DILONGI 32
Gifumu gi Nzambi giena mu guyala!
Gifumu gi Nzambi gi gayandjigidi guyala gu wulu mu 1914. Mvula yi, yigakedi kega luyandjigu lu yilumbu yi suga yi gifumu gi hadu. Pila yigi dweshiya? Dudadidi mambu mena hosa Bible, mambu maba hangamana mu gifudji kega yigalulu yo yi gaguma yoyi hadu yandjiga mu 1914.
1. Mambu megi Bible di gahoshidi gu twala?
Muganda u Daniele u gahoshidi mbi, Gifumu gi Nzambi gi gayandjiga guyala gu suga yi “madangu mansambwadi.” (Daniele 4:16, 17) Mamvula mengi gudima, Yezu a galendjigidi madangu ma mbi “madangu ma a gasa ma maganda,” kega a gahoshidi mbi lo magasugidi gadi. (Luka 21:24) Nga pila yi dwa longuga, madangu mansambwadi ma gasugidi mu 1914.
2. Yigi yena hangamana mu gifudji kega yigalulu yigi hadu a gaguma yoyi yandjiga mu 1914?
Alongogi a Yezu a gamudidi mbi: “Dangu digi mambu ma magahangamana kega yigi yigakala gidimbu gi gumoniga gwayi kega gi suga yi gifudji gi?” (Matayo 24:3) Yezu aga ambididi mbi mambu mengi ma gahangamana dangu di a gaguma Todjila u Gifumu gi Nzambi. Mumbandu yidumba, nzala, kega gunigana gu manu. (Danga Matayo 24:7.) Bible di gahoshidi kega mbi yigalulu yi mbi yo hadu a gaguma yoyi mu “yilumbu yi suga” yiga hanga mbi lujingu lu gumi “pashi” gibeni. (2 Timoteo 3:1-5) Mambu ma makima, ma gayandjigidi guhangamana gibeni yandjiga mu 1914.
3. Mumwilegi mambu mabalaba gubeba mu manu, yandjiga dangu Gifumu gi Nzambi gi gayandjigidi guyala?
Dangu gadjigi gu dima di guguma Todjila wu Gifumu gi Nzambi, Yezu ma ganwanishidi Sadana yi ademo enji gu wulu. Sadana ma gabedidi. Bible diba hosa mbi “ma gamumbidi mu manu, kega ma gamumbidi yi awandjo endji.” (Kusonga 12:9, 10, 12) Sadana ena yi kabu ji ngolu mumwila maba gwishiya mbi magafwa. Tunda a guniogulanga hadu kega a guneyanga pashi mu gifudji gi kima. Agi giguma gi guhanganga mbi mambu ma bebi gibeni mu gifudji! Gashi Gifumu gi Nzambi mu gigagadula mapashi ma makima.
WISHIYA KEGA MAMBU MENGI
Dudadi pila yigi dweshiya mbi Gifumu gi Nzambi gi gayandjigidi guyala mu 1914 kega yigi du fe hanga pila yi dweshiya mbi Gifumu beni giena mu guyala.
4. Makalkile ma madati ma Bible maba lesa mbi Gifumu gi Nzambi gi gayandjigidi guyala mu 1914
Nzambi a gahangidi mbi Todjila Nebukadenezare u Babilone di tunda a bidji ndoshi yo yigalesanga mambu ma gahangamana mu mafugu ma gesa. Ndoshi beni yi tendula yo yigahanini Daniele yena hoshila gifumu gi Nebukadenezare kega Gifumu gi Nzambi.—Dangenu Daniele 4:17.a
Dangenu Daniele 4:20-26, gu dima hangilenu tablo mu guhana mamvudu mu miwu mi:
(A) Nebukadenezare a gadadidi yigi gu ndoshi?—Dala maverse 20 yi 21.
(B) Ndoshi beni yigaleshidi mbi yigi yigagumina mudondu?—Dala verse 23.
(C) Yigahoshidi mbi yigi yigahangamana gu suga yi “madangu mansambwadi”?—Dala verse 26.
Guwagana mu gadji di mudondu wu ndoshi yi Gifumu gi Nzambi
MAMBU MA GAHOSHIDI BIBLE (Daniele 4:20-36)
Gifumu
(A) Mudondu wu dadi gibeni
Gifumu gi suga
(B) “Vugenu mudondu wuna,” tii dangu “di gahida madangu mansambwadi”
A hongulusa kega Gifumu
(C) “Gifumu gia kala kega giayi”
Mu gulungana gu tegu . . .
(D) Mudondu wu gamonisanga na?—Dala verse 22.
(E) Dangu digi a gegidi guyala?—Danga Daniele 4:29-33.
(F) Yigi yigaguminini Nebukadenezare gu suga yi “madangu mansambwadi”?—Danga Daniele 4:34-36.
GULUNGANA GU TEGU
Gifumu
(D) Nebukadenezare, Todjila wu Babilone
Gifumu gi suga
(E) Gu dima di mvula 606 T.D.D., Nebukadenezare u yinza lashi kega wega guyala mumwila yi mamvula mansambwadi
A hongulusa kega Gifumu
(F) Nebukadenezare u godidi kega u hongulugididi gifumu giendji
Mu gulungana gu mbadi . . .
(G) Mudondu wu gamonisanga ana?—Danga 1 Bansangu 29:23.
(H) Dangu digi gifumu giowu gi gasugidi? Pila yigi dweshiya mbi lo gigayalanga gaga ada dangu Yezu a gakedi a wulu di manu?—Danga Luka 21:24.
(I) Dangu digi kega kwi gifumu gi, gigayandjigidi guyala kega?
GULUNGANA GU MBADI
Gifumu
(G) Atodjila a Israele o aba monisa Gifumu gi Nzambi
Gifumu gi suga
(H) Ajiya Yeruzalemi, kega ashidi suga mu ndonga yi atodjila a Israele mumwila yi mamvula 2520
A hongulusa kega Gifumu
(I) Yezu u yandjiga guyala gu wulu nga Fumu wu Gifumu gi Nzambi
Madangu mansambwadi mena mamvula magwi?
Miganda mimoshi mi Bible mi gudusadisanga mu gubagisa mambu mo mena mu miganda miega mi Bible. Mumbandu, muganda wu Kusonga wena lesa mbi madangu masadu yi ndambu mena yilumbu 1260. (Kusonga 12:6, 14) Mbi m’ufogula madangu masadu yi ndambu mbala djadi (1260 X 2), guba hana madangu mansambwadi to yilumbu 2520. Madangu mega, ngogu gilumbu yena dendula mvula yi moshi mu Bible. (Ezekiele 4:6) Guba dusadisa mu gubagisa mbi madangu mansambwadi ma muganda wu Daniele—mena mamvula 2520.
5. Gifudji gi gasobidi yandjiga mu 1914
Yezu a gahoshididi gu twala mambu mo ma gahangamana mu manu dangu di a gaguma Todjila. Dangenu Luka 21:9-11, gu dima hanenu mvudu mu muwu wu:
Diambu digi mu gadji ga mambu ma, wena dala to wena gwifa?
Tumwa polu a gahoshididi yigalulu yi mbi yo hadu a gaguma yoyi mu yilumbu yi suga yi gifumu gi hadu. Dangenu 2 Timoteo 3:1-5, gu dima hanenu mvudu mu muwu wu:
Yigalulu yigi mu gadji ga yigalulu yi, yi mbi wena dala gwena hadu mwaniowu?
6. Yigi du fe hanga pila yi dweshiya mbi Gifumu gi Nzambi giena mu guyala
Dangenu Matayo 24:3, 14, gu dima hanenu mvudu mu miwu mi:
Gisalu gigi gi funu giba lesa mbi Gifumu giena mu guyala mwaniowu?
Pila yigi u le hana miogu mu gisalu beni?
Gifumu gi Nzambi giena mu guyala mwaniowu, kega gusala gadjigi mu gia yala manu ma kima. Dangenu Baebreo 10:24, 25, gu dima hanenu mvudu mu muwu wu:
Kosu mudu mu gadji diedu a fe hanga yigi pila yi “duba dala gilumbu giena mu gufinama”?
Mbi m’ulonguga gima gi moshi gio gi le sadisa kega gugulusa hadu ega, yigi u fe hanga?
MUDU MWEGA U LE GUGULA MBI: “Mumwilegi Ambangi a Yehowa a guhoshilanga ngolu mvula 1914?”
Yigi u le mwambila?
MU KUFI
Mambu mo ma gahoshidi Bible, madati ma Bible, kega mambu maba hangamana mu manu maba lesa mbi Gifumu gi Nzambi giena mu guyala. Mu dwena longa Gifumu gi gwena hadu ega kega mu dwena gwenda gu malugudaganu mumwila mu dwena gwishiya mbi giena mu guyala.
Mvudugilu
Yigi yigahangamanini gu suga yi madangu mansambwadi mo mena hoshila muganda wu Daniele?
Mumwilegi uba gumbula mbi Gifumu gi Nzambi gi gayandjigidi guyala mu 1914?
Yigi u fe hanga pila yi weshiya mbi Gifumu gi Nzambi giena mu guyala?
DALA KEGA
Dala mambu mena hosa hadu a istware kega hadu ega mu pila manu ma gasoba yandjiga mu 1914.
“Yandjiga dangu diki mambu ma gabebidi mbala yimoshi pila yi” (Telama! 4/2007)
Dala pila mambu ma guhosanga Bible mu Matayo 24:14 ma gasobidi lujingu lu mudu mu moshi.
“Yi gazolanga baseball ngolu gibeni!” (Nzozulu ya Nkengi No. 3 2017)
Pila yigi dweshiya mbi mambu ma guhosanga Bible mu muganda wu Daniele gapu 4 maba dadila Gifumu gi Nzambi?
“Dangu diki Gifumu gi Nzambi gi gayandjigidi guyala? (Gidjini 1)” (Nzozulu ya Nkengi 1/10/2014)
Yigi yiba lesa mbi “madangu mansambwadi” mo mena mu muganda wu Daniele gapu 4 ma gasugidi mu 1914?
“Dangu digi Gifumu gi Nzambi gi gayandjigidi guyala? (Gidjini 2)” (Nzozulu ya Nkengi 1/11/2014)
a Dala masolu madi ma suga mu gidjini Dala kega mu dilongi di.