Yezu ena nā?

Yehowa ugadumishidi Yezu ahā awulu di mānu. 1 Yoane 4:9

Mugu hwa Yehowa kiesi dufwedji gwifila kega mūdu mwega u mfunu yingi. Gu ntwala iguganga Adamu, Yehowa agagangidi wandjo umoshi ungolu djingi gu wulu.

Gu dima, Yehowa agadumishidi wandjo ayo abudugi gu Betelemi gwena pini umoshi jina diendji Madiya. Mwana mweni agamuwedi jina Yezu.​—Yoane 6:38.

Dangu di’agakedi awulu di mānu, Yezu agalabidi gibeni igalulu yi Nzambi. Agakedi mudjima u pimbu, mūdu u zola. Lō gugakedi pashi mugusolula y’endji. Yi gikesa gikima agalonganga makiediga mā Yehowa.

Yezu ahanganga mambu mapimbu, gashi hādu lō amuzolanga. 1 Piere 2:21-24

Afumu ā mabundu y’abenda hādu ā Roma mu gubula Yezu yi mugu mujiya.

Yezu agasadisanga akashi mu gugola, yi gufudumusa amvumbi.

Afumu ā mabundu, lō azolanga Yezu mu mwila adungululanga upala wawu yi mambu mawu mambí.