaka-kujeneka kumwononoka. (Isaya 1:15) Oloni, vatha ‘kulithzivathana’ nendi nga vononoka kuli ikeye.—Isaya 1:18.

• Njambi akakumbulula malombelo aje analitombola na chithzango chendi chije chili mu Mbimbiliya.—1 Yowano 5:14.

Tunapande kulombela mu chifwa muka?

VANU VAMO VATAVA NGWAVO thimbu yoshe vanapande kuthsikama ha mavuli nambe kukotametha mitwe yavo nambe kulikwata ku mavoko nga valombela. Yeni cho muthinganyeka vati?

VIYENDEKA MBIMBILIYA

Njambi wakumbulwile malombelo a vanu vaje ‘vatumbamene hathi’ nambe vaje “vemanene” nambe vaje ‘valyumbilile hathi’ nambe vaje ‘vathsikamene hathi.’ (1 Mithzimbu 17:16; 2 Mithzimbu 30:27; Ezela 10:1; Vilinga 9:40) Njambi akathzivi malombelo etu mu chifwa choshe choshe chitulombelelamo.

VYUMA MUKA VIKWAVO VITULILONGETHA MU MBIMBILIYA?

• Njambi akatolilila ku malombelo a vaka-kulikehetha—Myatho 138:6.

• Mwatha kulombela mu ndaka yoshe yoshe nambe mu mbunge yeni.—2 Mithzimbu 6:32, 33; Nehemiya 2:1-6.