DILONGI 42
Bible di guhosanga yigi mu mambu ma dadila magwela yi gukonda gugwela?
Mu yihani yingi, hadu engi a guyindulanga mbi mudu mu gukala mu gieshi a fe gwela gaga. Ada gio, lō gwena gigidi, mumwila gwena yi hadu engi a gamona, gashi lō a gukalanga mu gieshi, kega gwena yi hadu engi o a gakonda mona gashi magukalanga mu gieshi. Gu gigidi, Bible di guhosanga mbi gugwela kega gukonda gugwela, gwena gapu di Nzambi.
1. Yigi yena mapimbu ma gukonda gugwela?
Bible di ba hosa mbi: “Mudu yo u gwela a hanga pimbu, gashi mudu yo u konda gwela a hanga pimbu guhida.” (Danga 1 Bakorinto 7:32, 33, 38.) Mumwilegi mudu yo u konda gwela a “hanga pimbu guhida”? Mumwila Mukristu yo u konda gwela lō a gukalanga yi kwelani yo w’afe lungishila manzala. Tunda mbala jingi, a gukalanga gibeni yi dangu di guhanga mambu mengi. Mu mbandu, u le gwe longa sangu ji pimbu gu dimbu to gu peyi diega gukonda pashi. Gima gi guhida funu giena mbi, a gukalanga yi dangu dingi di gugumisa gindugu gienji yi Yehowa ngolu.
2. Yigi yena mapimbu ma gugwelana gu twala yi leta?
Gugwela yi gukonda gwela lō guguneyanga mapimbu ma pila yi moshi. Bible di ba hosa mbi “hadu mbadi a hida mudu mu moshi.” (Longi 4:9) Mambu ma guhangamananga gibeni pila yi, gwena Akristu o a guhangilanga minshigu mi Bible mu magwela mowu. Yala yi mugonusa mbi magwelana gwena leta, a guhanganga lushilu mbi o mbadi ma gazolagana ngolu kega ma gahanagana lujidu lujingu lowu lu kima. A gudifanga mu ludaninu guhida yala yi mugonusa yo u gujinganga nzu yimoshi gashi mu gimagangu. Kega ana a hadu o a gwelana gwena leta a gudifanga gibeni mu ludaninu.
3. Yehowa a guzolanga mbi magwela ma jingi mamvula magwi?
Dangu Yehowa a gakwedishidi yala yi mugonusa u tegu, a gahoshidi mbi: “Yala ma gega dadenji yi manji kega a gagandamana yi mugashi wenji.” (Kuyantika 2:24) Yehowa a guzolanga mbi mugashi yi mulumi a zolani kega a jingi o mbadi lujingu lowu lu kima. Yehowa a gugumbulanga mbi magwela ma fwi gaga, mbi kwelani u moshi ma hanga yizumba. Mbi yizumba mu yihangamana, Yehowa a guhwanga kwelani yo ukonda hanga yizumba mbuga mu gusola mbi m’ajiya magwela to lowu.a (Matayo 19:9) Yehowa lō a gugumbulanga mbi Mukristu a kadi yi agashi to alumi engi.—1 Timoteo 3:2.
WISHIYA KEGA MAMBU MENGI
Du dadi yigi dufe hanga mu gukala mu gieshi—kega gusepedisa Yehowa—ada du gagwela to lowu.
4. Mbi lō u gagwela hangila gapu diayi di pimbu
Yezu a gadadilanga gukonda gugwela nga gapu. (Matayo 19:11, 12) Dangenu Matayo 4:23, gu dima hanenu mvudu mu muwu wu:
Yezu lō a gagwedidi, gashi pila yigi a gahangididi gapu di mu guhangila Dadenji kega gusadisa hadu?
Nga Yezu, Akristu o a gakonda gu gwela a le kala mu gieshi kega guhangila gapu diowu di pimbu. Dalenu VIDEYO, gu dima hanenu mvudu mu muwu wu:
Pila yigi Akristu a gakonda gugwela a le hangila gapu diowu di?
Mu weni gwishiya?
Mu Bible lō gwena yi mvula y’agasa yo mudu a fe lungisa mumwila mu gugwela. Gashi di guhosanga mbi gu twala yi gugwela, mudu a fe “hidjisa tegu sungi yi gilengi,” mumwila mu dangu di manzala ma ngolu ma gubidjisagana ma le hanga mbi a kondji sola pimbu mudu yo w’agagwelana yendji.—1 Bakorinto 7:36.
5. Kala mayela dangu di uba sola mudu yo u gagwelana yendji
Gusola mudu yo u gagwelana yendji gwena kega luganu lu guhida funu. Dangenu Matayo 19:4-6, 9, gu dima hanenu mvudu mu muwu wu:
Mumwilegi Mukristu lō a fe nwanina mu gugwela?
Bible di le gusadisa mu gwishiya yigalulu yo mudu a fe kala yoyi mumwila ye mu gukala kwelani u pimbu. Gima gi guhida funu giena mbi mudu yo u ba zola gugwelana yi ye a fe zola Yehowa.b Dangenu 1 Bakorinto 7:39 yi 2 Bakorinto 6:14. Gu dima hanenu mamvudu mu miwu mi:
Mumwilegi du fe gwelana gaga yi pangi wedu Mukristu?
U ba yindula mbi Yehowa a gefa pila yigi mbi Mukristu ma gwelana yi mudu yo wena konda zola Yehowa?
Mbi ma ganda shidu mu neni yi shidu mu djigi-djigi gihani gi moshi, o mbadi ma ganioguga. Pila yimoshi kega, mbi Mukristu ma gwelana yi mudu yo wena konda sambila Yehowa, a gawanagana yi mapashi mengi
6. Jidjisa magwela mu pila Yehowa a guzolanga
Gu Izraele di tunda, amala engi a gadjiyanga wala wowu mumwila y’iguma yi konda funu. Dangenu Malaki 2:13, 14, 16, gu dima hanenu mvudu mu muwu wu:
Mumwilegi Yehowa a gumenganga gujiya wala mbi yizumba lō yihangamana?
Yizumba kega gujiya magwela, guguhwanga kwelani yo u konda hanga yizumba kega ana pashi jingi
Dalenu VIDEYO, gu dima hanenu mvudu mu muwu wu:
Mbi u gagwelana yi mudu yo wena konda sambila Yehowa, yigi u fe hanga, mumwila u jingi mu gieshi mu magwela menu?
7. Hangila minshigu mio mi gashidi Yehowa mumwila yi magwela
Gugulombanga yigesa yingi mudu mu guhangila minshigu mi gashidi Yehowa mumwila yi magwela.c Gashi Yehowa ma gusagumunanga hadu o a gumihangilanga. Dalenu VIDEYO.
Dangenu Baebreo 13:4, gu dima hanenu mamvudu mu miwu mi:
M’uba gumbula mbi minshigu mi gashidi Yehowa mumwila yi magwela miena pimbu? Mbi gio to lowu mumwilegi?
Yehowa a gulombanga Akristu mu gusonigisa magwela to gudjiya magwela mowu gwena leta, gaga pila manshigu ma mapeyi mengi ma guhosanga. Dangenu Tito 3:1 gu dima hanenu mvudu mu muwu wu:
Mbi u gamona, u gasonigisa gadi magwela mayi gwena leta?
MUDU MWEGA U LE GUGULA MBI: “Gugulombanga gaga gugwela? Yala yi mugonusa lō a le jinga mu gimagangu?”
Yigi u le mwambila?
MU KUFI
Gugwela kega gukonda gugwela gwena magapu ma Yehowa. Hadu a gagwela yi hadu o a gakonda gwela ena jinga mu gieshi mbi ma bahanga luzolu lu Yehowa.
Mvudugilu
Pila yigi mudu yo u gakonda gugwela a le hangila pimbu gapu diendji?
Mumwilegi Bible diena dulomba mu gugwelana gaga yi apangi edu Akristu?
Yigi yena giguma gi moshi buna gio Bible diena hana mbuga yi gujiya wala?
DALA KEGA
Dala mbi gugwela “gaga mu gadji di Fumu” gu ba dendula yigi?
Dala mavideyo madi ma kufi m’avugisa mo ma le gugusadisa mu gukala mayela, dangu di uba sola mud’ubazola gudalagana yendji mumwila yi magwela kega gugwelana yi ye.
Dala mumwilegi pangi yala u moshi a gahoshidi mbi yima yo yi gamuhwedi Yehowa yena funu yingi guhida yima yikima yo y’agegidi.
Dala ndambu yi mambu mo kwelani a fe dadila, gu twala yi gusenda luganu lu gudjiya magwela to lu gugabana yi kwelani wendji?
a Dala Noti 4 dio diba hoshila mambu ma le hanga mbi akwelani a gabulagani ada yizumba lō yihangamana.
b Mu yihani yega yibudji yigusolanga mugonusa to yala mumwila yi munowu. Mbi gwena gio gihani gi’ugujinganga, gima gi tegu gio yibudji yizola yigugambanga gwena gwishiya mbi mudu yo uba zola gugwela munowu ena yi gindugu gi pimbu yi Yehowa to lowu, gashi lō mbi mbongu to giyega gi mudu yo.
c Mbi u gujinganga mu gimagangu yi mudu mu moshi, ayi beni u fe sola mbi muwa gwelana yi mudu beni to muwa gabulagana yi ye.