Yigi u fe hanga mu gusenda mapimbu mu gulonguga gu, gu Bible
Yandjiga tegu gudanga mambu ma, ma nalesa pila yi guhangila muganda wu, kega gudima dala VIDEYO.
GIDJINI GI TEGU
Mu guyidiga kosu dilongi, danga gidjini gi tegu. Miwu mio miena yi yisoni yi kulere (A) kega maverse mo mena mu yisoni yibumbula gibeni (B) ma nahoshila mangindu ma funu. Wishiya mbi, mu mbimba yi maverse meka a soniga mbi “danga.”
GIDJINI GI GADJI-GADJI
Mambu (C) mo mena mu gidjini Wishiya kega mambu mengi manalesa mambu mo ma nwadadila. Dumidu-pandji (D) du ba hoshila malongi ma funu. Ayi yi pangi yo u gugulonganga Bible, dangenu maverse, hana mamvudu mu miwu, kega dalenu mavideyo.
MAVIDEYO yi yima yi guwidigila yo yena mu kosu dilongi mu yagusadisa mu gubagisa pimbu mambu ma nu ba longuga. Mavideyo mega ma ba hoshila mambu mo ma gahangamanini gibeni. Gashi, mavideyo mega lō ma ba lesa mambu mo ma gahangamanini gibeni, ada gio, maba lesa mambu mo ma guhangamananga mu lujingu lu hadu.
Dadila mu digebi di kima yifanisu kega mangogu mo manayidendula (E), gudima yindula mvudu yi wa hana mu gidjini Hadu ega eni guhosa mbi (F).
GIDJINI GI SUGA
Yidjini Mu Kufi kega Mvudugilu (G) yiguhoshilanga dilongi mukufi. Mbi m’umanisa gulonguga dilongi di moshi, soniga dati di umana. Mu gidjini Luganu (H) mana gulesa mambu ma u le hanga mu gulaba gulonguga Bible to guhangila mambu ma u longuga. Mu gidjini Dala Kega (I) mu wa dala mambu mega ma u le danga to videyo di u le dala.
Pila yi gugamba maverse mu Bible
Bible diena gimvuga gi dumiganda 66. Diena di gugabula mu yidjini yadi: Masonugu ma Giebreo kega ma Giarameye (“Ancien Testament”) kega Masonugu ma Gigreki (“Nouveau Testament”).
Mbi ma hangila verse di moshi mu muganda wu, tegu a gusoniganga jina di muganda u Bible (A), gudima a gusoniganga gapu (B), kega verse to maverse (C).
Mu mbandu, Yoane 17:3 gu ba dendula muganda u Yoane, gapu 17, verse 3.