¿Na tuʼun vaʼa iyo nu̱u̱-yo?

1. ¿Na tuʼun taji Yandios nu̱u̱-yo?

Yandios kúni-Ya ja ndaka ñayí kundee sii ini-ji. Sɨkɨ ja kundaʼvi tuni ini-Ya nda ñayí, ni saʼa-Ya Ñuʼun ji ndɨʼɨ ja iyo. Nduu kuaʼa ka de xnaa-Ya ndɨʼɨ ja saʼa ja iyo tundoʼo, tágua ndɨʼɨ ñayí nɨkaʼnu ñuuyɨvɨ́ koo vaʼa-ji ichi nu̱u̱. Kaʼvi-ní 1 Timoteo 6:19.

Ni̱ ɨn gobierno nchaʼa ku̱ú xnaa ñayí ndevaʼa ini, nda kue̱ʼe̱ ji ja ji̱ʼi̱. De iyo tuʼun vaʼa: jaku ka de Yandios xnaa-Ya ndɨʼɨ ñayí ja tatuni de kani̱-Ya gobierno maa-Ya. Koo sii ini ñuu Yandios chi nduu na kana̱á ka ji nduu na kukúʼu̱ ka. Kaʼvi-ní Apocalipsis (Revelación) 21:3, 4 ji 1 Corintios 15:24.

2. ¿Nakú kánuu tuni nda tuʼun yaʼa?

Tágua ma koo ka tundoʼo, jiniñuʼun ja Yandios xnaa nda ñayí ndevaʼa ini nu̱u̱ Ñuʼun (Sofonías 2:3). ¿Na tiempo ku̱ú ja yaʼa? Tutu Yandios ja̱ ni kachi ja koo ja saʼa ja kundoʼo nda ñayí kɨvɨ mita. Ndɨʼɨ tundoʼo ja iyo mita steʼen ja vakuñati kɨvɨ ñukua. Kaʼvi-ní 2 Timoteo 3:1-5.

3. ¿Naguá jiniñuʼun saʼa-yo?

Kánuu skuaʼa-yo Tutu Yandios tágua ku̱ú kutuʼva-yo sɨkɨ Yandios, chi kuu tanu ɨn carta ja ɨn ta̱tá vaʼa ini tetiñu-de nu̱u̱ nda seʼe-de. Yaʼa steʼen nu̱u̱-yo na̱sa ku̱ú kundee vaʼa-yo mita de suni na̱sa saʼa-yo tágua ku̱ú kuteku nɨkani-yo ichi nu̱u̱. Ma sú ndɨʼɨ ñayí kusii ini-ji ja skuaʼa-ní Tutu Yandios. De ma kuáʼa-ní tuʼun ja yaʼa saʼa ja nuu ini-ní, chi ɨn ja vaʼa tuni kuu tágua kuáʼa-ní tuʼun kiʼin. Kaʼvi-ní Mateo 5:10-12 ji Apocalipsis 14:6, 7.