Кода тинь ванттада сай пингонь эряфть лангс?

МЕЗЕ КОРХТАЙ БИБЛИЯСЬ

«[Шкайсь] нардасы синь сельмостост сембе сельмоведьснон. И куломавок аф ули ни, авардемавок, явсемавок, урматка ни аф улихть; сяс мес ингольденнесь ётась» (Откровение 21:3, 4, Од миронь ётафтома).

МЕЗЕ ТЯ МАКСЫ ТЕЕНТЬ

Эрявикс и мяльс пара тев (Исаия 65:21—23).

Аф кармайхть урмат и ризфт (Исаия 25:8; 33:24).

Павазу эряфсь семья и ялга ёткса ули пефтома (Псалом 37:11, 29).

ЭРЯВИ ЛИ КЕМАМС СЯНДИ, МЕЗЕ КОРХТАВИ БИБЛИЯСА?

Эряви, и тянди ули кафта туфталхт:

• Шкайть ули виец тиемс сянь, мезе надияфтсь. Библиясь лемдсы аньцек Иегова Шкайть «Сембемаштыкс», сяс мес сонь виец пефтома (Откровение 15:3). Сяс сон машты тиемс масторлангть сяда цебярьста, кода и надияфтсь. Библияса корхтави: «Мезе аф тиеви ломаттненди, ся тиеви Шкайти» (Лукань 18:27).

• Шкайть ули мялец тиемс сянь, мезе надияфтсь. Кеподьксонди, Иеговать пяк ули мялец эреклафтомс кулыхнень. Библияса корхтави, што сон лажады синь колгаст (Иов 14:14, 15).

  Тяфта жа Библиясь корхтай, што Шкайть Цёрац, Исус Кристос, пъчкафнезень ломаттнень сярядемаснон эзда. Кармаль ли сон лездома тейст, къда афоль уле сонь мялец? (Лукань 5:12, 13). Исус наголь лездсь сятненьди, кинди эрявсь лездомс, тяфта сон тиендсь Алянц лаца (Иоанна 14:9).

  Содасть, Иеговань и Исусонь ули мяльсна каземс тейнек павазу эряф! (Псалом 72:12—14; 145:16; 2 Петра 3:9).