DILONGI 40
Yigi du fe hanga mu gukala ukedji gu mesu ma Nzambi?
Yindula mbi mawu u moshi wu zola, ena mu guyidiga munendji u yala mumwila endji gu nzu-kanda. Ena mu gudala-dala munendji mu gwishiya mbi wodidi pimbu, miledi mienji miena mi guhidiga pimbu kega mi ukedji. Mawu yu aba hanga gi, mumwila munendji a kadi yi sante di pimbu kega hadu ega m’adala mbi yibudji yendji yena mugeba pimbu gibeni. Pila yimoshi, Yehowa Dada wedu wu zola ena zola mbi du kadi ukedji—mu mwila yi mu mabanza. Gukala ukedji gwena mumwila yi mapimbu medu beni kega gwena hwa Nzambi lugumu.
1. Yigi du le hanga mu gukala ukedji mumwila?
Yehowa ena dwambila mbi: “Nu fe kala santu.” (1 Piere 1:16) Mu gukala santu, du fe kala ukedji mu mwila, mu mambu ma dwena yindula, ma dwena hosa, kega ma dwena hanga. Dwena kala ukedji mbi mu duba gola kosu gilumbu kega mu duba hanga yigesa mumwila miledi, nzu, kaminion, moto, velo to yima yedu yega yikadi ukedji kega yi guyidiga pimbu. Du le sadisa kega mu gofa Nzu yi Gifumu yedu. Mbi mu duba laba gukala ukedji mu mwila, dwena hwa Yehowa lugumu.—2 Bakorinto 6:3, 4.
2. Mu gukala ukedji, yigalulu yigi yi mbi du fe duna?
Bible di gudulombanga mu “gugadula mu mwila wedu mvindu yikima yi ginsuni kega yi peve.” (2 Bakorinto 7:1) Hohana, du fe duna gima gi kima gio gi le bebisa mwila to mabanza medu. Mambu ma duba yindula ma fe sepedisa Yehowa, tunda du fe hanga yigesa mu guduna mangindu ma mbi. (Nkunga 104:34) Du fe hanga kega yigesa mu guhosa mambu ma ukedji.—Danga Bakolosai 3:8.
Yigi yi le hanga kega mbi du kondji kala ukedji mu mwila yi mu mabanza? Yima yega yi le bebisa mwila wedu. Tunda du fe duna yima beni, mumbandu magaya kega guhangila yima yi gulawusanga mu pila yi mbi nga droge. Mbi mu duba duna yima yi, mu dwa kala yi sante di pimbu kega mu dwa lesa mbi dwena senda gapu di lujingu mu valere. Du guhanganga kega yigesa mu gukala ukedji mu mabanza mbi mu duba duna yigalulu yi mbi nga gusema yi yinama yi gubudjila mumwila mu gwifa pimbu kega gudala pornografi. (Nkunga 119:37; Baefezo 5:5) Gu le kala pashi mu gwega yigalulu yi, yi mbi gashi Yehowa u le dusadisa mu gununga.—Danga Yezaya 41:13.
WISHIYA KEGA MAMBU MENGI
Dudadi pila yi dwena hwa Yehowa lugumu mbi dwena ukedji mu mwila kega mambu ma du le hanga mu gwega yigalulu yi mbi.
3. Yehowa ma gusendanga lugumu mbi dwena ukedji mu mwila
Mashigu mo Yehowa a gahwedi hadu a Izraele di tunda, mena du sadisa mu gwishiya mbi Yehowa a guzolanga mbi asadi endji a kadi ukedji. Dangenu Kubasika 19:10 kega 30:17-19, gu dima hanenu mvudu mu miwu mi:
Pila yigi maverse ma, maba lesa mbi Yehowa ena zola mbi asadi enji a kadi ukedji?
Yigi u fe hanga kosu gilumbu mu gukala ukedji mu mwila?
Edu yi yima yedu mu gukala ukedji, gwena lomba dangu kega yigesa yingi. Gashi du le kala ukedji kosu gihani gio gi dwena jinga, du kadi ansugami to amvwama. Dalenu VIDEYO, gu dima hanenu mvudu mu muwu wu:
Mbi yima yedu yena yi guyidiga pimbu kega ukedji, hadu a dwena longa yigi a le hanga?
4. Yigi du le hanga mu gwega yigalulu yi mbi
Yehowa u le gu dusadisa mu gwega gigalulu gi kima gi mbi
Mbi mu wena nwa magaya to mu wena hangila mu pila yi mbi yima yo yi gulawusanga, gu le kala pashi mu gwega gigalulu gi. Gashi yigi yi le gusadisa? Yindula mapashi ma le guneyila gigalulu gi. Dangenu Matayo 22:37-39, gu dima hoshilenu pila magaya to guhangila mu pila yi mbi yima yi gulawusanga yi . . .
gubebisanga gindugu gi mudu yi Yehowa.
guneyilanga hadu a dibuda yi hadu’agujinganga yowu pashi.
Yindula mambu ma u le hanga mu gwega gigalulu gi moshi gi mbi.a Dalenu VIDEYO.
Dangenu Bafilipi 4:13, gu dima hanenu mvudu mu muwu wu:
Pila yigi gukala yi gigalulu gi gusamba, gulonguga Bible kega gwenda gu malugudaganu, gu le sadisa mudu mu gwega gigalulu gi moshi gi mbi?
5. Hanga yigesa mu gwega mangindu kega yigalulu yi mbi
Dangenu Bakolosai 3:5, gu dima hanenu mvudu mu miwu mi:
Pila yigi dweshiya mbi gudala pornografi, gudumisa mamesaje, mafoto yi mavideyo mo mena zangulusa nzala yi gubidjisagana, kega gigalulu gi mbi gi gusema yi ginama gi gubudjila gwena mbi gu mesu ma Yehowa?
Ubayindula mbi gwena pimbu pila Yehowa a gudulombanga mu gukala ukedji mu mambu ma duguyindulanga kega duguhanganga? Mumwilegi?
Dala mambu ma u le hanga mu gugadula mangindu ma mbi. Dalenu VIDEYO.
Mu gulesa mbi du fe senda luganu mu gukala dangu di kima ukedji mu mambu ma duguyindulanga kega ma duguhanganga, Yezu a gahangididi mbandu. Dangenu Matayo 5:29, 30, gu dima hanenu mvudu mu muwu wu:
Yezu lō a gangidi hosa mbi du fe gudihanga mbi, gashi a gangidi hosa mbi, du fe hanga yigesa yi ngolu mu gugadula mangindu ma mbi. Luganu lwigi mudu a fe senda mu guduna mangindu ma mbi?b
Mbi wena mu guhanga yigesa mu gwega gigalulu gi moshi gi mbi, wishiya mbi Yehowa abasenda yigesa yayi mu valere. Dangenu Nkunga 103:13, 14, gu dima hanenu mvudu mu muwu wu:
Mbi wena mu guhanga yigesa mu gwega gigalulu gi moshi gi mbi, pila yigi verse di, di ba guguhwa gigesa mu gulaba gunwanisa gigalulu beni?
Ada m’ubwa mbala jingi, laba guhanga yigesa!
U le hosa mbi, ‘Lō yiba guga gwega gigalulu gi, funu yi gulaba guhanga yigesa lō yena.’ Gashi yindula diambu di: Mbi mudu mu moshi u guhanganga nsaga ji gusenda tshina ma bulagana kega ma bwa, lō guba dendula mbi ye u bedidi mu nsaga jo, to kega mbi lō a zanguluga kega mu gulaba gusenda tshina. Pila yimoshi kega, mbi m’ubwilulula mu gigalulu gi moshi gi mbi, lō guba dendula mbi lō wa guga kega gwega gigalulu beni. Mbi lō kega, yikesa yi kima yina yi u gahangidi yena yi pamba. Gu gigidi u le bwilulula—gashi mbi m’ubwilulula, lō guhelwa mwila kega lō gwega! Sa mudjima mbi Yehowa m’agusadisa mu gwega gigalulu beni gi mbi.
HADU EGA ENI GUHOSA MBI: “Yi gayigila gomi. Lō yiga guga kega gwega gigalulu gi.”
Verse digi u le hangila mu gulesa mudu yu mbi, Yehowa u le gumusadisa mu gwega gigalulu beni gi mbi?
MU KUFI
Du guhwanga Yehowa gieshi mbi mu duba laba kukala ukedji mu mwila, mu mambu ma du guyindulanga, ma du guhosanga kega ma du guhanganga.
Mvudugilu
Mumwilegi gukala ukedji gwena funu yingi?
Yigi u le hanga mu gukala ukedji mu mwila?
Yigi u le hanga mu gulaba gukala ukedji mu mambu ma wena yindula, ma wena hosa kega ma wena hanga?
DALA KEGA
Dala mambu ma djigi-djigi ma u le hanga mu gukala ukedji mu mwila ada lō wena yi mbongu jingi?
Gofa miogu gwena du sadisa mu gukala yi sante di pimbu kega ukedji (3:01)
Dala mambu ma funu ma u le hanga mu gugaduga mu gihiga gi magaya.
“Yigi mudu a fe hanga mu gwega gunwa magaya” (Telama! 5/2010)
Dala pashi ji guneyanga gudala pornografi.
“Pornografi—Nsaga to ndjigila?” (Nzozulu ya Nkengi 1/8/2013)
Dala mambu ma gasadishidi yala u moshi mu gwega gudala pornografi.
“Yi gabwidi mbala jingi, gashi yi ganunga” (Nzozulu ya Nkengi No. 4 2016)
a Mu gwishiya mambu ma funu mo mudu a fe hanga mu gugaduga mu gihiga gi magaya danga disolu “Yigi mudu a fe hanga mu gwega gunwa magaya,” mu gidjini Dala Kega gi dilongi di.
b Mu gwishiya mambu mo mudu a fe hanga mu gwega gigalulu gi mbi gi gusema yi ginama giendji gi gubudjila danga disolu “ Comment arrêté de me masturber ? ” mu muganda Bangiufula ya Baleke Ke Kudiyulaka—Bamvutu ya Ta Sadisa Nge, Volime 1, kapu 25, ya kifalansa.