LECCIÓN 21
¿Na̱sa steʼen nda tuʼun vaʼa kɨvɨ mita?
Jaku ka de Jeová xnaa ndɨʼɨ-Ya nda tundoʼo ja iyo nu̱u̱ ñuuyɨvɨ́ de kuatiñu-Ya Reino-Ya. ¡¿De a nakú ma ndakani-yo nu̱u̱ nda ñayí nda tuʼun vaʼa tuni yaʼa?! Jesús ni kúni-de ja nda̱ká ñayí ni ndiki̱ nu̱u̱-de ka kaʼan-ji tuʼun yaʼa nu̱u̱ níí ñuuyɨvɨ́ (Mateo 28:19, 20). ¿Naguá kuu ja ka saʼa nda testigo Jeová tágua ka kandija-de tuʼun tatuni Jesús?
1. ¿Na̱sa kunda̱a̱ mita ja kachi Mateo 24:14?
Jesús ni kachi-de: “De tu̱ʼun va̱ʼa yáʼá ja̱ na̱sa tátúni̱ Ya̱a̱ Dios, cu̱te̱ nuu níí cáʼnú ñayi̱ví” (Mateo 24:14). Nda testigo Jeová ka kusii tuni ini-sa ka satiñu-sa nu̱u̱ tiñu kánuu tuni yaʼa. Ka kaʼan-sa nda tuʼun vaʼa nu̱u̱ níí ñuuyɨvɨ́ nu̱u̱ viʼi ka 1.000 yuʼu. Jiniñuʼun ka chuʼun ini-sa ji ka satuʼva-sa tágua ka satiñu-sa nu̱u̱ tiñu kánuu tuni yaʼa. De kuu ka saʼa-sa tiñu yaʼa sɨkɨ ja chíndeé Jeová nu̱u̱ nda-sa.
2. ¿Naguá saʼa tágua kuu kaʼan Tuʼun Yandios nu̱u̱ nda ñayí?
Kaʼan Tuʼun Yandios vaʼani̱ nu̱u̱ iyo nda ñayí. De, tanu ni ka saʼa nda cristiano siglo xinañuʼun, jaʼan nu̱u̱ “nda̱cá veʼe” (Hechos 5:42). De saʼa sukua tágua kuu kaʼan nu̱u̱ kuaʼa millón ñayí nu̱u̱ kuiya ji kuiya. De, sɨkɨ ja iyo ji̱chi ja nda ñayí nduu iyo-ji veʼe-ji, suni kaʼan Tuʼun Yandios nu̱u̱ iyo kuaʼa nda ñayí. De niini ndukundeé na̱sa kuu kaʼan nu̱u̱ nda ñayí sɨkɨ Jeová ji ja jani ini-Ya ja saʼa-Ya.
3. ¿Nde ɨn kuu ja jiniñuʼun kaʼan nda tuʼun vaʼa yaʼa?
Ndɨʼɨ nda ñayí ja ka kuu-ji cristiano nda̱a̱ jiniñuʼun ka kaʼan-ji nda tuʼun vaʼa. De kuu ɨn tiñu kánuu tuni nu̱u̱ nda-yo. Chuʼun ini-yo kaʼan-yo Tuʼun Yandios chi ñukua saʼa ja ka̱ku nda ñayí (kaʼvi-ní 1 Timoteo 4:16). Ni ɨn ñayí nduu chunaa-ji nu̱u̱-yo ja ka saʼa-yo tiñu yaʼa, chi Biblia kachi: “Sukua ni̱ ni ka níʼi̱n-ro de suni sukua ni̱ ka kuáʼa-ro” (Mateo 10:7, 8, TNM). De, vese ma sú ndɨʼɨ ñayí nini, nduu sndoo̱-yo ja steʼen-yo Tuʼun-Ya chi sukua chiñuʼun-yo Jeová de saʼa sii-yo ini-Ya.
NÁ KUTUʼVA KA-YO SƗKƗ TUʼUN YAʼA
Ná kundeʼe-yo ndɨʼɨ ja ka saʼa nda testigo Jeová tágua steʼen-yo Tuʼun Yandios nu̱u̱ níí ñuuyɨvɨ́ ji na̱sa chíndeé Jeová nu̱u̱-yo.
Kaʼan-yo Tuʼun Yandios nu̱u̱ níí ñuuyɨvɨ́: A) Costa Rica; B) Estados Unidos; C) Benín; D) Tailandia; E) Yap (Micronesia); F) Suecia.
4. Ka chuʼun ini-yo tágua kaʼan-yo nu̱u̱ ndɨʼɨ ñayí
Nda-yo testigo Jeová ka chuʼun tuni ini-yo tágua kaʼan-yo nda tuʼun vaʼa nu̱u̱ ñayí vaʼani̱ ndenu ka iyo-ji. Ka kundeʼe-ní VIDEO de ka ndatuʼun-ní sɨkɨ nda tuʼun yaʼa:
¿Naguá kuu ja taʼa̱n ka ini-ní ja ka saʼa nda-sa testigo Jeová tágua ka kaʼan-sa Tuʼun Yandios?
Ka kaʼvi-ní Mateo 22:39 ji Romanos 10:13-15, de ka ndatuʼun-ní sɨkɨ nda tuʼun yaʼa:
¿Ta kaʼan-yo Tuʼun Yandios na̱sa steʼen-yo ja kundaʼvi ini-yo nda ñayí?
¿Na̱sa ndeʼe Jeová nu̱u̱ nda ñayí ja kaʼan nda tuʼun vaʼa? (Ka kundeʼe-ní versículo 15).
5. Chíndeé taʼan-yo jín Yandios
Iyo ja steʼen ja maa Jeová kuu ja chuʼun ichí nu̱u̱-yo ja kaʼan-yo Tuʼun Yandios. Ná kundeʼe-yo ja ni kuu nu̱u̱ ñuu Nueva Zelanda. Ɨn jañíni, ɨn Testigo ja nani Paul ni kaʼan-de Tuʼun Yandios nu̱u̱ veʼe veʼe de ni ndaniʼi-de ɨn ñaʼan. Nu̱u̱ néʼe kɨvɨ ñukua, ñaʼan ñukua ni saʼa-ña ɨn sáʼan nu̱u̱ Yandios de ni jatiñu-ña sɨvɨ-Ya, Jeová, de ni jikan-ña ja ɨn ñayí chindeé nu̱u̱-ña tágua kuni vaʼa ka ña-Ya. “De ta ni ya̱ʼa uni hora —kachi Paul—, de ni skajan-sa yuʼu vieʼe-ña”.
Ka kaʼvi-ní 1 Corintios 3:9 de ka ndatuʼun-ní sɨkɨ nda tuʼun yaʼa:
¿Na̱sa steʼen ja ni kuu yaʼa ja Jeová kuu ja chuʼun ichí ja kaʼan-yo Tuʼun Yandios?
Ka kaʼvi-ní Hechos 1:8 de ka ndatuʼun-ní sɨkɨ nda tuʼun yaʼa:
¿Nakú jiniñuʼun-yo ja Jeová chíndeé-Ya yoʼo tágua kuu kaʼan-yo Tuʼun-Ya?
¿A jíni̱-ní?
Nu̱u̱ reunión ja iyo sava semana nɨkani steʼen nu̱u̱-yo tágua kaʼan-yo Tuʼun Yandios. Nú ja jaʼan-ní nu̱u̱ nda reunión yaʼa, ¿na̱sa ndeʼe-ní nda tuʼun satuʼva nu̱u̱ nda-sa?
6. Ta kaʼan-yo Tuʼun Yandios kandija-yo tuʼun ja tatuni-Ya
Nu̱u̱ siglo xinañuʼun, nda teé ja ndeʼe juʼvi nu̱u̱ nda ñayí ja ni ndiki̱ Jesús ni ka kúni-ji kasi̱-ji ja kaʼan nda-de Tuʼun Yandios. Nda cristiano xinañuʼun ni ka nama-de ja kuu ka kaʼan-de Tuʼun Yandios ta ni ka “jaki̱n nda-de nda tuʼun vaʼa” (Filipenses 1:7, TNM). Kɨvɨ mita, nda testigo Jeová suni sukua saʼa-yo.a
Ka kaʼvi-ní Hechos 5:27-42, TNM de ka ndatuʼun-ní sɨkɨ nda tuʼun yaʼa:
¿Nakú ma sndoo̱-yo ja kaʼan-yo Tuʼun Yandios? (Ka kundeʼe-ní nda versículo 29, 38 ji 39).
JA KA JIKATUʼUN SAVA NDA ÑAYÍ: “¿Nakú jaʼan koo nda testigo Jeová nu̱u̱ veʼe ji veʼe?”.
¿Na̱sa kachi-ní?
JA NI KUTUʼVA-YO
Jesús ni tetiñu-de nda ñayí ndiki̱ nu̱u̱-de tágua ka kaʼan-ji nda tuʼun vaʼa nu̱u̱ nda̱ká ñuu. Jeová chíndeé-Ya ñuu-Ya tágua kuu ka saʼa-ji tiñu yaʼa.
Tuʼun núku̱ʼun ini
¿Naguá kuu ja saʼa tágua kuu kaʼan tuʼun vaʼa nu̱u̱ níí ñuuyɨvɨ́?
¿Ta kaʼan-yo Tuʼun Yandios na̱sa steʼen-yo ja kundaʼvi ini-yo nda ñayí?
¿A káʼán maa-ní ja tiñu kaʼan Tuʼun Yandios kuu ɨn tiñu ja kuu saʼa ja koo sii ini-yo? ¿Nakú?
NU̱U̱ NDANIʼI KA-NÍ TUʼUN
Kundeʼe-ní na̱sa ka kaʼan nda testigo Jeová Tuʼun Yandios nu̱u̱ nda ñuu naʼnu.
Kaʼan Tuʼun Yandios nu̱u̱ nda ñuu naʼnu tanu nu̱u̱ París (5:11)
¿Na̱sa ka saʼa nda testigo Jeová tágua ka kaʼan-de nu̱u̱ nda ñayí ja kee nu̱u̱ ñuu-ji ja sɨkɨ ja kana̱á?
Ka steʼen-yo Tuʼun Yandios nu̱u̱ nda ñayí ja kee-ji nu̱u̱ ñuu-ji ja sɨkɨ ja kana̱á (5:59)
Kundeʼe-ní na̱sa ɨn ñaʼan ja satiñu tuni-ña nu̱u̱ Yandios ndee sii ini-ña.
Kundeʼe-ní na̱sa nda testigo Jeová ni ka níʼi̱n-de tuʼun nu̱u̱ nda teé ndíso tiñu tágua kuu ka kaʼan-de nda tuʼun vaʼa.
a Yandios kuu ja tetiñu yoʼo tágua kaʼan-yo Tuʼun-Ya. Ja ñukua kuu ja nda-yo testigo Jeová tágua kuu kaʼan-yo Tuʼun Yandios nduu jiniñuʼun-yo ja nda teé ndíso tiñu ka kuáʼa-de tuʼun.