Húlri é túma bay lé?

BAY A GANWÔN SAA

“Njukuri ka húí ka gba nsaw bay a Ganwôn, ki é túma kúri.”—Actes 24:15, La Bible. Traduction du monde nouveau.

HEŊ KA ZI SANA

É voo law na ka tú húl a njukuri ka na zi.—2 Corinthiens 1:3, 4.

Na ti ngú waw a húl mbaa.—Hébreux 2:15.

Nyinnari ka húí, é ré gí tisiri.—Jean 5:28, 29.

NA MA MBI LAW KAN TÚ HEŊ KA GANWÔN SAA LÉ?

Eŋ, bay tú heŋ say:

• Ganwôn é mohin heŋ tisiri too.  Bible saa riŋ bá Ganwôn Jéhova, “mé pé hi na gnéna.” (Psaume 36:9; Actes 17:24, 25) Mé pé mohin hé ri too ka gné gnéna a tisiri, ké ma túma húlri.

• Ganwôn túma hûlri ka léra tawké. A bíl Bible njukuri zi ndoa chéré ka ki rérú ka kuri gí tisiri. Ki túma, kabanri, wúiŋ njukuri, wonro njukuri, kpokrori. Fékéri hú di gbaŋ ya, fékéri hú niŋ nam neeŋ ka bíl loho!—Jean 11:39-44.

• Ganwôn zi ti heŋ bá ganaké. Jéhova zi húl ya; ké ko húl bá njuku foingna. (1 Corinthiens 15:26) Ké zi ôro té húl, a túma njuku húlri tien kalaa. Ké zi bay túma njukuri ka é túl lé, ka kú ma kawa tisiri.—Job 14:14, 15.