DILONGI 48

Sola pimbu andugu ayi

W'adusa mu Papie

Mu duguzolanga guhidjisa dangu yi andugu edu a ngolu, kega mu madangu ma pashi, ma gudusadisanga. Gashi Bible di gudugebisanga mbi lō gwena mbi hadu akima ena andugu a pimbu. Pila yigi du le sola andugu a pimbu? Du dadidi mambu mo ma guhosanga Bible.

1. Andugu a dwena sola a le du pusa mu guhanga mambu ma pila yigi?

Mbala jingi, dwena guma guyindula kega guhanga mambu nga hadu’a dwena hidjisa dangu yi yowu —gukadi gimudu-gimudu to mu marezo sosio. Gashi guhanga mambu nga o gu le kala pimbu to mbi mumwila yi edu. Gwena gibeni gio, mumwila Bible diena hosa mbi, “mudu yo wena kala yi hadu a mayela, a gaguma mayela, gashi mudu yo wena gandamana yi azoba [hadu o ena konda zola Yehowa] a gasuga mbi.” (Bingana 13:20) Andugu o aguzolanga kega a gusambilanga Yehowa a le gugusadisa mu gulaba gudanina gindugu giayi yi ye kega gusenda maluganu ma pimbu. Gashi mbi mu duhanga gindugu yi hadu o ena konda gusambila Yehowa ma gadupusa mu gwega gumusambila. Tunda Bible di gudulombanga mu gusola pimbu andugu edu! Mbi andugu edu ma guzolanga Nzambi, gu gaduneyila edu yi owu mapimbu. Kega “mu dwa laba guhanagana gigesa kega gudungagana.”—1 Batesalonika 5:11.

2. Yehowa a gwifanga pila yigi mumwila yi andugu a dwena sola?

Yehowa a gusolanga pimbu gibeni andugu endji. Bible diba hosa mbi “A gudanga gindugu gi ngolu yi hadu a pimbu.” (Bingana 3:32) Pila yigi Yehowa a gudifanga mbi mu duba da gindugu yi hadu o eni konda gumu zola? A gwifanga pashi gibeni gu mudjima! (Danga Yakobo 4:4.) Gashi Yehowa a gwifanga gieshi kega a gugumanga ndugu wedu mbi mu dubaduna andugu a mbi kega muduba gandamana yi ye kega hadu o a gumuzolanga.—Nkunga 15:1-4.

WISHIYA KEGA MAMBU MENGI

Du dadi mumwilegi gwena funu mu gusola andugu a pimbu, kega pila yi u le hanga gindugu gio gi gaguneyila mapimbu mengi mu lujingu lwayi.

3. Geba mumwila yi andugu a mbi

Andugu a mbi ena hadu o ena konda guzola Nzambi yi mashigu mendji. Dalenu VIDEYO, gu dima hanenu mvudu mu muwu wu:

VIDEYO: Longuga mu guduna andugu a mbi (6:17)

Pila yigi u le guma guhidjisa dangu yi andugu a mbi gukonda gubagisa?

Dangenu 1 Bakorinto 15:33, gu dima hanenu mamvudu mu miwu mi:

Anani ena andugu a mbi mumwila yi ayi? Mumwilegi?

Dangenu Nkunga 119:63, gu dima hanenu mvudu mu muwu wu:

Mambu megi ma le gugusadisa mu gwishiya mbi mudu mu moshi ena ndugu u pimbu to lowu?

Bolu di ndumba. Lundumba lu moshi lu bola lwena mu gubenda atungu kega lwena mu guyandjiga gubodisa ndumba jega. — Lundumba lu moshi lu bola, lu le bodisa ndumba jega ji kima. Pila yigi gusenda andugu a mbi gu le bebisa yigalulu yayi yi pimbu?

4. Hadu o ena a guswaswana yi edu a le guma andugu edu a ngolu

Bible di guhoshilanga hadu mbadi a Izraele di tunda, Davidi yi Yonatani. Yonatani a gakedi mbuda u Davidi kega a gakedi mwana u todjila; ada gio, a gagumini andugu a ngolu gibeni. Dangenu 1 Samuele 18:1, gu dima hanenu mvudu mu muwu wu:

Mumwilegi lō gwena lomba gaga mbi andugu edu a kadi mvula yi moshi yi edu to mambu mowu ma lujingu ma kadi gitesu gi moshi yi edu?

Dangenu Baroma 1:11, 12, gu dima hanenu mvudu mu muwu wu:

Pila yigi andugu o aguzolanga Yehowa a guhanagananga gikesa?

Mu videyo di, dala pila pangi yala mu moshi u galengi azwa andugu mu gihani gio gi akondjidi yindula. Dalenu VIDEYO, gu dima hanenu mamvudu mu miwu mi milaba:

VIDEYO: U le zwa andugu mu gihani gio gi ukondjidi guyindula (5:06)

Mu videyo di, mumwilegi yibudji yi Akil a gadiyangisanga mumwila yi andugu o agasendjidi gu nzu-kanda yowu?
Mumwilegi Akil a gasepelanga tegu yi andugu beni?
Yigi a gahangidi mu gukonda gudifa ye beni?

5. Pila yi du le zwa andugu a pimbu

Dala pila yi u le zwa andugu a pimbu kega pila yi u le kala ayi beni ndugu u pimbu. Dala VIDEYO.

VIDEYO: Nani wena ndugu u giediga? (4:14)

Mafoto mo ma gaduga mu videyo ‘Nani wena ndugu u giediga?’ Pini mu moshi yi andugu endji o ena yi mamvula ma guswaswana, kulere di mwila di guswaswana kega o ena hanga yisalu yi guswaswana a mujungidi.

Dangenu Bingana 18:24 kega 27:17, gu dima hanenu mamvudu mu miwu mi:

Pila yigi andugu a pimbu a gusadisagananga?
Ayi kega wena yi andugu a pimbu a pila yi? Mbi lō wena yi andugu a pila yi, yigi u le hanga mu gu’azwa?

Dangenu Bafilipi 2:4, gu dima hanenu mvudu mu muwu wu:

Mu gukala yi andugu a pimbu, ayi beni u fe kala ndugu mu pimbu. Yigi u fe hanga mu gukala ndugu mu pimbu?

Gimvuga gi mafoto: Pini mu moshi yi andugu endji a ngolu sadu o esa gumudala. 1. Ena mu gusolula mu telefone yi ndugu wendji u moshi mu gadji diowu. 2. Ena mu gusolula yi pangi mugonusa mu moshi u mununu mu Nzu yi Gifumu. 3. Wedi gudala ndugu u moshi mu gadji diowu yo u fisa mudu. — Mu gukala yi andugu a pimbu, ayi beni u fe *kala* tegu ndugu u pimbu

HADU EGA ENI GUHOSA MBI: “Lō gwena mbi mu gukala ndugu u kosu mudu yo u wanagana yendji, mu gihani gi gukala ayi beni kega gukonda andugu.”

Ayi yigi u le hosa?

MU KUFI

Mbi mu dubasola pimbu andugu edu, mu dwa sepedisa Yehowa kega gu’a duneyila edu beni mapimbu.

Mvudugilu

Mumwilegi Yehowa a guzolanga mbi du sodi andugu a pimbu?
Du fe duna andugu a pila yigi?
Pila yigi u le hanga gindugu gi pimbu yi hadu o a guzolanga Yehowa?

Dati di numanisa dilongi di:

Luganu

Gamba gwishiyagana yi apangi a dibundu.

Luganu lwega:

Luganu lwayi lwega

DALA KEGA

Dala pila yigi andugu a pimbu a le dusadisa mu dangu di pashi.

“Hanga gindugu gi pimbu yi apangi gu twala mbi suga yishi” (Nzozulu ya Nkengi 11/2019)

Dala mambu ma funu ma u fe hanga mu guzwa andugu a pimbu.

“Yigi yi fe hanga mu guzwa andugu a pimbu?” (Muganda, Bangiufula ya Baleke Ke Kudiyulaka—Bamvutu ya Ta Sadisa Nge, Volime 1, kapu 8)

Dala mambu ma u fe gwishiya mumwila yi guhanga gindugu mu Internet.

Kala mayela dangu di u ba solula yi hadu mu Internet (4:12)

Mu disolu “M’igakedi gibeni yi nzala yi gukala yi dada,” dala mambu ma gapushidi yala mu moshi mu gwega andugu endji a mbi.

“Bible mu di gusobanga lujingu lu hadu” (Nzozulu ya Nkengi 1/4/2012)