Mu dangu di Gihungi gi Nowa​—Nā ugā mwifididi? Nā ugā gondjidi gumwifila?

Mu dangu di Nowa, hādu engi asalanga mambu mambí. Kuyantika 6:5

Adamu y’Eva agavadidi āna, hādu agakedi engi mu gifudji. Gu dima awandjo ēga alanda Sadana mu gugolama gwendji.

Esa mu mānu, gia senda mwila ū hādu, mu mwila gumona agosuna. Án’agavadidi yowu agakedi ipumbulu, hādu a ngolu, midjima mibí.

Gifudji gizala yi hādu’ambí. Biblia dibahosa mbi: ‘Mambí mā mūdu māgakedi mengi mu gifudji manunga mendji mā mudjima māgakedi mambí dangu di kima.’

Nowa m’agefididi Nzambi gi’adungā masuwa maneni. Kuyantika 6:13, 14, 18, 19, 22

Nowa agakedi mūdu u pimbu. Yehowa a’mwambila mbi agajiya hādu ambí mu dangu di gihungi.

Nzambi agalombidi Nowa mu gudunga masuwa maneni. Nowa afwedji gwingisa dibuda diendji, y’ashidu a mbandu yi kima.

Nowa a yandjiga gugebisa hādu gwisa gu gihungi. Gashi hādu lō agefwididi Nowa, a moshi a’yandjiga gumuseya, ega a’mumenga.

Dangu dia gamanishidi gudunga masuwa, Nowa diengisa ashidu mu gadji.