Lilongeseni Byuma Byabiha

Omwo tulibwahesela kulinga cilongesa ca munu endilika tunasa kulihula ngwetu, ‘Bika binjishaka kulilongesa?’ Tunapande kwanuka ngwetu nameme tunangula laja bitulilongesa, Yehova nasa kutonda ngwendi tulilongeseko byuma bikwabo. Twasa kunanguka bati byuma byatonda Yehova ngwendi tulilongese?

Lombeni Yehova amyane mana. Lombeni Yehova amikwase kunanguka byuma byatonda ngwendi mulilongese hano bene. (Jems 1:5) Kaleni na lishungu lya kubwezelela ku byuma bimunalilongesa.—Prov 3:5, 6.

Tabeseni Mbimbiliya imitwamenene. “Lijwi lya Njambi lyapwa lya kuyoya.” (Hebe 4:12) Simbu yoshe itutanda Mbimbiliya twasa kulilongesa byuma byabiha, co lalo itukwasa mu bingila bya kuliseza-seza mu kuyoya kwetu. Oloni tuwana manene bukwasi nga twaka mana ku byuma byatonda Yehova ngwendi tulilongese.

Kandeleleni ku byuma byoshe byali na kupangesa Yehova mu kutulongesa. Byakulya bya kusipilitu byapwa ngwe “cilika ca byakulya byabibwa.” (Isaya 25:6) Kumwapandele kujomboka biñanda bije bimusinganyeka ngweni kumwasa kulikuwa kubitanda. Nga mulinga ngoco, co mutabesa Njambi amikwase kupwa munu wamubwa na kulikuwa byuma bimutanda mu Lijwi lyendi.