DILONGI 34
Yigi du le hanga mu gulesa mbi mu duguzolanga Yehowa?
U gaguma guzola Yehowa ngolu guhida dangu di u gayandjigidi gulonguga Bible? Muwa zola gulaba gugumisa gindugu giayi yi ye ngolu? Mbi gio, lō gubila diambu di, mbi Yehowa ma dala mbi u gumini gumuzola ngolu, ye kega m’aguma guguzola ngolu gibeni kega gugushila digebi. Yigi u le hanga mu gulesa gibeni mbi m’uguzolanga Yehowa?
1. Pila yigi du gulesanga Yehowa mbi mu dugumuzolanga?
Dugulesanga mbi mu duguzolanga Yehowa mbi muduba mulemfugila. (Danga 1 Yoane 5:3.) Yehowa lō a gupusanga ada mudu mu gumulemfugila mu gingolu-ngolu. Gashi, u gahwa kosu mudu mu gadji diedu mbuga yi gusola mbi m’amulemfugila to lowu. Mumwila a guzolanga mbi edu “dulemfugi mu mudjima wu muwundu.” (Baroma 6:17) Gisongidila, a guzolanga mbi ayi u mulemfugididi mumwila m’ugumuzolanga, gashi lō mbi mumwila aba gupusa mu gingolu-ngolu mu gumuzola. Yidjini 3 yi 4 yi muganda wu, muyahoshila mambu ma u fe hanga mu gulesa mbi m’uguzolanga Yehowa, gisongidila guhanga mambu ma gumuhwanga gieshi kega guduna mambu ma gumuhwanga pashi.
2. Mumwilegi gule kala pashi mu guhanga mambu ma guzolanga Yehowa?
“Mudu mu pimbu a guwanagananga yi mapashi mengi.” (Nkunga 34:19) Edu akima mu duguhanganga yigesa mu gunwanisa yifu yedu. Madangu mega lo dwena kala yi mbongu, dwena wanagana yi gukonda lunungu, to mapashi mega. Mu dangu di pashi, gu le kala pashi mu guhanga mambu ma gudulombanga Yehowa. Kutu, du le guma gugolama mu mashigu mendji. Gashi mbi m’uhanga yigesa yi gulemfugila Yehowa, muwa mulesa mbi m’ugumuzolanga guhida yima yikima. Kega muwa lesa gibeni mbi wena wu gwigama gwena ye. Ye kega, ma gakala u gwigama gwena ayi. Lō a gagugwega ada ki.—Danga Nkunga 4:3.
WISHIYA KEGA MAMBU MENGI
Dudadi mumwilegi ulemfu wedu wena funu yingi mumwila yi Yehowa, kega dudadi mambu ma le gu dusadisa mu gukala a gwigama gwena ye.
3. Ayi kega Sadana ma gugufundanga
Pila muganda wu Yobi uba lesa, Sadana a gafundjidi Yobi kega hadu akima o agusambilanga Yehowa. Dangenu Yobi 1:1, 6–2:10, gu dima hanenu mamvudu mu miwu mi:
Sadana a gahoshidi mbi mumwilegi Yobi a galemfugilanga Yehowa?—Dala Yobi 1:9-11.
Sadana a guhosanga yigi mumwila yi ayi kega hadu ega akima?—Dala Yobi 2:4.
Dangenu Yobi 27:5b, gu dima hanenu mvudu mu muwu wu:
Pila yigi Yobi a galeshidi mbi ma gazolanga gibeni Yehowa?
Yobi a gamonishidi mbi ma guzolanga Yehowa, pila yi a galabidi gukala u gwigama gwena ye
Dwena lesa mbi mu duguzolanga Yehowa mbi mu duba laba gukala a gwigama gwena ye
4. Hwa mudjima wu Yehowa gieshi
Dangenu Bingana 27:11, gu dima hanenu mamvudu mu miwu mi:
Pila yigi Yehowa ena difa mbi m’uba hanga mambu mu mayelu kega m’uba mulemfugila? Mumwilegi?
5. U le kala u gwigama gwena Yehowa
Zola diedu mumwila yi Yehowa di gudupusanga mu gwambila hadu ega mambu mendji. Gwigama diedu mu di gudupusanga mu gwambila hadu ega mambu ma Yehowa ada mu dangu di pashi. Dalenu VIDEYO, gu dima hanenu mamvudu mu miwu mi:
Gugagugumina gadi mu gudala mbi gwambila hadu ega mambu ma Yehowa gwena pashi?
Pila yilesa videyo di, yigi yigasadishidi pangi Grayson mu gugadula woma?
Lō gwena pashi mu gukala u gwigama gwena Yehowa, mbi mu dubazola mambu m’aguzolanga kega mu duba menga mambu m’agumenganga. Dangenu Nkunga 97:10, gu dima hanenu mamvudu mu miwu mi:
Mu gudadila mambu ma u longuga mu Bible, Yehowa a guzolanga mambu megi kega a gumenganga mambu megi?
Yigi yile gusadisa mu guzola mambu ma pimbu kega gumenga mambu ma mbi?
6. Gulemfugila Yehowa gwena duneyila mapimbu
Gulemfugila Yehowa, gwena duneyila mapimbu dangu di kima. Dangenu Yezaya 48:17, 18, gu dima hanenu mamvudu mu miwu mi:
M’uba gumbula gibeni mbi mambu makima ma gudulombanga Yehowa mu guhanga mena mumwila yi mapimbu medu? Mumwilegi?
Gwishiya Yehowa Nzambi u giediga kega gulonguga Bible, gugaguneyila deja mapimbu megi?
HADU EGA ENI GUHOSA MBI: “Mambu ma yena hanga lo mena hanga Nzambi ada gima.”
Verse digi u le gu’adangila mu gu’alesa mbi mambu m’aguhanganga ma le hwa Yehowa pashi to gieshi?
MU KUFI
Mu gulesa mbi m’uguzolanga Yehowa, u fe mulemfugila, kega gukala u gwigama gaga gwena ye ada mu dangu di pashi.
Mvudugilu
Mbandu yi Yobi yiba gulonga yigi?
Pila yigi u le lesa mbi m’uguzolanga Yehowa?
Yigi u le hanga mu gukala u gwigama gaga gwena Yehowa?
DALA KEGA
Dala pila yi du le lesa mbi du gagandamana gaga gwena Yehowa kega mu dibundu.
“Gwena mudu u gwigama u guhanganga mambu mu gwigama” (16:49)
Dala mambu mega mo Sadana a gufundanga hadu.
“Yobi ena mu gulaba gugandamana gwena Nzambi” (Inki Kele Nsangu ya Biblia? Gamukanda)
Dala pila ana a le lesa kega mbi maguzolanga Yehowa.
Mambu megi ma le sadisa dulengi mu gulaba gugandamana gwena Yehowa ada andugu owu maba gu’apusa mu guhanga mambu ma mbi?