Mumwilegi du guwanagananga yi mambu ma mbi kega mapashi?

Mbi mambu ma mbi mu mahangamana, lō gwena mbi mu guhula mbi “mumwilegi”? Dwena kala mu gieshi mu gwishiya mbi Bible di guhananga mamvudu ma pimbu mu muwu wu!

1. Pila yigi Sadana a gayandjigishidi mambi a wulu di manu?

Sadana Diabulu ma gagolamanini gwena Nzambi. Sadana a gazolanga guyala, tunda a gapushidi Adamu yi Eva hadu a tegu, mu gugolama kega gwena Nzambi. Sadana a gahangidi mambu ma dangu di a gafudjidi Eva. (Kuyantika 3:1-5) Ma gamupushidi mu gugumbula mbi Yehowa a gamudunishidi gima gi moshi gi pimbu. A gahoshidi kega mbi hadu a le kala mu gieshi mbi lō abalemfugila Nzambi. Sadana ma gagudidi luvunu lu tegu dangu di a gambididi Eva mbi lō a gafwa. Tunda Bible di gulendjiganga Sadana “mudu u luvunu kega dada u luvunu.”—Yoane 8:44.

2. Adamu yi Eva a gasodidi guhanga yigi?

Yehowa a gahwedi Adamu yi Eva yima yingi gibeni. M’agahwedi nswa ji gudia ndumba ji midondu mi kima mi gilanga gi Edeni, gadula gaga mudondu u moshi. (Kuyantika 2:15-17) Gashi ada gio, magadidi ndumba ji mudondu beni. Eva “magasendjidi lundumba lu mudondu beni kega magaludidi.” Gu dima, Adamu “kega magaludidi.” (Kuyantika 3:6) Lō a galemfugididi Nzambi o mbadi. Lō gugakedi pashi Adamu yi Eva mu guhanga mambu ma pimbu, mumwila a gakedi hadu a gukonda masumu. Gashi pila yi a gagolamanini gwena Nzambi mu luzolu lu kima, ma gadunini mbi Nzambi a ayadi. Luganu lu a gasendjidi, lug’aneyididi mapashi mengi.—Kuyantika 3:16-19.

3. Mapashi meki luganu lu gasendjidi Adamu yi Eva lu gaduneyididi?

Dangu di gasumugidi Adamu yi Eva, a gagumini hadu a masumu, kega a gaduhwa edu akima ana owu masumu beni. Bible di guhosanga mumwila yi Adamu mbi: “Disumu di gengididi mu gifudji mu mbuga yi mudu mu moshi, kega lufwa mu mbuga yi disumu, pila yi moshi kega lufwa lu gamwangana gwena hadu a kima.”—Baroma 5:12.

Gwena kega yi yiguma yingi yi guhanganga mbi dudadi mapashi. Madangu mega, dugudalanga pashi mumwila yi maluganu ma mbi mo madugasendjidi. To mumwila yi maluganu ma mbi mo magasendjidi hadu ega. Madangu mega kega, du gudalanga pashi mumwila dwena kala mu gihani gi mbi kega mu dangu di mbi.—Danga Longi 9:11.

WISHIYA KEGA MAMBU MENGI

4. Mudu yo wena mu gishina gi mapashi medu

Hadu engi a guyindulanga mbi Nzambi mudu wena yala gifudji gi kima. Gwena gu gigidi? Dalenu VIDEYO.

VIDEYO: Na uba yala gifudji gi? (1:24)

Danga Yakobo 1:13 kega 1 Yoane 5:19, gu dima hanenu mvudu mu muwu wu:

• Nzambi mudu wena mu gishina gi mapashi kega mambu ma mbi?

5. Mambu mo ma guhangamananga banda gi gabanda guyala Sadana

VIDEYO: Mumwilegi Nzambi a gahana mbuga mu mapashi?—Videyo di gidjini (3:07)

Dangenu Kuyantika 3:1-6, gudima hanenu mamvudu mu miwu mi:

• Sadana a gahoshidi luvunu lwigi?—Dala maverse 4 yi 5.

• Pila yigi Sadana a galeshidi mbi Nzambi a gadunishidi hadu gima gi moshi gi pimbu?

• Sadana a gahoshidi mbi hadu mu gukala mu gieshi, Yehowa mudu u fe gu’ayala?

Dangenu Longi 8:9, gudima hanenu mvudu mu muwu wu:

• Banda pila hadu a gadunini mbi Nzambi akondji gu’ayala, yigi yiguhangamananga mu gifudji?

1. Adamu yi Eva a gakedi hadu a gukonda masumu, kega a gajinganga mu paladisu. Gashi, a gefididi Sadana kega ma gagolamanini gwena Yehowa

2. Gu dima di gugolamana, gifudji gi gazadidi yi masumu, mapashi, kega lufwa

3. Yehowa ma gagadula disumu, mapashi, kega lufwa. Hadu a gaguma kega yi mwila wu gukonda masumu, ma gajinga kega mu Paladisu

6. Yehowa ma gudiyangisanga dangu di dwena dala pashi

Nzambi magudiyangisanga dangu di dugudalanga pashi? Du dadi mambu ma gasonigidi Todjila Davidi kega tumwa Piere. Dangenu Nkunga 31:7 kega 1 Piere 5:7, gu dima hanenu mvudu mu muwu wu:

• Pila yigi uba difa mu gwishiya mbi Nzambi ma gudalanga pashi jedu kega ma gudiyangisanga mumwila yi edu?

MU KUFI

Sadana Diabulu kega Adamu yi Eva, ena gishina gi mambu ma mbi aha a wulu di manu. Yehowa ma gudiyangisanga gibeni dangu di dugudalanga pashi kega tunda lowu, m’agadula mapashi ma makima.

Mvudugilu

• Sadana Diabulu a gafudjidi Eva mbi ki?

• Pila yigi luganu lu gasendjidi Adamu yi Eva, lu guduneyilanga mapashi?

• Pila yigi dweshiya mbi Yehowa ma gudiyangisanga dangu di du gudalanga pashi?

DALA KEGA

Dala pila Bible di gudendulanga disumu.

“Disumu diena yigi?” (Disolu dio diena mu jw.org)

Dala mambu mega mo mena hoshila tembi ji gadushidi Sadana Diabulu mu gilanga gi Edeni.

“Mumwilegi Nzambi a gahana mbuga mu mapashi?” (Nzozulu ya Nkengi 1/1/2014)

Dala mamvudu mo mena hana gigesa mu muwu u moshi u pashi.

“Mumwilegi hadu a Nazi a gajidi Ayuda engi? Mumwilegi Nzambi lō a gahangidi ata gima?” (Disolu dio diena mu jw.org)

Dala mambu mo ma galongugidi yala u moshi mumwila yi mapashi mo m’agadalanga.

Lō yena kega ami mweni (5:09)