PARTE 4

¿Naguá ni nkuu ja ni kandija Adán ji Eva nu̱u̱ Tachi Juʼvi?

Adán ji Eva ni ji̱ʼi̱ ja sɨkɨ ja nduu ni kandija nu̱u̱ Yandios (Génesis 3:6, 23)

Eva yaji-ña ja víxi ja ni kachi Yandios ja ma kaji-ña de ta ni kuu de je’e-ña nu̱u̱ Adán

Eva ni kandija ja ni kaʼan Tachi Juʼvi de ni yaji-ña ja víxi ja ni kachi-Ya ja ma kaji-ña. Ñukua de jeʼe-ña ja víxi yaʼa nu̱u̱ Adán, de suni ni yaji-de.

Kee Adán ji Eva nu̱u̱ ni ndee nda-de, ñu’un vii

Nduu ni iyo vaʼa ja ni saʼa ndɨnduu-de: ɨn kuachi kaʼnu ni kuu. Ñukua kuu ja Yandios ni tava̱-Ya Adán ji Eva nu̱u̱ Ñuʼun Vii yaʼa.

Tundoʼo xée̱n ni iyo nu̱u̱ ndɨnduu-de ji nu̱u̱ nda seʼe-de. Ta ni ya̱ʼa kuiya de ni yɨɨ-de de ni ji̱ʼi̱ nda-de. Nduu kuaʼan nda-de andɨvɨ́, ni naa ndɨʼɨ nda-de.

Ñuʼun ndu̱u̱ ñayí ji̱ʼi̱ de nduu naguá kuu saʼa nda (Génesis 3:19)

Ñayí sin sin ñuu ja ka ndee sin sin tiempo

Ndɨʼɨ nda-yo kuu seʼe Adán ji Eva. Ja ñukua kuu ja suni ji̱ʼi̱-yo. Nda ndɨyɨ nduu kuu kundeʼe, nduu tesoʼo nda ni nduu kuu satiñu nda (Eclesiastés 9:5, 10).

Ji̱ʼi̱ ɨn suchi kuachi de jaaku nda ta’an-ji ja ni ji̱ʼi̱-ji

Jeová nduu ni kúni-Ya ja kúu̱ ñayí. Nduu ka kuaʼa ka de nasteku-Ya nda ndɨyɨ. De nu kandija nda nu̱u̱-Ya, ma kúu̱ ka nda. Kuteku nɨkani nda.