DILONGI 41
Bible di guhosanga yigi mu mambu ma dadila guvugisa mwila?
Hadu engi, ma gwifanga mwa ufudu mu guhoshila mambu ma dadila guvugisa mwila. Gashi Bible, diguhoshilanga mu pwelele kega mu lujidu mambu ma dadila guvugisa mwila. Mambu ma guhosanga Bible mumwila yi guvugisa mwila, mena mumwila yi mapimbu medu. Mumwila Yehowa ena Ngangi wedu, kega ma gwishiyanga mambu ma guhida pimbu mumwila yi edu. Ma gudulesanga mambu ma du fe hanga mumwila mu gumusepedisa kega mambu ma gadusadisa mu gujinga mu gieshi mvula yi mvula.
1. Pila yiki Yehowa a gudadilanga guvugisa mwila?
Guvugisa mwila gwena gapu di Yehowa mumwila yi hadu o agagwela. Gapu di digusadisanga yala yi mugonusa mu gubuda ana kega gu leshilagana zola dingi mu pila yi pimbu kega yinahana gieshi. Tunda Bible di guhosanga mbi: “Wifa gieshi yi mugashi wayi u gilengi.” (Bingana 5:18, 19) Yehowa a guzolanga mbi, Mukristu yo u gamona a bombi mwila yi mugashi wendji to mulumi wendji. Agio lō a gahanga yizumba ada ki.—Danga Baebreo 13:4.
2. Pite diena yigi?
Bible diguhosanga mbi “hadu o a guhanganga pite . . . lō a gasenda Gifumu gi Nzambi.” (1 Bakorinto 6:9, 10) Hadu o a gasonigidi Bible mu Gigreki, a gahangididi ngogu porneia Mumwila mu guhoshila Pite. Ngogu yi (porneia) (1) guvugisa mwilaa yala yi mugonusa o a gakonda monagana, (2) guvugisa mwila yala yi yala to mugonusa yi mugonusa, kega (3) hadu yi ashidu. Mbi “lō du nahanga pite,” mu duguhwanga Yehowa gieshi kega mu dugusendanga mapimbu edu beni.—1 Batesalonika 4:3.
WISHIYA KEGA MAMBU MENGI
Dudadi mambu ma u fe hanga mumwila mu gudjina pite kega mapimbu ma ugasenda mbi mu nalaba gukala ukedji mu mambu ma u nayindula kega ma u nahanga.
3. Djina pite
Yozefi ma gefanga Nzambi woma. Ma gadunini guhanga pite yi mugonusa mu moshi yo u gazolanga guvugisa mwila yi ye. Dangenu Kuyantika 39:1-12, gudima hanenu mamvudu mu miwu mi:
Yigi yi gapushidi Yozefi mu gudjina pite?—Dala verse 9.
Uyindula yigi, Yozefi a gahangidi pimbu pila y’agadunini guhanga pite? Mumwilegi?
Mwaniowu, pila yiki dulengi du le laba mbandu yi Yozefi kega gudjina pite? Dalenu VIDEYO.
Yehowa a guzolanga mbi edu’akima du duni pite. Dangenu 1 Bakorinto 6:18, gudima hanenu mamvudu mu miwu mi:
Mambu meki ma le hanga mbi mudu a hangi pite?
Yigi u fe hanga mu gudjina pite?
4. Duna mambu mo ma le gugupusa mu guhanga pite
Yigi yi le hanga mbi gu gumi pashi mumwila mudu a gadudi ngindu ji guhanga pite? Dalenu VIDEYO, gudima hanenu mvudu mu muwu wu:
Pangi yala yu mu videyo, yigi a gahangidi dangu di’agabagishidi mbi mangidu mendji kega mambu mo magahanganga, mu ma gagambidi gu muneya mu guhanga yizumba?
Madangu mega ada Akristu agwigama a fe hanga gigesa mu gugadula mangindu mambí mu mabanza mowu. Yigi u fe hanga mu gugadula ngindu ji guhanga pite mu mabanza mayi? Dangenu Bafilipi 4:8, gudima hanenu mamvudu mu miwu mi:
Du fe yindulanga mambu ma pila yiki?
Pila yiki gudanga Bible kega guhanga ngolu mu gisalu gi Yehowa, gugudusadisanga mu gugadula mangindu ma mbi mo ma le gudupusa mu guhanga disumu?
5. Mashigu ma Yehowa mu ma guduneyilanga mapimbu
Yehowa wishi mambu ma guhida pimbu mumwila yi edu. Ma gudwambilanga mambu ma du fe hanga mumwila du kadi ukedji. Dangenu Bingana 7:7-27 to dalenu VIDEYO, gudima hanenu mamvudu mu miwu mi:
Yigi yi ganeyidi galengi ga mu guhanga pite?—Dala Bingana 7:8, 9.
Pila yi nalesa Bingana 7:23, 26, pite di guneyanga mapashi mengi. Mbi mu dunalaba gukala ukedji mu mambu ma dunahanga kega ma dunayindula, mapashi meki dwa konda wanagana momu?
Mbi mu dunalaba gukala ukedji mu mambu ma dunahanga kega ma dunayindula mapimbu meki du gasenda?
Hadu ega a guyindulanga mbi, mambu ma guhosanga Bible mu mambu madadila guvugisa mwila yala yi yala to mugonusa yi mugonusa, ma gulesanga mbi Nzambi lō a guzolanga hadu. Gashi lō gwena gio, mumwila Yehowa Nzambi u zola ma guzolanga mbi, hadu a kima ajingi mu gieshi mvula yi mvula. Mumwila mu gujinga mvula yi mvula du fe jidjisa mashigu ma Nzambi. Dangenu 1 Bakorinto 6:9-11, gudima hanenu mvudu mu muwu wu:
Gadula guvugisa mwila yala yi yala to mugonusa yi mugonusa, mambu meki kega Nzambi a gudunisanga?
Mu gusepedisa Nzambi, edu akima du fe gwega mambu ma mbi. Guhanga yigesa yi, gwena gibeni funu? Dangenu Nkunga 19:8, 11, gudima hanenu mamvudu mu miwu mi:
U yindula yigi, mashigu ma Yehowa mena pashi mu gujidjisa? Mbi gwena gio mumwilegi, mbi lō gwena gio mumwilegi?
Yehowa a gusadisanga hadu engi mu guguma gujidjisa mashigu mendji. Ayi kega, m’agusadisa
HADU EGA ENI GUHOSA MBI: “Mbi hadu mbadi o a gazolana ma bomba mwila lō gwena mbi.”
Ayi, yigi u le hosa?
MU KUFI
Guvugisa mwila gwena gapu di Yehowa mumwila yi hadu o a gagwelana, mu gu’ahwa gieshi.
Mvudugilu
Pite di nadendula yigi?
Yigi du fe hanga mu gudjina pite?
Mapimbu meki du gusendanga dangu di dugujidjisanga mashigu ma Yehowa?
DALA KEGA
Dala mumwilegi Nzambi a guzolanga mbi yala yi mugonusa, o anazola gujinga gihani gi moshi a gwelani.
“Bible di guhosanga yigi mumwila yi lujingu lu gimagangu?” (Disolu dio diena mu jw.org)
Bible di guhosanga mbi, guvugisa mwila yala yi yala to mugonusa yi mugonusa gwena mbi. Gunadendula mbi du fe menga hadu o a guhanganga gio?
“Guvugisa mwila yala yi yala to mugonusa yi mugonusa gwena mbi?” (Disolu dio diena mu jw.org)
Dala pila manshigu ma Nzambi mumwila yi mambu makima madadila guvugisa mwila ma gududaninanga.
“Gwingisa ginama gi gubudjila mu ganu gwena gibeni guvugisa mwila?” (Disolu dio diena mu jw.org)
Mu disolu “A gapangididi mambu mu lujidu,” dala mambu ma gasadishidi yala mu moshi yo u gabombanga mwila yi amala ega, mu gwega gigalulu gi mumwila a sepidishi Nzambi.
“Bible mu di gusobanga lujingu lu hadu” (Nzozulu ya Nkengi 01/04/2011)
a Ngogu porneia yinadendula kega mambu mambi ma pila yi pila. Mumbandu, gwingisa ginama gi gubudjila mu ganu, guvugisa mwila gu ginama gi gunenina, kega gugama-gama ginama gi gubudjila gi mudu mwega yo ukonda mulumi wayi to mugashi wayi mumwila mu gwifa gieshi gio gi gugaduganga mu guvugisa mwila.