DILONGI 13
Mabundu ma luvunu lō ma guhwanga jina di Nzambi lugumu
Mbi Nzambi ena zola, mumwilegi mabundu mo ma guhosanga mbi mena mabundu ma Nzambi ma guhanganga mambu mengi ma mbi? Mu masonga makima, mabundu mo mena mabundu ma luvunu; lō ma gugumisanga jina di Nzambi. Pila yigi mabundu ma luvunu ma gugondanga gugumisa jina di Nzambi? Nzambi a gudifanga pila yigi? Kega yigi a gahanga mabundu makima ma luvunu?
1. Pila yigi mabundu ma luvunu mena gonda gugumisa Nzambi mu malongi mowu?
Mabundu ma luvunu ma “gasola gugumbula luvunu mu gihani gi gugumbula giediga gi Nzambi.” (Baroma 1:25) Mu mbandu, mabundu mengi lō ma gulonganga hadu a mabundu mowu jina di Nzambi. Gashi Bible di guhosanga mbi du fe guhangila jina di Nzambi. (Baroma 10:13, 14) Mbi mambu ma mbi mu ma hangamana, a fumu ega a mabundu a guhosanga mbi gwena luzolu lu Nzambi. Gashi lō gwena gigidi. Mambu ma mbi mo ma guhangamananga lō ma gugaduganga gwena Nzambi. (Danga Yakobo 1:13.) Gima gi pashi giena mbi, malongi mowu ma luvunu ma gahanga mbi hadu a gondji guzola kega Nzambi.
2. Pila yigi mabundu ma luvunu lō mena gumisa Nzambi mu mambu ma maguhanganga?
Mabundu ma luvunu lō ma guhangilanga hadu mambu nga Yehowa. Bible di guhosanga mbi “masumu ma mabundu ma luvunu ma gaguma mengi gibeni kega ma gaganduga tii gu wulu.” (Kusonga 18:5) Banda tunda, mabundu ma luvunu ma gadingisa mu politigi, mu ma guhananga miogu mu yidumba kega mu ma gujisanga hadu engi to mu ma gugumbulanga mbi a jiyi hadu. Afumu ega a mabundu a gaguma amvwama kega ma gulomba-lombanga hadu a mabundu mowu mbongu. Mambu ma makima m’aguhanganga, mena lesa mbi mabundu ma luvunu lō meshi gibeni Nzambi kega lō gufwana mbi a di lendjigi hadu a Nzambi.—Danga 1 Yoane 4:8.
3. Nzambi a gudifanga pila yigi mumwila yi mabundu ma luvunu?
Mbi mambu mo ma guhanganga mabundu ma luvunu mena guguhwa kabu, u yindula mbi Yehowa a fe difa pila yigi? Ye ma guzolanga hadu, gashi a gwifanga kabu mumwila afumu a mabundu lō a gugumisanga jina dienji kega afumu beni a guhangilanga hadu a mabundu mowu mambu ma mbi. Hohana, ye mena hosa mbi ma gajiya mabundu ma luvunu “kega lō a gamadala kega.” (Kusonga 18:21) Gu sala gadjigi, Nzambi ma gajiya mabundu makima ma luvunu.—Kusonga 18:8.
WISHIYA KEGA MAMBU MENGI
Du dadidi pila yigi Nzambi a gudifanga gibeni mumwila yi mabundu ma luvunu. Du dadidi mambu mengi mo ma guhanganga mabundu ma luvunu, kega mumwilegi lō ma fe guga mu guguganda mbuga mu gulonguga mambu ma Yehowa.
4. Nzambi lō a gugumbulanga mabundu makima
Hadu engi a guyindulanga mbi mabundu mena nga mambuga ma luswaswanu mo, mo makima ma gunedanga gwena Nzambi. Gashi gwena masonga? Dangenu Matayo 7:13, 14, gu dima, hanenu mvudu mu muwu wu:
Bible di guhosanga yigi mumwila yi mbuga yo yi gunedanga gu lujingu?
Dalenu VIDEYO, gu dima hanenu mvudu mu muwu wu:
Bible di guhosanga mbi gwena yi mabundu mengi mo ma gusepedisanga Nzambi?
5. Mabundu ma luvunu lō mena laba mbandu yi zola di Nzambi
Mabundu ma luvunu lō ma gugumisanga Nzambi mu mapila mengi. Mu mbandu lō ma gugumisanga Nzambi pila yi ma gudingisanga mu yidumba. Mumwila mu gudala mbandu yimoshi, dalenu VIDEYO. Gu dima hanenu mamvudu mu miwu mi:
Mabundu mengi ma gahangidi mambu meki mu Yidumba yi 2 yi Gifudji gikima?
mu gudadila mambu mo ma gahangidi mabundu, pila yigi una difa?
Dangenu Yoane 13:34, 35 kega 17:16. Gu dima hanenu mamvudu mu miwu mi:
U na yindula mbi Yehowa a gudifanga pila yigi dangu mabundu ma luvunu ma gudingisanga mu yidumba?
Mabundu ma luvunu ma guhanganga mambu mengi ma mbi. Mambu meki u gudalanga mo mena gugumbudisa mbi mabundu ma luvunu lō ma gulabanga mbandu yi zola di Nzambi?
Dibundu di luvunu lō di gulabanga mbandu yi zola di Nzambi
6. Nzambi a guzolanga mbi hadu a dugi mu mabundu ma luvunu
Dangenu Kusonga 18:4,a gu dima hanenu mvudu mu muwa wu:
Pila yigi una difa mu gwishiya mbi Nzambi a guzolanga gugulusa hadu o agufudanga mu mabundu ma luvunu?
7. Laba gulonguga mambu ma dadila Nzambi u gigidi
Mambu mo ma gulonganga kega ma guhanganga mabundu ma luvunu, ma fe gugupusa mu gudadila Nzambi mu pila yi mbi? Yindula mbi mwana mumoshi mana duna mandongishila ma pimbu mo mana muhwa dada wendji. Mwana beni u gaduga gu nzu kega u guma guhanga mambu ma mbi gibeni. Dada lō ana sepela yi mambu mo ma ba hanga mwana wendji. Mumwilegi lō gwa kala pimbu mbi mu dudala dada mbi, mumwila yi mambu mo ma ba hanga mwana wendji?
Mumwilegi lō gwena pimbu mu gudala Yehowa mbi kega guduna gumusambila mumwila yi mambu ma mbi mo ma guhanganga mabundu ma luvunu?
HADU EGA ENI GUHOSA MBI: “Lō yiguzolanga gwifa mambu ma Nzambi, mumwila mabundu ma guhanganga mambu mengi ma mbi.”
Ayi kega u gudifanga gio?
Mumwilegi mambu ma guhanganga mabundu lō ma fe guguganda mbuga yi gulonguga mambu ma Yehowa?
MU KUFI
Mabundu ma luvunu lō ma gugumisanga Nzambi mu malongi mowu ma magulonganga kega mu mambu mo ma maguhanganga. Nzambi ma ga jiya mabundu ma luvunu.
Mvudugilu
U gudifanga pila yigi mu mambu mo ma gulonganga kega ma guhanganga mabundu ma luvunu?
Yehowa a gudifanga pila yigi mumwila yi mabundu ma luvunu?
Nzambi yigi a gahanga mabundu ma luvunu?
DALA KEGA
Dala yiguma yadi yo yiguhanganga mbi mabundu mengi ma kondji gusepedisa Nzambi.
Mumwilegi Yehowa a guzolanga mbi dumusambidi yi adu’ega?
“Gwena funu mu gukala mudu u dibundu di moshi gi?” (Disolu dio diena mu jw.org)
Mupe mumoshi ma gadiyangisanga mumwila yi mambu mo ma gahangamananga mu dibundu diowu. Gashi, lō ma gamugandjidi mbuga yigulonguga mambu ma giediga mumwila yi Nzambi.
“Mumwilegi mupe mumoshi a gagadugidi mu dibundu diowu” (Telama! 2/2015)
Banda tunda, mabundu mu ma gulonganga mambu ma luvunu mo ma gupusanga hadu mu guyindula mbi Nzambi lo’agwa shilanga digebi kega ena mudu u koni. Dala malongi ma sadu mo m’agulonganga.
“Maluvunu mo ma gulesanga mbi Nzambi ena nga mudu yo u konda zola” (Nzozulu ya Nkengi 1/11/2013)