PARTE 1

¿Na̱sa tesoʼo-yo ja kaʼan Yandios?

Yandios jatiñu-Ya Tutu-Ya tágua kaʼan-Ya nu̱u̱-yo (2 Timoteo 3:16)

Nde andɨví nu̱u̱ ndee Yandios, ni jatiñu-Ya teé tágua kate̱e̱-de Biblia

Nu̱u̱ Tutu Yandios vaji ndɨʼɨ ja jani xini-Ya. Ni jatiñu-Ya sava teé ja ni kate̱e̱ tuʼun-Ya, nu̱u̱ Tutu-Ya vaji tuʼun kánuu tuni, de kúni-Ya ja kuni-yo.

Maa Yandios kuu ja ndíchi ka, de jini-Ya naguá kuu ja vaʼa ka ja jiniñuʼun-yo. Nu tesoʼo-yo ja kaʼan-Ya, vaʼa kani ini-yo (Proverbios 1:5).

Biblia nu̱u̱ kua’a yu’u; ɨn teé ka’vi-de Biblia yu’u ñuu maa-de

Kúni-Ya ja ndɨʼɨ ñuuyɨvɨ́ kaʼvi Tutu-Ya. Ja ñukua kuu, ja yoso nu̱u̱ kuaʼa yuʼu ñuuyɨvɨ́.

Nu kúni-yo tesoʼo-yo ja kaʼan Yandios, kánuu kaʼvi-yo Tutu-Ya ji jakuʼun vaʼa ini-yo.

Kuaʼa ñayí nɨɨ ñuuyɨvɨ́ tesoʼo ja kaʼan Yandios (Mateo 28:19)

Ɨn testigo Jeová ka’vi-de ɨn texto Biblia nu̱u̱ ɨn teé ta ni kuu de skua’a-de jín teé ya’a

Nda testigo Jeová kuu chindee de-ní ja jakuʼun ini-ní tuʼun Yandios.

Ndaka-de steʼen tuʼun nda̱a̱ Yandios nɨɨ ñuuyɨvɨ́.

Ɨn reunión nu̱u̱ Salón del Reino nda testigo Jeová

Ku̱ú kutuʼva ka-ní nu kiʼin-ní nu̱u̱ ndututu nda testigo Jeová. Nduu jikan nda-de xu̱ʼún.