LECCIÓN 30
¡Nda taʼan-ní ja ni ji̱ʼi̱ kuu ka xndikó-ji ka nateku-ji!
Ja ji̱ʼi̱ saʼa ja kukuéká tuni ini-yo. Ñukua kuu ja Biblia kachi-ji ja ji̱ʼi̱ kuu ɨn enemigo (1 Corintios 15:26). Nu̱u̱ lección 27, ni kutuʼva-ní ja Jeová xnaa-Ya enemigo yaʼa. ¿Naguá kuu jín ñayí ja ni ka ji̱ʼi̱? Nu̱u̱ lección yaʼa, kutuʼva-ní ɨn tuʼun kánuu tuni ja kachi Jeová: maa-Ya nasteku-Ya kuaʼa millón nda ñayí tágua kuteku sii ini-ji nɨkani. ¡Kuu ka nateku-ji! ¿A kuu nda̱a̱ tuʼun yaʼa? ¿A ka nateku-ji nu̱u̱ andɨvɨ́, axi nu̱u̱ Ñuʼun?
1. ¿Naguá kúni saʼa Jeová jín nda taʼan-yo ja ni ka ji̱ʼi̱?
Jeová ja nda̱a̱ kúni-Ya nasteku-Ya nda ñayí ja ni ka ji̱ʼi̱. Job, ni kuu-de ɨn teé ja ni nevaʼa kuaʼa fe, ni ñúʼun kají ini-de ja Yandios ma naa ini-Ya ta kúu̱-de ji ta yi̱nee-de “nu̱u̱ Yavi”. Ni kachi-de nu̱u̱ Yandios: “Maa-ro ka̱na-ro de xndikó-ni tuʼun” (kaʼvi-ní Job 14:13-15, TNM).
2. ¿Na̱sa jíni̱-yo ja nda ndɨyɨ kuu ka nateku-ji?
Ta Jesús ni iyo-de nu̱u̱ Ñuʼun, Yandios ni jeʼe-Ya poder nu̱u̱-de tágua nasteku-de nda ñayí. Ja ñukua kuu ja Jesús ni nasteku-de ɨn ñaʼan suchí ja iyo 12 kuiya ji ɨn seʼe yɨɨ́ ñaʼan ja ni ji̱ʼi̱ yɨɨ́-ña (Marcos 5:41, 42; Lucas 7:12-15). De ichi nu̱u̱ ka amigo-de Lázaro ni ji̱ʼi̱-de. De, vese iyo kumi kɨvɨ ja ni ji̱ʼi̱-de ji ja ni yiyuʼu̱-de, Jesús ni nasteku de-ji. Ta ni saʼa-de sáʼan nu̱u̱ Yandios, de ni ndeʼe-de nu̱u̱ yavi ji ni ka̱na-de: “¡Lázaro, quee!”. “De ni̱ nquee-ni te̱e ja̱ ní ji̱ʼi̱”, ¡de teku-de! (Juan 11:43, 44). ¿A jani ini-ní na̱sa ni ka kusii ini ñayí veʼe jín nda amigo Lázaro?
3. ¿A nateku nda taʼan-ní ja ni ka ji̱ʼi̱?
Biblia kachi “ja̱ natecu̱ ndá ndi̱yi,” (Hechos 24:15). Nda ñayí ja ni nasteku Jesús nduu ni ka jaʼan-ji andɨvɨ́ (Juan 3:13). Ndɨʼɨ-ji ni ka kusii ini ja ni ka nateku-ji nu̱u̱ Ñuʼun. Tanu ni kuu kɨvɨ ichi yáta̱, jaku ka de Jesús nasteku-de kuaʼa millón nda ñayí tágua ka koo sii ini-ji nɨkani nu̱u̱ Ñuʼun vii. Maa-de ni kachi “ja̱ nda̱cá ndi̱yi [...] yíyuʼu̱ ji” —yaʼa kúni kaʼan, nda ñayí ja núku̱ʼun ini maa Yandios— nateku-ji, suni nda̱ká-ji ja ni ɨn ñayí nduu ndaka̱ʼa̱n (Juan 5:28, 29, nota).
NÁ KUTUʼVA KA-YO SƗKƗ TUʼUN YAʼA
Ná kundeʼe-yo nda tuʼun ja kachi Biblia ja nda ndɨyɨ kuu nateku-ji de kuu nda̱a̱ tuʼun yaʼa. Ji kundeʼe-yo ja taji tuʼun ndeé ini ja nateku nda ndɨyɨ.
4. Jesús ni steʼen-de ja kuu nasteku-de nda ndɨyɨ
Kutuʼva ka-ní ja ni saʼa Jesús sɨkɨ amigo-de Lázaro. Ka kaʼvi-ní Juan 11:14 ji 38-44, de ka ndatuʼun-ní sɨkɨ nda tuʼun yaʼa:
¿Na̱sa jíni̱-yo ja Lázaro ni ji̱ʼi ndija-de? (Ka kundeʼe-ní versículo 39).
Nú ni jaʼan Lázaro andɨvɨ́, ¿a káʼán-ní ja Jesús ni saʼa-de ja vaʼa ja xndikó tuku-de Lázaro nu̱u̱ Ñuʼun?
5. ¡Kuaʼa tuni ñayí kuu ka nateku-ji!
Ka kaʼvi-ní Salmo 37:29, TNM de ka ndatuʼun-ní sɨkɨ nda tuʼun yaʼa:
¿Ndenu kundee kuaʼa millón ñayí ja ka nateku-ji?
Ma sú ni̱ ñayí ja ni chiñuʼun Jeová nasteku Jesús; suni nasteku-de nu̱u̱ kuaʼa ka ñayí. Ka kaʼvi-ní Hechos 24:15 de ka ndatuʼun-ní sɨkɨ nda tuʼun yaʼa:
Ta kenda ja nateku nda ñayí, ¿nde ɨn taʼa̱n ini-ní kundeʼe-ní?
Kani xini-ní ja yaʼa: nduu víjin kuu nu̱u̱ Jesús ja nasteku-de nda ñayí kuu tanu saʼa ɨn ta̱tá ja sndóto-de nu̱u̱ seʼe yɨɨ́-de.
6. Ja nateku kuu taji tuʼun ndeé ini
Ja nakani Biblia sɨkɨ seʼe síʼí Jairo chíndeé ji jeʼe tuʼun ndeé ini nu̱u̱ kuaʼa ñayí ja ni ji̱ʼi̱ taʼan-ji. Ka kaʼvi-ní tuʼun nda̱a̱ ja ni kuu nu̱u̱ Lucas 8:40-42 ji 49-56.
Ta nchaʼa nasteku Jesús seʼe síʼí Jairo ni kachi-de: “Ma̱ cúyu̱ʼú ro, chi candíja nú-ni” (ka kundeʼe-ní versículo 50). ¿Na̱sa kuu chíndeé nu̱u̱-ní tuʼun ndetu ja nateku...
... ta̱ ji̱ʼi̱ ɨn taʼan-ní?
... ta iyo yika ja teku-ní?
Ka kundeʼe-ní VIDEO de ka ndatuʼun-ní sɨkɨ nda tuʼun yaʼa:
¿Na̱sa ka ndaniʼi tuʼun ndeé ini nda ta̱tá Phelicity ja sɨkɨ tuʼun ja nateku?
JA KACHI SAVA NDA ÑAYÍ: “Víjin kuu nu̱u̱-sa ja kandija-sa ja nda ndɨyɨ kuu ka nateku-ji nu̱u̱ Ñuʼun”.
¿Na̱sa jani ini maa-ní?
¿Na texto Biblia kuu kuatiñu-ní tágua steʼen-ní ja nateku nda ñayí nu̱u̱ Ñuʼun?
JA NI KUTUʼVA-YO
Biblia kachi-ji ja kuaʼa tuni millón ñayí kuu ka nateku-ji. Jeová kúni-Ya ja nateku-ji de ni jeʼe-Ya poder nu̱u̱ Jesús tágua kuu nasteku-de nda-ji.
Tuʼun núku̱ʼun ini
¿Na̱sa jíni̱-yo ja Jeová ji Jesús kuu ini nda-de ja nasteku-de nda ñayí ja ni ka ji̱ʼi̱?
¿Nde nu̱u̱ kundee kuaʼa millón ñayí ja nateku: a nu̱u̱ andɨvɨ́ axi nu̱u̱ Ñuʼun? ¿Nakú jani ini-ní sukua?
¿Nakú ñúʼun kají ini-ní ja nda taʼan-ní ja ni ji̱ʼi̱ kuu ka nateku-ji?
NU̱U̱ NDANIʼI KA-NÍ TUʼUN
Kaʼvi-ní nda tuʼun vaʼa ja chíndeé nu̱u̱-ní ta kukuéká ini-ní.
“Tuʼun ja chíndeé nu̱u̱ nda ñayí ja kukuéká ini” (¡Despertad!, núm. 3 2018)
¿A kuu chíndeé Biblia nu̱u̱ ɨn ñayí ja kukuéká ini?
Kundeʼe-ní na̱sa kuu chíndeé nu̱u̱ ɨn suchí luli ja ni ji̱ʼi̱ ɨn taʼan-ji.
¿A nateku ɨn ñayí nu̱u̱ andɨvɨ́? ¿A koo ɨn ñayí ja ma nateku-ji?