DILONGI 20
Pila Nzambi a gayidiga dibundu di Akristu a giediga
Yehowa ena Nzambi u ndonga. (1 Bakorinto 14:33) Hadu’ana a gumusambilanga a fe gukala kega hadu a ndonga. Pila yigi Yehowa a gayidiga dibundu di’Akristu? Yigi kosu mudu mu gadji diedu a fe guhanga mumwila dibundu di labi gukala mu ndonga?
1. Na wena fumu u dibundu?
“Kristu ena fumu u dibundu.” (Baefezo 5:23) Yezu ena gu wulu, gashi ma gudwadisanga gisalu gi dibundu di Yehowa mu gifudji gi kima. Yezu u gasa “muhiga u gwigama kega u mayela”—gisongidila gimvuga gi djigi-djigi gi’akulutu a gugula mu gimpeve gio gi’agulendjiganga To-gimvuga. (Danga Matayo 24:45-47.) Gaga nga atumwa kega akulutu gu Yeruzalemi mu dangu di tegu, To-gimvuga di gudwadisanga mabundu mu gifudji gikima. (Bisalu 15:2) Gashi lō guba dendula mbi Akristu ana ena afumu a dibundu diedu. Ma gulemfuganga mu mambu mo ma guhosanga Yehowa kega Ndaga yendji, kega Ma gulemfuganga mu mambu mo ma gu’alombanga Yezu mu guhanga.
2. Akulutu ena a na kega gisalu gigi a guhanganga?
Akulutu ena amala a gugula mu gimpeve, a gulonganga asadi a Yehowa mambu ma Bible, ma gu’asadisanga kega gu’ahwa gigesa. Lō a gufudanga akulutu mbongu mumwila yi gisalu giowu gi’aguhanganga. Gashi a guhanganga “mu luzolu lu kima gu twala yi Nzambi mu zola di gugonda gusenda luta [mbongu] mu mambuga ma luvunu, gashi mu gieshi gikima.” (1 Piere 5:1, 2) Asadi a gisalu a gusadisanga akulutu kega gudima di mwa dangu ōwu kega a le guguma akulutu mbi malungisa mambu mo ma gulombanga Bible mumwila mu guguma akulutu.
To-Gimvuga di gusolanga kega di gusanga ndambu y’akulutu mu gukala akengi a njunga. Akengi a njunga a gwendanga gudala mabundu mumwila mu gumahwa ludwadisu kega gigesa. A gusolanga apangi amala ana a gulungisanga mambu mo ma gulombanga Bible mumwila mu guguma akulutu to asadi a gisalu.—1 Timoteo 3:1-10, 12; Tito 1:5-9.
3. Mukumba wigi kosu Mbangi u Yehowa a kwedji?
Apangi’akima mu dibundu ma “gugumisanga jina di Yehowa” dangu di’aguhananga mamvudu, a guhanganga masolu, kega a guyimbanga migunga mu malugudaganu ma dibundu kega dangu di’agulonganga sangu ji pimbu mu gidesu gi ngolu jowu.—Danga Nkunga 148:12, 13.
WISHIYA KEGA MAMBU MENGI
Du dadidi mbi Yezu ena fumu u pila yigi, pila akulutu a guhanganga yigesa mu gulaba mbandu yi Yezu kega pila edu du le lemfugila Yezu kega guwidigila akulutu.
4. Yezu ena fumu u pimbu gibeni
Yezu ena dulomba mu guhanga gima gi moshi gi pimbu. Dangenu Matayo 11:28-30, gu dima hanenu mvudu mu muwu wu:
Yezu ena fumu u pila yigi kega a guzolanga mbi edu du difi pila yigi mu mbimba yendji?
Bible mu di gulesanga pwelele pila akulutu a fe hanga gisalu giowu.
Dangenu Yezaya 32:2 kega 1 Piere 5:1-3, gu dima hanenu mamvudu mu miwu mi:
Pila yigi u na difa pila yiweshiya mbi, akulutu ma guhanganga yigesa yiguhwa apangi ega gigesa nga Yezu?
Danga mambu mega mo ma guhanganga akulutu mu gulaba mbandu yi Yezu?
5. Akulutu ma guhananga mbandu yi pimbu
Yezu ma gahoshidi mambu mo hadu’ana a gudwadisanga dibundu a fe guhanga. Dangenu Matayo 23:8-12, kega gudima, hanenu mamvudu mu miwu mi:
Bible di guhosanga yigi mumwila yi akulutu? U yindula yigi, afumu a mabundu ma guhangilanga kega mambu mo ma guhosanga Bible?
Akulutu a guhanganga gigesa mumwila owu yi mabuda mowu ma kadi yi gindugu gi ngolu yi Nzambi
Akulutu ma gudiyangisanga mumwila yi hadu’akima mu dibundu
Akulutu ma gulonganga sangu ji pimbu mbala yi mbala
Akulutu ma gulonganga. Ma guhanganga gisalu gi gusa ukedji kega yisalu yega
6. Dwifidienu akulutu
Bible mu di guhananga giguma gi funu gio gi du fe gwifila akulutu. Dangenu Baebreo 13:17, gudima, hanenu mamvudu mu miwu mi:
Bible di gudulombanga mu gulemfugila kega gwifila hadu’ana a gududwadisanga, mu nagumbula mbi gwena mumwila yi mapimbu medu? Mbi gwena gio mumwilegi? Mbi lō gwena gio mumwilegi?
Dangenu Luka 16:10, gudima hanenu mvudu mu muwu wu:
Mumwilegi gwena funu mu gwifila akulutu ata mu mambu ma djigi-djigi?
HADU EGA ENI GUHOSA MBI: “Kosu mudu u le gusambila Nzambi mu pila y’azola.”
U yindula yigi, mapimbu megi mudu a le gusenda mbi mana sambila Yehowa mu dibundu yi hadu’ega?
MU KUFI
Yezu ena fumu u dibundu. Akulutu ma gulemfugilanga Yezu, ma guduhwanga gigesa kega mbandu yi pimbu, tunda dweni gukala mu gieshi gi gu’awidigila
Mvudugilu
Na wena fumu u dibundu?
Pila yigi akulutu a gusadisanga dibundu?
Mukumba wigi kosu mbangi u Yehowa akwedji?
DALA KEGA
Dala mambu mo mana lesa mbi To-Gimvuga kega akulutu ega ma gudiyangisanga ngolu mumwila yi apangi owu Akristu mwaniowu.
Du hwi apangi gigesa mu dangu di’adunisa gisalu giedu (4:22)
Dala gisalu gio gi guhanganga akengi a njunga.
Dala mukumba wuna agonusa ena kala wowu mu dibundu.
“Ambangi a Yehowa o ena agonusa ma gulonganga?” (Nzozulu ya Nkengi 1/9/2012)
Dala pila yigi akulutu a guhanganga ngolu mumwila mu guhwa apangi owu Akristu gigesa.
“Akulutu—‘Andugu a gisalu mumwila yi gieshi giedu’” (Nzozulu ya Nkengi 15/1/2013)