Kala masonga mu mambu makima

Edu’akima du guzolanga andugu o a gukalanga masonga. Yehowa kega a guzolanga mbi andugu endji akadi masonga. Gashi, gugukalanga pashi mu gukala mudu u masonga mumwila hadu’engi mu gifudji gi lō ena hadu a masonga. Mapimbu meki dwa senda mbi dwena hadu a masonga mu mambu makima?

1. Giguma giki gi guhida funu gi gudupusanga mu gukala masonga?

Du gulesanga Yehowa mbi mu dugumuzolanga kega mu dugumujidjisanga, mbi dwena masonga mu mambu makima. Lō du fe bila mbi, Yehowa ma gudalanga mambu makima ma duguyindulanga kega ma duguhanganga. (Baebreo 4:13) Ma gudaalanga dangu di dugukalanga masonga kega ma gusepelanga. Ndaga yendji yiguhosanga mbi: “Yehowa ma gumenganga mudu u luvunu, gashi Ma gudanga gindugu gi ngolu yi hadu a pimbu.”—Bingana 3:32.

2. Yigi du fe hanga mu gukala masonga kosu gilumbu?

Yehowa a guzolanga mbi “kosu mudu a hoshi gigidi gwena pangi wendji.” (Zekaria 8:16, 17) Gunadendula yigi? Dangu di dugusolulanga yi apangi a dibuda diedu, andugu edu a gisalu, apangi edu Akristu, mbi lo afumu a luyalu, lō du fe gu’afuda to guhosa masangu ma luvunu. Hadu a masonga lō agwimbulanga hadu ega mbi lowu gu’afuda mumwila mu gu embula. (Danga Bingana 24:28 kega Baefezo 4:28.) Kega ma gufudanga gidadi gio gi’eni gu’alomba. (Baroma 13:5-7) Mbi mu dunahanga mambu ma kega mambu mega ma pimbu ma dukonda gudanga aha, mudwa lesa mbi “dugudidwadisanga mu masonga mu mambu makima”.—Baebreo 13:18.

3. Mapimbu meki dwa senda mbi dwena hadu a masonga?

Hadu ega m’adushila mudjima, mbi dwena hadu a masonga. Mudwa sadisa apangi a dibundu, mu gudifa mu ludaninu nga mu dibuda dio digukalanga yi zola. Mudwa kala yi gansansa ga ukedji. Masonga medu mu ma “gudomisanga malongi ma ngulushi wedu, Nzambi,” kega mu magupusanga hadu ega mu gu musambila.—Tito 2:10.

WISHIYA KEGA MAMBU MENGI

4. Yehowa ma gusepelanga yi hadu a masonga

Dangenu Nkunga 44:21 kega Malaki 3:16, gudima hanenu mamvudu mu miwu mi:

• Gwena gibeni funu mu guswegila Yehowa giediga? Mumwilegi?

• U yindula yigi, Yehowa agudifanga pila yiki dangu di duguhosanga masonga ada mu dangu dio di gukalanga pashi mu guhosa masonga?

5. Kala mudu u masonga dangu di kima

VIDEYO: Mambu mo ma guhananga gieshi—Gansansa ga ukedji (2:32)

Dangenu Baebreo 13:18, gudima hoshilenu pila yi du le kala masonga . . .

• gwena apangi a dibuda diedu.

• gu gisalu to gu nzu-kanda.

• mu mambu mega.

6. Mu dugusendanga mapimbu mbi dwena hadu a masonga

Tegu, du le dala nga mbi gukala mudu u masonga gu le hanga mbi dudadi mapashi. Gashi suga-suga mu dwabagisa mbi, Gugukalanga dangu dikima mumwila yi mapimbu medu. Dangenu Nkunga 34:12-16, gudima hanenu mvudu mu muwu wu:

• Pila yiki gukala masonga gu gugumisanga lujingu lwayi pimbu gibeni?

1. Amala yi agonusa a masonga, agugumisanga magwela mowu ngolu

2. Afumu a gisalu ma gushilanga hadu awu mudjima o a gukalanga masonga

3. Afumu a leta ma guhwanga lugumu gwena hadu awu, o agukalanga masonga

MU KUFI

Yehowa a guzolanga mbi andugu’enji akadi masonga mu mambu makima m’aguhosanga kega m’aguhanganga.

Mvudugilu

• Du le kala masonga mu mambu meki?

• Mumwilegi guyindula mbi du le swegila Yehowa giediga gwena gukonda mayela?

• Mumwilegi u fe kala masonga dangu dikima?

DALA KEGA

Pila yiki yibudji yi le longa anawu mu gukala masonga?

Danga masonga (1:44)

Mapimbu meki du gusendanga mbi mu dunalungisa malushilu medu?

Mapimbu ma w’asenda mbi mu nalungisa malushilu mayi (9:09)

Du fe fuda gidadi ada ma gugihangilanga mu pila yi pimbu to yi mbi.

“Du fe fuda gidadi?” (Nzozulu ya Nkengi 1, 2011)

Yigi yi gapushidi yala mu moshi yo u gakedi luvunu, mu gwega gigalulu gi, gi mbi kega guguma mudu u masonga?

“Mi geshinini mbi Yehowa ena Nzambi u kenda kega yo u gulolulanga” (Nzozulu ya Nkengi 1, 2015)