Yesu “Walilongesele Kupwa wa Kwononoka”

Yesu wapwile wa kulongwa kuli Yehova simbu yoshe. (Iwano 8:29) Mwafwa bikoni Mbimbiliya inendeka ngwayo: “Walilongesele kupwa wa kwononoka ha tuyando twamwene”?—Hebe 5:8.

Mwakele hano hasi, Yesu waliwanene na byuma bije kaliwanene nabyo mwilu. Cakumwenako, bamulelele ku bisemi baje bazemene Yehova, oloni kubapwile ba kulumbunuka. (Luka 2:51) Co bamuyandesele manene kuli bantwama ba bulombelo na baka-kuyula. (Mate 26:59; Maki 15:15) Kutundaho, Yesu watsile mu ngila yaibi. Mbimbiliya inendeka ngwayo: “Walikehesele, co wononokele kweta na ku kutsa.”—Filp 2:8.

Byuma byaliwanene nabyo Yesu hano hasi, byamulongesele kupwa wa kwononoka mu ngila ije kalilongesele mwilu. Oku kwamulingisile apwe Mwene wa kulumbunuka na Kapilistu Wahakamwa, uje asa kutuzibisisa mwamubwa. (Hebe 4:15; 5:9) Yesu wakupwile wa seho manene kuli Yehova munima ya kwononoka ha tuyando twoshe twaliwanene natwo. Netu twasa kupwa ba seho manene kuli Yehova. Co asa kutupangesa mu cipangi coshe-coshe nga tutwalelelaho kwononoka mu bukalu bwoshe butuliwana nabwo.—Jems 1:4.