¿A ku̱ú nateku nda ñayí ni ji̱ʼi̱?

JA KACHI TUTU YANDIOS

“Nateku nda ndɨyɨ.” (Hechos 24:15, Nuevo Testamento en Mixteco de Ocotepec.)

NA̱SA CHINDEE NU̱U̱-YO NU KUNI-YO NDA TUʼUN YAʼA

Ndaniʼi-yo tuʼun ndeé ini nu nde ɨn taʼan-yo kúu̱ (2 Corintios 1:3, 4).

Ma kuyu̱ʼú-yo kúu̱-yo (Hebreos 2:15).

Ku̱ú kundetu ndija-yo ja naketaʼan-yo jín nda taʼan-yo ja ni ji̱ʼi̱ (Juan 5:28, 29).

¿A KUU KANDIJA-YO JA KAʼAN TUTU YANDIOS?

Kuu, chi iyo uni tuʼun:

• Yandios kuu ja saʼa ja teku-yo. Tutu Yandios kachi ja Jeová kuu ja“saʼa ja teku ñayí” (Hechos 17:24, 25). Nu maa Jeová ni saʼa-Ya ja teku ndɨʼɨ ñayí ji kɨtɨ, ku̱ú saʼa-Ya ja nateku nda ñayí ja ni ji̱ʼi̱.

• Yandios ni nasteku-Ya ñayí kɨvɨ janaʼán. Tutu Yandios ndakani ja ni iyo una̱ ñayí ja ni nateku nu̱u̱ ñuʼun yaʼa kuu ñaʼan ji teé ja sin sin kuiya. Sava nda ñayí yaʼa nchaʼa ni kuu kuaʼa hora ja ni ji̱ʼi̱-ji, de suni kachi ja ni iyo ɨn teé ja ni kuu kumi kɨvɨ ja ni ji̱ʼi̱-de (Juan 11:39-44).

• Yandios kuu ini-Ya nasteku-Ya nda ndɨyɨ. Jeová kɨtɨ̱ ini-Ya jín ja ji̱ʼi̱. Chi kuu ɨn enemigo-Ya (1 Corintios 15:26). Kuu ini-Ya xnaa-Ya ja ji̱ʼi̱ ñayí, de saʼa-Ya tiñu yaʼa kɨvɨ nasteku-Ya nda ndɨyɨ ichi nu̱u̱. Kuu ini-Ya ja na nateku nda ñayí ja ñuʼun xini-Ya tágua ka kundee nu̱u̱ ñuʼun yaʼa (Job 14:14, 15).