LECCIÓN 08
Maa-ní kuu kitaʼan ini-ní jín Jeová
Jeová kúni-Ya ja kuni vaʼa ka-ní nu̱u̱-Ya. ¿Nakú? Chi maa-Ya ñúʼun ini-Ya ja kuu kitaʼan ini-ní jín-Ya nú kuni vaʼa ka-ní—nda ja vaʼa ini-Ya, ta saʼa-Ya tiñu—ji ja kúni-Ya ja ku̱ú nu̱u̱-ní. ¿A kuu ndija kitaʼan ini-ní jín Yandios? (Kaʼvi-ní Salmo 25:14, TNM). ¿Naguá kuu saʼa maa-ní tágua kuu kitaʼan ini-ní jín-Ya? Biblia xndikó nda tuʼun yaʼa nu̱u̱-yo de kachi nakú ja kitaʼan ini-yo jín Jeová kuu ɨn ja vaʼa tuni ka ja kuu kunevaʼa-ní.
1. ¿Naguá kúni Jeová ja saʼa-ní?
“Ma̱ni̱ ca̱ coo ro jíín Ya̱a̱ Dios, de víʼí ca̱ stéʼe̱n ya̱ ja̱ ma̱ni̱ ya̱ jíín ro” (Santiago 4:8). ¿Naguá kúni kaʼan nda tuʼun yaʼa? Ja Jeová kúni-Ya ja kitaʼan ini-ní jín-Ya. Sanaa víjin kuu nu̱u̱ sava nda ñayí kani xini-ji ja kitaʼan ini-ji jín ɨn ñayí ja nduu ndeʼe-ji, de viʼi ka nú jín Yandios. De maa-Ya ni chisó-Ya Tuʼun-Ya, nu̱u̱ Biblia, ndɨʼɨ ja jiniñuʼun-yo tágua kuni-yo ndɨʼɨ ja vaʼa ini-Ya tágua kuñati-yo nu̱u̱-Ya. Ta kaʼvi-yo nu̱u̱ Biblia Tuʼun Yandios ja kúni-Ya kaʼan-Ya nu̱u̱-yo, ja kitaʼan ini-yo jín Jeová ndu̱u̱ ndakui ka vese nduu ndeʼe yoʼo-Ya.
2. ¿Nakú Jeová kuu ɨn ñayí ja vaʼa tuni ka kitaʼan ini jín-ní?
Jeová kutoo tuni ka-Ya maa-ní. Maa-Ya kúni-Ya ja koo sii ini-ní ji ja niini kuñati-ní nu̱u̱-Ya ta jiniñuʼun-ní Ya̱a̱. Nda̱cá ja̱ “nácani ndasí ini̱ ro si̱qui̱, de chiʼi ro ndaʼá maá ya̱” de maá ya̱ coto, chi jito ya̱ ndá ro (1 Pedro 5:7). Jeová niini iyo tuʼva-Ya tágua kunini-Ya, kaʼan-Ya tuʼun ndeé ini ji chíndeé-Ya nu̱u̱ nda ñayí kitaʼan ini jín-Ya (kaʼvi-ní Salmo 94:18, 19, TNM).
3. ¿Naguá ndetu Jeová nu̱u̱ nda ñayí ja kitaʼan ini jín-Ya?
Jeová kutoo-Ya nu̱u̱ ndɨʼɨ kuiti̱ nda ñayí, de “vaʼa tuni kitaʼan ini-Ya jín nda ñayí nda̱a̱ ini” (Proverbios 3:32, TNM). Jeová ndetu-Ya ja nda ñayí kitaʼan ini jín-Ya ka ndukundeé-ji tágua saʼa-ji tiñu vaʼa de ma saʼa-ji tiñu nduu iyo vaʼa. Sanaa sava-ji kani xini-ji ja ma kuu kuiti̱ saʼa-ji ja kúni-Ya. De maa-Ya jakuʼun ini-Ya de jetaʼvi-Ya nda ñayí ja kutoo ndija-ji Ya̱a̱ ji ka chuʼun ini-ji tágua saʼa sii ini-ji Ya̱a̱ (Salmo 147:11, TNM; Hechos 10:34, 35).
NÁ KUTUʼVA KA-YO SƗKƗ TUʼUN YAʼA
Ná kutuʼva ka-yo na̱sa kuu kitaʼan ini-yo jín Jeová ji nakú maa-Ya kuu ja vaʼa tuni ka ja kitaʼan jín-yo.
4. Abrahán ni kuu-de amigo Jeová
Tuʼun nakani Biblia sɨkɨ Abrahán (suni ja nani Abrán) steʼen nu̱u̱-yo naguá jiniñuʼun saʼa-yo tágua kuu kitaʼan ini-yo jín Yandios. Ka kaʼvi-ní sɨkɨ Abrahán nu̱u̱ Génesis 12:1-4, TNM de ka ndatuʼun-ní sɨkɨ nda tuʼun yaʼa:
¿Naguá ni jikan Jeová nu̱u̱ Abrahán?
¿Naguá ni kachi Jeová ja kuáʼa-Ya?
¿Naguá ni saʼa Abrahán ta ni nini-de tuʼun ja ni tatuni Jeová?
5. Ja jikan Jeová nu̱u̱ nda ñayí ja kitaʼan ini jín-Ya
Ja nda̱a̱ niini ndetu-yo ja vaʼa nu̱u̱ nda ñayí ja kitaʼan ini jín-yo.
¿Naguá ndetu maa-ní nu̱u̱ nda ñayí ja kitaʼan ini jín-ní?
Ka kaʼvi-ní 1 Juan 5:3 de ka ndatuʼun-ní sɨkɨ nda tuʼun yaʼa:
¿Naguá ndetu Jeová nu̱u̱ nda ñayí ja kitaʼan ini jín-Ya?
Tágua kandija-yo nu̱u̱ Jeová, sanaa jiniñuʼun sa̱ma-yo ini-yo ji na̱sa saʼa-yo tiñu. Ka kaʼvi-ní Isaías 48:17, 18, TNM de ka ndatuʼun-ní sɨkɨ nda tuʼun yaʼa:
¿Nakú jikan Jeová nu̱u̱ nda ñayí ja kitaʼan ini jín-Ya tágua sa̱ma-ji?
Ɨn ñayí ja kitaʼan ini jín-yo xnúku̱ʼun ini-ji yoʼo naguá jiniñuʼun saʼa-yo tágua ma ndoʼo-yo tundoʼo de koo vaʼa-yo. Jeová suni sukua saʼa-Ya jín nda ñayí ja kitaʼan ini jín-Ya.
6. Ja saʼa Jeová nu̱u̱ nda ñayí ja kitaʼan ini jín-Ya
Jeová chíndeé-Ya nu̱u̱ nda ñayí ja kitaʼan ini jín-Ya tágua kundeé-ji nu̱u̱ nda tundoʼo. Ka kundeʼe-ní VIDEO de ka ndatuʼun-ní sɨkɨ nda tuʼun yaʼa:
¿Na̱sa ni chindeé Jeová nu̱u̱ ñaʼan ja kee nu̱u̱ video tágua kundeé-ña nu̱u̱ tundoʼo ja nuu ini-ña?
Ka kaʼvi-ní Isaías 41:10, 13, TNM de ka ndatuʼun-ní sɨkɨ nda tuʼun yaʼa:
¿Naguá kachi Jeová ja saʼa-Ya nu̱u̱ ndɨʼɨ nda ñayí ja kitaʼan ini jín-Ya?
¿A jani ini maa-ní ja Jeová kuu kuu-Ya ɨn ñayí ja kuu kitaʼan ini jín yoʼo? ¿De nakú?
Ñayí kitaʼan ini ndija-ji jín yoʼo iyo tuʼva-ji ta jiniñuʼun yoʼo-ji. Jeová suni sukua saʼa-Ya jín maa-ní.
7. Nú kitaʼan ini-yo jín Jeová kánuu ja ndatuʼun-yo jín-Ya
Ja kitaʼan ini-yo jín nda ñayí kuu kutú ka ta ndatuʼun-yo jín nda-ji. Ka kaʼvi-ní Salmo 86:6, 11, TNM de ka ndatuʼun-ní sɨkɨ nda tuʼun yaʼa:
¿Na̱sa kuu ndatuʼun-yo jín Jeová?
¿Na̱sa ndatuʼun Jeová jín nda-yo?
Nda-yo nda tuʼun-yo jín Jeová ta saʼa-yo sáʼan, de maa-Ya kaʼan-Ya nu̱u̱-yo ta kaʼvi-yo Biblia.
JA KACHI SAVA NDA ÑAYÍ: “Ma sú ja nda̱a̱ kuu ja kuu kitaʼan ini-yo jín Yandios”.
¿Na texto kuu kuatiñu-yo tágua steʼen-yo ja kuu kitaʼan ini-yo jín Jeová?
JA NI KUTUʼVA-YO
Jeová kúni-Ya ja kitaʼan ini-ní jín-Ya de chindeé-Ya nu̱u̱-ní tágua kuu kuñati-ní nu̱u̱-Ya.
Tuʼun núku̱n ini
¿Na̱sa chíndeé Jeová nu̱u̱ nda ñayí ja kitaʼan ini jín-Ya?
¿Nakú kachi Jeová nu̱u̱ nda ñayí ja kitaʼan ini jín-Ya ja sa̱ma-ji?
¿A káʼán-ní ja Jeová jikan kuaʼa-Ya nu̱u̱ nda ñayí ja kitaʼan ini jín-Ya? ¿Nakú jani ini-ní sukua?
NU̱U̱ NDANIʼI KA-NÍ TUʼUN
¿Na ja vaʼa ni̱ʼi̱n-ní nú kitaʼan ini-ní jín Yandios?
“Jeová, ɨn Yandios ja vaʼa tuni ja kuu kuni-yo” (La Atalaya, 15, febrero, 2003)
Kutuʼva-ní kitaʼan ini-ní jín Yandios.
Kutuʼva-ní na sɨkɨ kuu ja kachi ɨn ñaʼan ja kitaʼan ini-ña jín Jeová ni saʼa ja ni ka̱ku-ña.
“¡Maa-sa nduu ni kúni-sa kúu̱-sa!” (La Atalaya, núm. 1 2017)
Kundeʼe-ní ja ka kachi sava nda suchí kua̱chi sɨkɨ Jeová.