Tiñu ja saʼa “esclavo fiel ji prudente”

Jesús kuu ja “cúñáʼnú” nu̱u̱ congregación cristiana (Efesios 5:23). Kɨvɨ mita, Jesús jatiñu-de “esclavo fiel ji prudente” tágua chuʼun ichí-de nu̱u̱ nda ñayí ja ndiki̱ nu̱u̱-de nu̱u̱ Ñuʼun yaʼa (kaʼvi-ní Mateo 24:45). De Jesús ni jani̱-de “mozo” yaʼa, de ni jeʼe-de tuʼun ja kuu tatuni-ji. Vese sá, ka kandija-ji nu̱u̱ Cristo de ka satiñu inuú-ji jín nda ñani̱ Cristo. ¿Nde kuu mozo ñukua? ¿Na̱sa ka jito-ji nu̱u̱-yo?

1. ¿Nde kuu “esclavo fiel ji prudente”?

Jeová niini jatiñu-Ya ɨn teé axi kuaʼa nda teé tágua kuu chuʼun ichí-Ya ñuu-Ya (Malaquías 2:7, TNM; Hebreos 1:1). Tanu kuu, ta ni ji̱ʼi̱ Jesús, nda apóstol ji nda anciano Jerusalén ni ka chuʼun ichí-de nu̱u̱ congregación (Hechos 15:2). Ta ni̱ kuu kɨvɨ janaʼán, suni kɨvɨ mita ɨn grupo luli nda anciano—Cuerpo Gobernante nda Testigo Jeová—ka steʼen-de Tuʼun Yandios ji ka chuʼun ichí-de ja kaʼan Tuʼun-Ya. Tanu kachi tuʼun yaʼa: “De maá patrón [Jesús] ni̱ jani de̱ mozo ñúcuán ja̱ coto ji nchivi̱ veʼe de̱” (Mateo 24:45b). Jeová jatiñu-Ya espiritu santo-Ya tágua ka̱ji-Ya nda teé ja ka kuu Cuerpo Gobernante de ka ndetu-de kɨvɨ ja kuu tatuni-de jín Cristo nu̱u̱ Reino andɨvɨ́, ta jinú ja ka teku-de nu̱u̱ Ñuʼun yaʼa.

2. ¿Nde kuu Tuʼun Yandios ja taji esclavo fiel?

Jesús ni ka̱ji-de nu̱u̱ esclavo fiel “tácua scáji̱ ji [nu̱u̱ nda̱ká cristiano] maá hora” (Mateo 24:45b). Tanu kuu nda ndeyu ja yaji-yo saʼa ja koo vaʼa-yo ji koo ndakui-yo, suni Tuʼun Yandios—ja kúni kaʼan, ja chuʼun ichí nu̱u̱-yo— chíndeé ja kuiñi tu̱u̱n-yo nu̱u̱ Jeová ji ja kuu saʼa-yo tiñu ja ni tetiñu Jesús nu̱u̱-yo (1 Timoteo 4:6). Tuʼun Yandios kenda nu̱u̱-yo nu̱u̱ nda reunión, nu̱u̱ nda asamblea, nda tutu ji nda video ja kaʼan tuʼun ja yoso nu̱u̱ Biblia. Ndɨʼɨ yaʼa chíndeé ja jakuʼun ini-yo naguá kúni Jeová ji ja koo ndakui ka ja kitaʼan-yo jín-Ya.

NÁ KUTUʼVA KA-YO SƗKƗ TUʼUN YAʼA

3. Jiniñuʼun ja ñuu Jeová satiñu inuú

Jesús chuʼun ichí-de Cuerpo Gobernante tágua kuu tatuni-de nu̱u̱ nda tiñu ja ka saʼa nda testigo Jeová. Nu̱u̱ siglo xinañuʼun, suni sukua ni ka satiñu congregación cristiana. Ka kundeʼe-ní VIDEO.

VIDEO: Jeová saʼa-Ya ja satiñu inuú ini ñuu-Ya (6:18)

Ka kaʼvi-ní 1 Corintios 14:33, 40 de ka ndatuʼun-ní sɨkɨ nda tuʼun yaʼa:

• Tanu kachi nda versículo yaʼa, ¿a kúni Jeová ja satiñu inuú nda Testigo-Ya? ¿Nakú jani ini-ní sukua?

4. Esclavo fiel kuu ja chuʼun ichí nu̱u̱ ja kaʼan-yo Tuʼun Yandios

Nu̱u̱ nda cristiano xinañuʼun, ja ni ka kaʼan-ji Tuʼun Yandios ni kuu ɨn ja kánuu tuni ka. Ka kaʼvi-ní Hechos 8:14, 25 de ka ndatuʼun-ní sɨkɨ nda tuʼun yaʼa:

• Nu̱u̱ siglo xinañuʼun, ¿nde ɨn ni ka chuʼun ichí nu̱u̱ tiñu ja kaʼan Tuʼun Yandios?

• ¿Naguá ni ka saʼa Pedro ji Juan jín nda tuʼun ja ni ka jeʼe sava ka nda apóstol?

Ja kaʼan-yo Tuʼun Yandios kuu ɨn ja kánuu tuni ka ja satuʼva Cuerpo Gobernante. Ka kundeʼe-ní VIDEO.

VIDEO: Ja kánuu ka nu̱u̱-yo kuu ja kaʼan-yo Tuʼun Yandios (1:24)

Jesús ni kachi-de ja kánuu tuni kuu ja kaʼan-yo Tuʼun Yandios. Ka kaʼvi-ní Marcos 13:10 de ka ndatuʼun-ní sɨkɨ nda tuʼun yaʼa:

• ¿Nakú kánuu tuni nu̱u̱ Cuerpo Gobernante ja kaʼan-yo Tuʼun Yandios?

• ¿Nakú jiniñuʼun-yo ja “esclavo fiel ji prudente” satuʼva-de tiñu yaʼa nu̱u̱ níí ñuuyɨvɨ́?

5. Esclavo fiel chuʼun ichí-de yoʼo

Cuerpo Gobernante ka chuʼun ichí-de nda cristiano nu̱u̱ níí ñuuyɨvɨ́. ¿Na̱sa ka ka̱ji-de nda tuʼun ja ka jeʼe-de? Kundeʼe-ní na̱sa ni saʼa cuerpo gobernante nu̱u̱ siglo xinañuʼun. Ka kaʼvi-ní Hechos 15:1, 2 de ka ndatuʼun-ní sɨkɨ nda tuʼun yaʼa:

• ¿Na sɨkɨ ɨn tiñu ni saʼa ja nduu ni iyo inuú ini nda cristiano nu̱u̱ siglo xinañuʼun?

• ¿Na nu̱u̱ ñayí ni ka jaʼan Pablo, Bernabé ji sava ka nda cristiano tágua ka ndasaʼa vaʼa-de tiñu yaʼa?

Ka kaʼvi-ní Hechos 15:12-18 ji 23-29, de ka ndatuʼun-ní sɨkɨ nda tuʼun yaʼa:

• Ta nchaʼa ja ka ka̱ji-de ɨn tuʼun, ¿naguá ni saʼa cuerpo gobernante siglo xinañuʼun tágua Yandios chuʼun ichí-Ya nda-de? (Ka kundeʼe-ní nda versículo 12, 15 ji 28).

Ka kaʼvi-ní Hechos 15:30, 31 ji 16:4, 5, de ka ndatuʼun-ní sɨkɨ nda tuʼun yaʼa:

• ¿Na̱sa ni ka kuu ini nda cristiano xinañuʼun ta ni ka nini-de nda tuʼun ja ni jeʼe cuerpo gobernante?

• ¿Na̱sa jíni̱-yo ja Jeová ni jeʼe-Ya ja vaʼa sɨkɨ ja ni ka kandija-de?

Ka kaʼvi-ní 2 Timoteo 3:16 ji Santiago 1:5, de ka ndatuʼun-ní sɨkɨ nda tuʼun yaʼa:

• Ta Cuerpo Gobernante ja iyo mita jiniñuʼun ja ka̱ji-de naguá saʼa-de, ¿na̱sa saʼa-de tágua ni̱ʼi̱n-de nda tuʼun ja jiñiñuʼun-de?

JA NI KUTUʼVA-YO

Cuerpo Gobernante kuu “esclavo fiel ji prudente” ja ni ka̱ji Cristo. Esclavo yaʼa jeʼe Tuʼun Yandios ji tuʼun jiniñuʼun nda cristiano ja iyo nu̱u̱ níí ñuuyɨvɨ́.

Tuʼun núku̱ʼun ini

• ¿Nde ɨn ni ka̱ji “esclavo fiel ji prudente”?

• ¿Na̱sa jito Cuerpo Gobernante nda̱ká yoʼo?

• ¿A káʼán-ní ja Cuerpo Gobernante kuu “esclavo fiel ji prudente”?

NU̱U̱ NDANIʼI KA-NÍ TUʼUN

Kutuʼva-ní na̱sa satiñu inuú Cuerpo Gobernante tágua kuu saʼa-de tiñu ja iyo nu̱u̱-de.

“¿Naguá kuu Cuerpo Gobernante nda Testigo Jeová?” (Artículo nu̱u̱ jw.org)

Kutuʼva-ní naguá saʼa Cuerpo Gobernante tágua nda Tuʼun Yandios ja kenda nu̱u̱-yo kuu ɨn tuʼun nda̱a̱.

Nda tutu ka tava̱-yo niini ka kaʼan tuʼun nda̱a̱ (17:18)

¿Naguá ka kachi nda teé ja ka kuu Cuerpo Gobernante sɨkɨ tiñu ja ni jeʼe Jesús nu̱u̱ nda-de?

Kuu ɨn tiñu ja ka kusii ini-sa ka saʼa-sa (7:09)

¿Na̱sa steʼen nda reunión ji nda asamblea-yo ja Jeová chuʼun ichí-Ya Cuerpo Gobernante?

Jeová steʼen-Ya nu̱u̱ ñuu-Ya (9:39)