Gifudji gigakala pila yiki mu mafugu magesa?

MAMBU MO MENA HOSA BIBLE

“Nzambi . . . ma gagumuna sanga ji kima gu mesu mowu, lufwa lō lugakala kega; kenda, yidilu yi pashi lō ji gakala kega. Mambu ma tunda ma bila.”​—Kusonga 21:3, 4, Mbalula ya Nsi-Ntoto ya Mpa.

GUBA DENDULA YIGI MUMWILA YI AYI?

Mugasenda gisalu gi pimbu kega mugefa gieshi.​—Yezaya 65:21-23.

Makashi yi mapashi ma pila yi kima lō maga kala kega.​—Yezaya 25:8; 33:24.

M’ugakala yi lujingu lu gieshi lu gugonda suga, yi dibuda kega andugu ayi.​—Nkunga 37:11, 29.

DU FEDJI GUGWIGILA GIBENI MAMBU MO MENA HOSA BIBLE?

Giogiogi, mumwila yi yiguma yadi:

• Nzambi wena yi giyega gi gulungisa lushilu lwendji. Mu Bible, Yehowa Nzambi buna a gulendjiganga mbi “Mweni ngolu ji kima,” mumwila ngolu jendji lō jena yi suga. (Kusonga 15:3) Hohana ena yi giyega gi gulungisa lushilu lwendji lu gugumisa gifudji gikima gihani gimoshi gipimbu. Gihosa Bible mbi: “Gashi Nzambi u le guhanga mambu makima.”​—Matayo 19:26.

• Nzambi wena yi nzala yi gulungisa lushilu lwendji. Mumbandu, Yehowa wena yi nzala yi ngolu yi guhongulusa hadu o agafwa mu lujingu.​—Yobi 14:14, 15.

  Bible dina dulesa kega mbi Mwana u Nzambi, Yezu, ma gagodishidi a kashi. Mumwilegi a gahangidi gio? Mumwila a gazolanga gu’a sadisa. (Marko 1:40, 41) Yezu agaleshidi gimudu gi Dad’endji mupila yi gulunga mumwila a gakedi yi nzala yi ngolu yi gusadisa hadu.​—Yoane 14:9.

  Hohana, mu dunagwigila mbi Yehowa yi Yezu ana zola gudusadisa mumwila du kadi mu gieshi kega yi lujingu lu pimbu mu yilumbu yinagwisa!—Nkunga 72:12-14; 145:16; 2 Piere 3:9.